अवतारत्रयस्तोत्रम् Avataratraya Stotram

मध्वहृत्कमलस्थितं वरदायकं करुणाकरंलक्ष्मणाग्रजमक्षयं दुरितक्षयं कमलेक्षणम् ।रावणान्तकमव्ययं वरजानकीरमणं विभुंअञ्जनासुतपाणिकञ्जनिषेवितं प्रणमाम्यहम् ॥ १॥

madhvahṛtkamalasthitaṃ varadāyakaṃ karuṇākaraṃlakṣmaṇāgrajamakṣayaṃ duritakṣayaṃ kamalekṣaṇam |rāvaṇāntakamavyayaṃ varajānakīramaṇaṃ vibhuṃañjanāsutapāṇikañjaniṣevitaṃ praṇamāmyaham || 1||

पालयस्व निपालयस्व निपालयस्व रमापते ।वादिराजमुनीन्द्रवन्दित वाजिवक्त्र नमोऽस्तु ते ॥देवकीतनयं निजार्जुनसारथिं गरुडध्वजंपूतनाशकटासुरादिखलान्तकं पुरुषोत्तमम् ।दुष्टकंसनिमर्दनं वररुग्मिणीपतिमच्युतंभीमसेनकराम्बुजेन सुसेवितं प्रणमाम्यहम् ॥ २॥

pālayasva nipālayasva nipālayasva ramāpate |vādirājamunīndravandita vājivaktra namo'stu te ||devakītanayaṃ nijārjunasārathiṃ garuḍadhvajaṃpūtanāśakaṭāsurādikhalāntakaṃ puruṣottamam |duṣṭakaṃsanimardanaṃ vararugmiṇīpatimacyutaṃbhīmasenakarāmbujena susevitaṃ praṇamāmyaham || 2||

पालयस्व निपालयस्व निपालयस्व रमापते ।वादिराजमुनीन्द्रवन्दित वाजिवक्त्र नमोऽस्तु ते ॥ज्ञानमुक्तिसुभक्तिदं वरबादरायणमव्ययंकोटिभास्करभासमानकिरीटकुण्डलमण्डितम् ।वाक्सुदर्शनतः कलेः शिरघातकं रमया युतंमध्वसत्करकञ्जपूजितमक्षयं प्रणमाम्यहम् ॥ ३॥

pālayasva nipālayasva nipālayasva ramāpate |vādirājamunīndravandita vājivaktra namo'stu te ||jñānamuktisubhaktidaṃ varabādarāyaṇamavyayaṃkoṭibhāskarabhāsamānakirīṭakuṇḍalamaṇḍitam |vāksudarśanataḥ kaleḥ śiraghātakaṃ ramayā yutaṃmadhvasatkarakañjapūjitamakṣayaṃ praṇamāmyaham || 3||

पालयस्व निपालयस्व निपालयस्व रमापते ।वादिराजमुनीन्द्रवन्दित वाजिवक्त्र नमोऽस्तु ते ॥इति श्रीमद्वादिराजपूज्यचरणविरचितंअवतारत्रयस्तोत्रं सम्पूर्णम् ।भारतीरमणमुख्यप्राणान्तर्गत श्रीकृष्णार्पणमस्तु ।

pālayasva nipālayasva nipālayasva ramāpate |vādirājamunīndravandita vājivaktra namo'stu te ||iti śrīmadvādirājapūjyacaraṇaviracitaṃavatāratrayastotraṃ sampūrṇam |bhāratīramaṇamukhyaprāṇāntargata śrīkṛṣṇārpaṇamastu |