हरिस्तोत्रम् Bhadramatikritam Hari Stotram

ततो ययौ परं तीर्थं पापनाशननामकम् ।स्नात्वा ददौ श्रोत्रियाय भूदानं वैष्णवाय सः ॥ ६०॥

tato yayau paraṃ tīrthaṃ pāpanāśananāmakam |snātvā dadau śrotriyāya bhūdānaṃ vaiṣṇavāya saḥ || 60||

तत्कालं भगवाँस्तत्र साक्षादाविर्बभूव ह ।भद्रमतिः स्तवं चक्रे नमो नारायणाय ते ॥ ६१॥

tatkālaṃ bhagavām̐statra sākṣādāvirbabhūva ha |bhadramatiḥ stavaṃ cakre namo nārāyaṇāya te || 61||

कारणाय प्रपालायाऽन्तकाय नायकाय च ।पावकाय प्रसन्नाय स्मृद्धिदाय च ते नमः ॥ ६२॥

kāraṇāya prapālāyā'ntakāya nāyakāya ca |pāvakāya prasannāya smṛddhidāya ca te namaḥ || 62||

श्रीशाय श्रीकृष्णनारायणाय भूधराय च ।लक्ष्मीशाय प्रभेशाय माणिकीशाय ते नमः ॥ ६३॥

śrīśāya śrīkṛṣṇanārāyaṇāya bhūdharāya ca |lakṣmīśāya prabheśāya māṇikīśāya te namaḥ || 63||

पार्वतीशाय गोपालबालकाय च ते नमः ।कम्भराङ्कप्रजाताय सर्वज्ञाय च ते नमः ॥ ६४॥

pārvatīśāya gopālabālakāya ca te namaḥ |kambharāṅkaprajātāya sarvajñāya ca te namaḥ || 64||

चक्रपद्मादिचिह्नाय पुमुत्तमाय ते नमः ।क्षीरसागरवासाय श्रीलक्ष्मीसेविताय च ॥ ६५॥

cakrapadmādicihnāya pumuttamāya te namaḥ |kṣīrasāgaravāsāya śrīlakṣmīsevitāya ca || 65||

अभीष्टसुखदात्रे ते यज्ञवाराहरूपिणे ।नमस्ते कमलाकान्त पद्माकान्ताय ते नमः ॥ ६६॥

abhīṣṭasukhadātre te yajñavārāharūpiṇe |namaste kamalākānta padmākāntāya te namaḥ || 66||

पद्मिनीपतये भक्तदारिद्र्यनाशकाय ते ।साधुरूपाय ते कृष्ण! भूयो भूयो नमो नमः ॥ ६७॥

padminīpataye bhaktadāridryanāśakāya te |sādhurūpāya te kṛṣṇa! bhūyo bhūyo namo namaḥ || 67||

इति श्रीलक्ष्मीनारायणीयसंहितायां प्रथमे कृतयुगसन्ताने ४०३अध्यायान्तर्गतंभद्रमतिकृतं हरिस्तोत्रं सम्पूर्णम् ।लक्ष्मीनारायणीयसंहिता । खण्ड १। अध्याय ४०३/६०६७॥लक्ष्मीनारायणीयसंहिता । खण्ड १। अध्याय ४०३/६०-६७॥

iti śrīlakṣmīnārāyaṇīyasaṃhitāyāṃ prathame kṛtayugasantāne 403adhyāyāntargataṃbhadramatikṛtaṃ haristotraṃ sampūrṇam |lakṣmīnārāyaṇīyasaṃhitā | khaṇḍa 1| adhyāya 403/6067||lakṣmīnārāyaṇīyasaṃhitā | khaṇḍa 1| adhyāya 403/60-67||