विष्णोरष्टोत्तरशतदिव्यस्थानीयनामस्तोत्रम् Shri Vishnorashtottarashatadivyasthaniyanama Shtotram

अष्टोत्तरशतस्थानेष्वाविर्भूतं जगत्पतिम् ।नमामि जगतामीशं नारायणमनन्यधीः ॥ १॥

aṣṭottaraśatasthāneṣvāvirbhūtaṃ jagatpatim |namāmi jagatāmīśaṃ nārāyaṇamananyadhīḥ || 1||

श्रीवैकुण्ठे वासुदेवमामोदे कर्षणाह्वयम् ।प्रद्युम्नं च प्रमोदाख्ये सम्मोदे चानिरुद्धकम् ॥ २॥

śrīvaikuṇṭhe vāsudevamāmode karṣaṇāhvayam |pradyumnaṃ ca pramodākhye sammode cāniruddhakam || 2||

सत्यलोके तथा विष्णुं पद्माक्षं सूर्यमण्डले ।क्षीराब्धौ शेषशयनं श्वेतद्वीपेतु तारकम् ॥ ३॥

satyaloke tathā viṣṇuṃ padmākṣaṃ sūryamaṇḍale |kṣīrābdhau śeṣaśayanaṃ śvetadvīpetu tārakam || 3||

नारायणं बदर्याख्ये नैमिषे हरिमव्ययम् ।शालग्रामं हरिक्षेत्रे अयोध्यायां रघूत्तमम् ॥ ४॥

nārāyaṇaṃ badaryākhye naimiṣe harimavyayam |śālagrāmaṃ harikṣetre ayodhyāyāṃ raghūttamam || 4||

मथुरायां बालकृष्णं मायायां मधुसूदनम् ।काश्यां तु भोगशयनमवन्त्यामवनीपतिम् ॥ ५॥

mathurāyāṃ bālakṛṣṇaṃ māyāyāṃ madhusūdanam |kāśyāṃ tu bhogaśayanamavantyāmavanīpatim || 5||

द्वारवत्यां यादवेन्द्रं व्रजे गोपीजनप्रियम् ।वृन्दावने नन्दसूनुं गोविन्दं कालियह्रदे ॥ ६॥

dvāravatyāṃ yādavendraṃ vraje gopījanapriyam |vṛndāvane nandasūnuṃ govindaṃ kāliyahrade || 6||

गोवर्धने गोपवेषं भवघ्नं भक्तवत्सलम् ।गोमन्तपर्वते शौरिं हरिद्वारे जगत्पतिम् ॥ ७॥

govardhane gopaveṣaṃ bhavaghnaṃ bhaktavatsalam |gomantaparvate śauriṃ haridvāre jagatpatim || 7||

प्रयागे माधवं चैव गयायां तु गदाधरम् ।गङ्गासागरगे विष्णुं चित्रकूटे तु राघवम् ॥ ८॥

prayāge mādhavaṃ caiva gayāyāṃ tu gadādharam |gaṅgāsāgarage viṣṇuṃ citrakūṭe tu rāghavam || 8||

नन्दिग्रामे राक्षसघ्नं प्रभासे विश्वरूपिणम् ।श्रीकूर्मे कूर्ममचलं नीलाद्रौ पुरुषोत्तमम् ॥ ९॥

nandigrāme rākṣasaghnaṃ prabhāse viśvarūpiṇam |śrīkūrme kūrmamacalaṃ nīlādrau puruṣottamam || 9||

सिंहाचले महासिंहं गदिनं तुलसीवने ।घृतशैले पापहरं श्वेताद्रौ सिंहरूपिणम् ॥ १०॥

siṃhācale mahāsiṃhaṃ gadinaṃ tulasīvane |ghṛtaśaile pāpaharaṃ śvetādrau siṃharūpiṇam || 10||

योगानन्दं धर्मपुर्यां काकुले त्वान्ध्रनायकम् ।अहोबिले गारुडाद्रौ हिरण्यासुरमर्दनम् ॥ ११॥

yogānandaṃ dharmapuryāṃ kākule tvāndhranāyakam |ahobile gāruḍādrau hiraṇyāsuramardanam || 11||

विट्ठलं पाण्डुरङ्गे तु वेङ्कटाद्रौ रमासखम् ।नारायणं यादवाद्रौ नृसिंहं घटिकाचले ॥ १२॥

viṭṭhalaṃ pāṇḍuraṅge tu veṅkaṭādrau ramāsakham |nārāyaṇaṃ yādavādrau nṛsiṃhaṃ ghaṭikācale || 12||

वरदं वारणगिरौ काञ्च्यां कमललोचनम् ।यथोक्तकारिणं चैव परमेशपुराश्रयम् ॥ १३॥

varadaṃ vāraṇagirau kāñcyāṃ kamalalocanam |yathoktakāriṇaṃ caiva parameśapurāśrayam || 13||

पाण्डवानां तथा दूतं त्रिविक्रममथोन्नतम् ।कामासिक्यां नृसिंहं च तथाष्टभुजसज्ञकम् ॥ १४॥

pāṇḍavānāṃ tathā dūtaṃ trivikramamathonnatam |kāmāsikyāṃ nṛsiṃhaṃ ca tathāṣṭabhujasajñakam || 14||

मेघाकारं शुभाकारं शेषाकारं तु शोभनम् ।अन्तरा शितिकण्ठस्य कामकोट्यां शुभप्रदम् ॥ १५॥

meghākāraṃ śubhākāraṃ śeṣākāraṃ tu śobhanam |antarā śitikaṇṭhasya kāmakoṭyāṃ śubhapradam || 15||

कालमेघं खगारूढं कोटिसूर्यसमप्रभम् ।दिव्यं दीपप्रकाशं च देवानामधिपं मुने ॥ १६॥

kālameghaṃ khagārūḍhaṃ koṭisūryasamaprabham |divyaṃ dīpaprakāśaṃ ca devānāmadhipaṃ mune || 16||

प्रवालवर्णं दीपाभं काञ्च्यामष्टादशस्थितम् ।श्रीगृध्रसरसस्तीरे भान्तं विजयराघवम् ॥ १७॥

pravālavarṇaṃ dīpābhaṃ kāñcyāmaṣṭādaśasthitam |śrīgṛdhrasarasastīre bhāntaṃ vijayarāghavam || 17||

वीक्षारण्ये महापुण्ये शयानं वीरराघवम् ।तोताद्रौ तुङ्गशयनं गजार्तिघ्नं गजस्थले ॥ १८॥

vīkṣāraṇye mahāpuṇye śayānaṃ vīrarāghavam |totādrau tuṅgaśayanaṃ gajārtighnaṃ gajasthale || 18||

महाबलं बलिपुरे भक्तिसारे जगत्पतिम् ।महावराहं श्रीमुष्णे महीन्द्रे पद्मलोचनम् ॥ १९॥

mahābalaṃ balipure bhaktisāre jagatpatim |mahāvarāhaṃ śrīmuṣṇe mahīndre padmalocanam || 19||

श्रीरङ्गे तु जगन्नाथं श्रीधामे जानकीप्रियम् ।सारक्षेत्रे सारनाथं खण्डने हरचापहम् ॥ २०॥

śrīraṅge tu jagannāthaṃ śrīdhāme jānakīpriyam |sārakṣetre sāranāthaṃ khaṇḍane haracāpaham || 20||

श्रीनिवासस्थले पूर्णं सुवर्णं स्वर्णमन्दिरे ।व्याघ्रपुर्यां महाविष्णुं भक्तिस्थाने तु भक्तिदम् ॥ २१॥

śrīnivāsasthale pūrṇaṃ suvarṇaṃ svarṇamandire |vyāghrapuryāṃ mahāviṣṇuṃ bhaktisthāne tu bhaktidam || 21||

श्वेतह्रदे शान्तमूर्तिमग्निपुर्यां सुरप्रियम् ।भर्गाख्यं भार्गवस्थाने वैकुण्ठाख्ये तु माधवम् ॥ २२॥

śvetahrade śāntamūrtimagnipuryāṃ surapriyam |bhargākhyaṃ bhārgavasthāne vaikuṇṭhākhye tu mādhavam || 22||

पुरुषोत्तमे भक्तसखं चक्रतीर्थे सुदर्शनम् ।कुम्भकोणे चक्रपाणिं भूतस्थाने तु शार्ङ्गिणम् ॥ २३॥

puruṣottame bhaktasakhaṃ cakratīrthe sudarśanam |kumbhakoṇe cakrapāṇiṃ bhūtasthāne tu śārṅgiṇam || 23||

कपिस्थले गजार्तिघ्नं गोविन्दं चित्रकूटके ।अनुत्तमं चोत्तमायां श्वेताद्रौ पद्मलोचनम् ॥ २४॥

kapisthale gajārtighnaṃ govindaṃ citrakūṭake |anuttamaṃ cottamāyāṃ śvetādrau padmalocanam || 24||

पार्थस्थले परब्रह्म कृष्णाकोट्यां मधुद्विषम् ।नन्दपुर्यां महानन्दं वृद्धपुर्यां वृषाश्रयम् ॥ २५॥

pārthasthale parabrahma kṛṣṇākoṭyāṃ madhudviṣam |nandapuryāṃ mahānandaṃ vṛddhapuryāṃ vṛṣāśrayam || 25||

असङ्गं सङ्गमग्रामे शरण्ये शरणं महत् ।दक्षिणद्वारकायां तु गोपालं जगतां पतिम् ॥ २६॥

asaṅgaṃ saṅgamagrāme śaraṇye śaraṇaṃ mahat |dakṣiṇadvārakāyāṃ tu gopālaṃ jagatāṃ patim || 26||

सिंहक्षेत्रे महासिंहं मल्लारिं मणिमण्डपे ।निबिडे निबिडाकारं धानुष्के जगदीश्वरम् ॥ २७॥

siṃhakṣetre mahāsiṃhaṃ mallāriṃ maṇimaṇḍape |nibiḍe nibiḍākāraṃ dhānuṣke jagadīśvaram || 27||

मौहूरे कालमेघं तु मधुरायां तु सुन्दरम् ।वृषभाद्रौ महापुण्ये परमस्वामिसज्ञकम् ॥ २८॥

mauhūre kālameghaṃ tu madhurāyāṃ tu sundaram |vṛṣabhādrau mahāpuṇye paramasvāmisajñakam || 28||

श्रीमद्वरगुणे नाथं कुरुकायां रमासखम् ।गोष्ठीपुरे गोष्ठपतिं शयानं दर्भसंस्तरे ॥ २९॥

śrīmadvaraguṇe nāthaṃ kurukāyāṃ ramāsakham |goṣṭhīpure goṣṭhapatiṃ śayānaṃ darbhasaṃstare || 29||

धन्विमङ्गलके शौरिं बलाढ्यं भ्रमरस्थले ।कुरङ्गे तु तथा पूर्णं कृष्णामेकं वटस्थले ॥ ३०॥

dhanvimaṅgalake śauriṃ balāḍhyaṃ bhramarasthale |kuraṅge tu tathā pūrṇaṃ kṛṣṇāmekaṃ vaṭasthale || 30||

अच्युतं क्षुद्रनद्यां तु पद्मनाभमनन्तके ।एतानि विष्णोः स्थानानि पूजितानि महात्मभिः ॥ ३१॥

acyutaṃ kṣudranadyāṃ tu padmanābhamanantake |etāni viṣṇoḥ sthānāni pūjitāni mahātmabhiḥ || 31||

अधिष्ठितानि देवेश तत्रासीनं च माधवम् ।यः स्मरेत्सततं भक्त्या चेतसानन्यगामिना ॥ ३२॥

adhiṣṭhitāni deveśa tatrāsīnaṃ ca mādhavam |yaḥ smaretsatataṃ bhaktyā cetasānanyagāminā || 32||

स विधूयातिसंसारबन्धं याति हरेः पदम् ।अष्टोत्तरशतं विष्णोः स्थानानि पठता स्वयम् ॥ ३३॥

sa vidhūyātisaṃsārabandhaṃ yāti hareḥ padam |aṣṭottaraśataṃ viṣṇoḥ sthānāni paṭhatā svayam || 33||

अधीताः सकला वेदाः कृताश्च विविधा मखाः ।सम्पादिता तथा मुक्तिः परमानन्ददायिनी ॥ ३४॥

adhītāḥ sakalā vedāḥ kṛtāśca vividhā makhāḥ |sampāditā tathā muktiḥ paramānandadāyinī || 34||

अवगाढानि तीर्थानि ज्ञातः स भगवान् हरिः ।आद्यमेतत्स्वयं व्यक्तं विमानं रङ्गसज्ञकम् ।श्रीमुष्णं वेङ्कटाद्रिं च शालग्रामं च नैमिषम् ॥ ३५॥

avagāḍhāni tīrthāni jñātaḥ sa bhagavān hariḥ |ādyametatsvayaṃ vyaktaṃ vimānaṃ raṅgasajñakam |śrīmuṣṇaṃ veṅkaṭādriṃ ca śālagrāmaṃ ca naimiṣam || 35||

तोताद्रिं पुष्करं चैव नरनारायणाश्रमम् ।अष्टौ मे मूर्तयः सन्ति स्वयं व्यक्ता महीतले ॥ ३६॥

totādriṃ puṣkaraṃ caiva naranārāyaṇāśramam |aṣṭau me mūrtayaḥ santi svayaṃ vyaktā mahītale || 36||

॥ इति श्रीविष्णोरष्टोत्तरशतदिव्यस्थानीयनामस्तोत्रं सम्पूर्णम् ॥

|| iti śrīviṣṇoraṣṭottaraśatadivyasthānīyanāmastotraṃ sampūrṇam ||