रघुवीरसुप्रभातम् Raghuvira Suprabhatam

परिणतिपरिशंसी मन्दमन्दं निशायामृदुमधुरनिनादो जृम्भतेऽयं मृदङ्गात् ।करतलपरिमृष्टाद् बन्दिनामागतानांरघुकुलजलधीन्दो नाथ ते सुप्रभातम् ॥ १॥

pariṇatipariśaṃsī mandamandaṃ niśāyāmṛdumadhuraninādo jṛmbhate'yaṃ mṛdaṅgāt |karatalaparimṛṣṭād bandināmāgatānāṃraghukulajaladhīndo nātha te suprabhātam || 1||

मुहुरविकलगीतैर्मोहयन्निन्द्रियौधंश्रुतिपुटविवराभ्यां मन्दमन्तः प्रविश्य ।अयमपहरति द्राङ्मानसं वेणुनादोरघुकुलजलधीन्दो नाथ ते सुप्रभातम् ॥ २॥

muhuravikalagītairmohayannindriyaudhaṃśrutipuṭavivarābhyāṃ mandamantaḥ praviśya |ayamapaharati drāṅmānasaṃ veṇunādoraghukulajaladhīndo nātha te suprabhātam || 2||

उदयति निशि यस्मिन् सद्गणो धिक्कृतोऽभूत्स तु पतनमुपैष्यत्युन्नतिं धिग् घिगिन्दोः ।प्रभवति हि विभूत्यै सद्गणस्योन्नतिस्तेरघुकुलजलधीन्दो नाथ ते सुप्रभातम् ॥ ३॥

udayati niśi yasmin sadgaṇo dhikkṛto'bhūtsa tu patanamupaiṣyatyunnatiṃ dhig ghigindoḥ |prabhavati hi vibhūtyai sadgaṇasyonnatisteraghukulajaladhīndo nātha te suprabhātam || 3||

अयमुदयति गूढः किञ्चिदुच्चैः सरिद्भिःश्रयति सपदि भास्वानंशुजालैः परीतः ।हरिहरिदसिताक्ष्याः कङ्कताभां कराब्जेरघुकुलजलधीन्दो नाथ ते सुप्रभातम् ॥ ४॥

ayamudayati gūḍhaḥ kiñciduccaiḥ saridbhiḥśrayati sapadi bhāsvānaṃśujālaiḥ parītaḥ |hariharidasitākṣyāḥ kaṅkatābhāṃ karābjeraghukulajaladhīndo nātha te suprabhātam || 4||

दशशतकरजालं द्राक् प्रसार्यांशुमालिन्यमरदिगसिताक्ष्याश्लेषणायोन्मुखेऽस्मिन् ।कलमिह रचयन्ते गीतमेता विहङ्ग्योरघुकुलजलधीन्दो नाथ ते सुप्रभातम् ॥ ५॥

daśaśatakarajālaṃ drāk prasāryāṃśumālinyamaradigasitākṣyāśleṣaṇāyonmukhe'smin |kalamiha racayante gītametā vihaṅgyoraghukulajaladhīndo nātha te suprabhātam || 5||

विकचजलजगन्धानाहरन् मन्दवातश्चिरमयमवगाह्य स्रोतसिं ह्रादिनीनाम् ।शमयति तव देव्याः स्वेदबिन्दून् मुखाब्जेरघुकुलजलधीन्दो नाथ ते सुप्रभातम् ॥ ६॥

vikacajalajagandhānāharan mandavātaściramayamavagāhya srotasiṃ hrādinīnām |śamayati tava devyāḥ svedabindūn mukhābjeraghukulajaladhīndo nātha te suprabhātam || 6||

जनकनृपतिकन्या पूर्वमेव प्रबुद्धाकथमपि विरचय्याश्लेषभेदं तवैषा ।रचयति ननु दूरे क्लेशमावीजनात् तेरघुकुलजलधीन्दो नाथ ते सुप्रभातम् ॥ ७॥

janakanṛpatikanyā pūrvameva prabuddhākathamapi viracayyāśleṣabhedaṃ tavaiṣā |racayati nanu dūre kleśamāvījanāt teraghukulajaladhīndo nātha te suprabhātam || 7||

तव चरणसरोजद्वन्द्वसंवाहनेनह्ययमपि गमयित्वा शर्वरीं निर्निमेषम् ।अरुणनयनकोणः प्राञ्जलिर्वायुसूनूरघुकुलजलधीन्दो नाथ ते सुप्रभातम् ॥ ८॥

tava caraṇasarojadvandvasaṃvāhanenahyayamapi gamayitvā śarvarīṃ nirnimeṣam |aruṇanayanakoṇaḥ prāñjalirvāyusūnūraghukulajaladhīndo nātha te suprabhātam || 8||

कमपि कुलिशपाणेरायुधेनाप्यभेद्यंरचयसि यदि सेतुं देव संसारसिन्धोः ।तरति सुखमिदानीं सर्व एवात्र लोकेरघुकुलजलधीन्दो नाथ ते सुप्रभातम् ॥ ९॥

kamapi kuliśapāṇerāyudhenāpyabhedyaṃracayasi yadi setuṃ deva saṃsārasindhoḥ |tarati sukhamidānīṃ sarva evātra lokeraghukulajaladhīndo nātha te suprabhātam || 9||

इति कृष्णकविविरचितं श्रीरघुवीरसुप्रभातं सम्पूर्णम् ।स्तोत्रसमुच्चयः २ (७०)

iti kṛṣṇakaviviracitaṃ śrīraghuvīrasuprabhātaṃ sampūrṇam |stotrasamuccayaḥ 2 (70)