त्रिपुरारिस्तोत्रम् मुरारिस्तोत्रम् च Shri Tripurari Stotram

नमामोऽसुरारेस्सुरारेर्गणाग्र्यंनमामोऽन्धकारिं मखारिं निजारेः (रिम्) ।शिरो गाङ्गवारिप्रचारक्षमोऽस्यनमामः पुरारिम् मुरारेः प्रियं तम् ॥ १॥

namāmo'surāressurārergaṇāgryaṃnamāmo'ndhakāriṃ makhāriṃ nijāreḥ (rim) |śiro gāṅgavāripracārakṣamo'syanamāmaḥ purārim murāreḥ priyaṃ tam || 1||

मुखैः पञ्चभिः पञ्चभिः पञ्चषष्ठंत्रयीसाङ्ख्ययोगाङ्गमारण्यकानि ।जगौ भक्तिकाण्डं हरेस्सौख्यभाण्डंनमामः पुरारिं मुरारेः प्रियं तम् ॥ २॥

mukhaiḥ pañcabhiḥ pañcabhiḥ pañcaṣaṣṭhaṃtrayīsāṅkhyayogāṅgamāraṇyakāni |jagau bhaktikāṇḍaṃ haressaukhyabhāṇḍaṃnamāmaḥ purāriṃ murāreḥ priyaṃ tam || 2||

हरेरङ्घ्रितो गाङ्गवारि प्रसूतंकपर्दे कपर्दे कपर्द्दीचकार ।अखर्वं च गर्वं हरन् जह्नुजायानमामः पुरारिं मुरारेः प्रियं तम् ॥ ३॥

hareraṅghrito gāṅgavāri prasūtaṃkaparde kaparde kaparddīcakāra |akharvaṃ ca garvaṃ haran jahnujāyānamāmaḥ purāriṃ murāreḥ priyaṃ tam || 3||

गुरूणां गुरुर्यो मतो नारदेनउपज्ञोऽपि शिष्यः परः पूरुषस्य ।तृतीयं गुणं यो नियन्तुं नियन्ता ।नामः पुरारिं मुरारेः प्रियं तम् ॥ ४॥

gurūṇāṃ gururyo mato nāradenaupajño'pi śiṣyaḥ paraḥ pūruṣasya |tṛtīyaṃ guṇaṃ yo niyantuṃ niyantā |nāmaḥ purāriṃ murāreḥ priyaṃ tam || 4||

समस्तागमा मूलमन्त्राश्च सर्वेयतः सम्प्रसूता यतः सिद्धिमन्त्राः ।पुराणार्णमाद्यं दशार्णं जपन्तेनमामः पुरारिं मुरारेः प्रियं तम् ॥ ५॥

samastāgamā mūlamantrāśca sarveyataḥ samprasūtā yataḥ siddhimantrāḥ |purāṇārṇamādyaṃ daśārṇaṃ japantenamāmaḥ purāriṃ murāreḥ priyaṃ tam || 5||

सदाम्नायमाद्यं जगौ नारदायविकुण्ठाधिनाथादवाप्यैव पूर्वम् ।ततः शेषतः शेषधर्मं दधारनमामः पुरारिं मुरारेः प्रियं तम् ॥ ६॥

sadāmnāyamādyaṃ jagau nāradāyavikuṇṭhādhināthādavāpyaiva pūrvam |tataḥ śeṣataḥ śeṣadharmaṃ dadhāranamāmaḥ purāriṃ murāreḥ priyaṃ tam || 6||

कृपातो गतो व्यापिवैकुण्ठभाजांसमीपे ददर्श व्रजेशं रसेशम् ।ततोऽनुगृहीतोऽखिलैभक्तिवर्यैःनमामः पुरारिं मुरारेः प्रियं तम् ॥ ७॥

kṛpāto gato vyāpivaikuṇṭhabhājāṃsamīpe dadarśa vrajeśaṃ raseśam |tato'nugṛhīto'khilaibhaktivaryaiḥnamāmaḥ purāriṃ murāreḥ priyaṃ tam || 7||

स्थितो यो निदेशाय सिंहासने स्वेमणिव्रातकीर्णे मुनिव्रातमध्ये ।उपज्ञो गुरुर्ज्ञानदानाय लोकेनमामः पुरारिं मुरारेः प्रियं तम् ॥ ८॥

sthito yo nideśāya siṃhāsane svemaṇivrātakīrṇe munivrātamadhye |upajño gururjñānadānāya lokenamāmaḥ purāriṃ murāreḥ priyaṃ tam || 8||

व्यासेन कथितं पुण्यं त्रिपुरारेर्महास्तवम् ।कीर्तयेच्छृणुयाद्यस्तु स मुरारेः प्रियो भवेत् ॥ ९॥

vyāsena kathitaṃ puṇyaṃ tripurārermahāstavam |kīrtayecchṛṇuyādyastu sa murāreḥ priyo bhavet || 9||

(२९३७)इति श्रीशाण्डिल्यसंहितायां पञ्चमे भक्तिखण्डे चतुर्थांशेएकादशोऽध्याये श्रीत्रिपुरारिस्तोत्रं सम्पूर्णम् ।मुरारिस्तोत्रम्

(2937)iti śrīśāṇḍilyasaṃhitāyāṃ pañcame bhaktikhaṇḍe caturthāṃśeekādaśo'dhyāye śrītripurāristotraṃ sampūrṇam |murāristotram