विष्णुस्तोत्रम् राजा अम्बरीषकृतम् Raja Ambarishakritam Vishnu Stotram
viṣṇustotram rājā ambarīṣakṛtam
Raja Ambarishakritam Vishnu Stotram (विष्णुस्तोत्रम् राजा अम्बरीषकृतम्): a stotra to Viṣṇu. 13 verses in Sanskrit with Devanagari and IAST.
- Stotra
- Stotra
- Viṣṇu
- Stotra
विष्णुस्तोत्रम् राजा अम्बरीषकृतम्
1 / 13
राजोवाचआदिदेव जयाजेय जय सर्गादिकारक ।जयास्पष्टप्रकाशाण्ड बृहन्मूर्ते जयाक्षर ॥ ३६॥
rājovācaādideva jayājeya jaya sargādikāraka |jayāspaṣṭaprakāśāṇḍa bṛhanmūrte jayākṣara || 36||
जय सर्वगताचिन्त्य जय जन्मजरापह ।जय व्यापिञ्जयाभेद सर्वभूतेष्ववस्थित ॥ ३७॥
jaya sarvagatācintya jaya janmajarāpaha |jaya vyāpiñjayābheda sarvabhūteṣvavasthita || 37||
जय यज्ञपते नाथ हव्यकव्याशनाव्यय ।जय विज्ञातसिद्धान्त मायामोहक केशव ॥ ३८॥
jaya yajñapate nātha havyakavyāśanāvyaya |jaya vijñātasiddhānta māyāmohaka keśava || 38||
लोकस्थित्यर्थमनघ वराह जय भूधर ।नृसिंह जय देवारिवक्षःस्थलविदारण ॥ ३९॥
lokasthityarthamanagha varāha jaya bhūdhara |nṛsiṃha jaya devārivakṣaḥsthalavidāraṇa || 39||
देवानामरिभीतानामार्तिनाशन वामन ।जय क्रान्तसमस्तोर्वीनभःस्वर्लोकभावन ॥ ४०॥
devānāmaribhītānāmārtināśana vāmana |jaya krāntasamastorvīnabhaḥsvarlokabhāvana || 40||
जितं ते जगतामीश जितं ते सर्व सर्वद ।जितं ते सर्वभूतेश योगिध्येय नमोऽस्तु ते ॥ ४१॥
jitaṃ te jagatāmīśa jitaṃ te sarva sarvada |jitaṃ te sarvabhūteśa yogidhyeya namo'stu te || 41||
नमोऽस्त्वव्यपदेश्याय नमः सूक्ष्मस्वरूपिणे ।नमस्त्रिमूर्तये तुभ्यं विश्वमूर्ते नमोऽस्तु ते ॥ ४२॥
namo'stvavyapadeśyāya namaḥ sūkṣmasvarūpiṇe |namastrimūrtaye tubhyaṃ viśvamūrte namo'stu te || 42||
ब्रह्माद्यैश्चिन्त्यते रूपं यत्तत्सदसतः परम् ।विशेषैरविशेष्याय तस्मै तुभ्यं नमो नमः ॥ ४३॥
brahmādyaiścintyate rūpaṃ yattatsadasataḥ param |viśeṣairaviśeṣyāya tasmai tubhyaṃ namo namaḥ || 43||
पुरुषाख्यं ततो रूपं निर्गुणं गुणभोक्तृ च ।प्रकृतेः परतः सूक्ष्मं तन्नमस्यामि ते हरे ॥ ४४॥
puruṣākhyaṃ tato rūpaṃ nirguṇaṃ guṇabhoktṛ ca |prakṛteḥ parataḥ sūkṣmaṃ tannamasyāmi te hare || 44||
अव्यक्तादिविशेषान्तमतिसूक्ष्मतमं महत् ।प्राकृतं तव तद्रूपं तस्मै देव नमाम्यहम् ॥ ४५॥
avyaktādiviśeṣāntamatisūkṣmatamaṃ mahat |prākṛtaṃ tava tadrūpaṃ tasmai deva namāmyaham || 45||
रूपैर्नानाविधैर्यश्च तद्रूपान्तरगोचरम् ।लीलया व्यवहारस्ते तस्मै देवात्मने नमः ॥ ४६॥
rūpairnānāvidhairyaśca tadrūpāntaragocaram |līlayā vyavahāraste tasmai devātmane namaḥ || 46||
प्रसीद विष्णो गोविन्द शङ्खचक्रगदाधर ।धराधरारविन्दाक्ष वासुदेव महेश्वर ॥ ४७॥
prasīda viṣṇo govinda śaṅkhacakragadādhara |dharādharāravindākṣa vāsudeva maheśvara || 47||
इति विष्णुधर्मेषु द्वितीयोऽध्यायान्तर्गतं राजा अम्बरीषकृतंविष्णुस्तोत्रं सम्पूर्णम् ।
iti viṣṇudharmeṣu dvitīyo'dhyāyāntargataṃ rājā ambarīṣakṛtaṃviṣṇustotraṃ sampūrṇam |
॥ इति विष्णुस्तोत्रम् राजा अम्बरीषकृतम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Raja Ambarishakritam Vishnu Stotram?
Raja Ambarishakritam Vishnu Stotram has 13 verses on this page, each shown with its number, Devanagari text and transliteration, and meaning where available.
Can I read Raja Ambarishakritam Vishnu Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Raja Ambarishakritam Vishnu Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
