विष्णुस्तोत्रम् (भद्रमतिकृतं स्कन्दपुराणान्तर्गतम् नमो नमस्तेऽखिलकारणाय नमो नमस्तेऽखिलपालकाय) Bhadramatikritam Vishnu Stotram
viṣṇustotram (bhadramatikṛtaṃ skandapurāṇāntargatam namo namaste'khilakāraṇāya namo namaste'khilapālakāya)
Bhadramatikritam Vishnu Stotram (विष्णुस्तोत्रम् (भद्रमतिकृतं स्कन्दपुराणान्तर्गतम् नमो नमस्तेऽखिलकारणाय नमो नमस्तेऽखिलपालकाय)): a stotra to Viṣṇu. 9 verses in Sanskrit with Devanagari and IAST.
- Stotra
- Stotra
- Viṣṇu
- Stotra
विष्णुस्तोत्रम् (भद्रमतिकृतं स्कन्दपुराणान्तर्गतम् नमो नमस्तेऽखिलकारणाय नमो नमस्तेऽखिलपालकाय)
1 / 9
नमो नमस्तेऽखिलकारणाय नमो नमस्तेऽखिलपालकाय ।नमो नमस्तेऽमरनायकाय नमो नमो दैत्यविमर्दनाय ॥ ७५॥
namo namaste'khilakāraṇāya namo namaste'khilapālakāya |namo namaste'maranāyakāya namo namo daityavimardanāya || 75||
नमो नमो भक्तजनप्रियाय नमो नमः पापविदारणाय ।नमो नमो दुर्जननाशकाय नमोऽस्तु तस्मै जगदीश्वराय ॥ ७६॥
namo namo bhaktajanapriyāya namo namaḥ pāpavidāraṇāya |namo namo durjananāśakāya namo'stu tasmai jagadīśvarāya || 76||
नमो नमः कारणवामनाय नारायणायामितविक्रमाय ।श्रीशार्ङ्गचक्रासिगदाधराय नमोऽस्तु तस्मै पुरुषोत्तमाय ॥ ७७॥
namo namaḥ kāraṇavāmanāya nārāyaṇāyāmitavikramāya |śrīśārṅgacakrāsigadādharāya namo'stu tasmai puruṣottamāya || 77||
नमः पयोराशिनिवासकाय नमोऽस्तु लक्ष्मीपतयेऽव्ययाय ।नमोऽस्तु सूर्याद्यमितप्रभाय नमो नमः पुण्यगतागताय ॥ ७८॥
namaḥ payorāśinivāsakāya namo'stu lakṣmīpataye'vyayāya |namo'stu sūryādyamitaprabhāya namo namaḥ puṇyagatāgatāya || 78||
नमो नमोऽर्केन्दुविलोचनाय नमोऽस्तु ते यज्ञफलप्रदाय ।नमोऽस्तु यज्ञाङ्गविराजिताय नमोऽस्तु ते सज्जनवल्लभाय ॥ ७९॥
namo namo'rkenduvilocanāya namo'stu te yajñaphalapradāya |namo'stu yajñāṅgavirājitāya namo'stu te sajjanavallabhāya || 79||
नमो नमः कारणकारणाय नमोऽस्तु शब्दादिविवर्जिताय ।नमोऽस्तु तेऽभीष्टसुखप्रदाय नमो नमो भक्तमनोरमाय ॥ १\।२०\।८०॥नमो नमस्तेऽद्भुतकारणाय नमोऽस्तु ते मन्दरधारकाय ।नमोऽस्तु ते यज्ञवराहनाम्ने नमो हिरण्याक्षविदारकाय ॥ ८१॥
namo namaḥ kāraṇakāraṇāya namo'stu śabdādivivarjitāya |namo'stu te'bhīṣṭasukhapradāya namo namo bhaktamanoramāya || 1\|20\|80||namo namaste'dbhutakāraṇāya namo'stu te mandaradhārakāya |namo'stu te yajñavarāhanāmne namo hiraṇyākṣavidārakāya || 81||
नमोऽस्तु ते वामनरूपभाजे नमोऽस्तु ते क्षत्रकुलान्तकाय ।नमोऽस्तु ते रावणमर्दनाय नमोऽस्तु ते नन्दसुताग्रजाय ॥ ८२॥
namo'stu te vāmanarūpabhāje namo'stu te kṣatrakulāntakāya |namo'stu te rāvaṇamardanāya namo'stu te nandasutāgrajāya || 82||
नमस्ते कमलाकान्त नमस्ते सुखदायिने ।श्रितार्तिनाशिने तुभ्यं भूयो भूयो नमो नमः ॥ ८३॥
namaste kamalākānta namaste sukhadāyine |śritārtināśine tubhyaṃ bhūyo bhūyo namo namaḥ || 83||
इति श्रीस्कन्दपुराणे वैष्णवखण्डे वेङ्कटाचलमाहात्म्ये विंशाध्यायान्तर्गतंभद्रमतिकृतं विष्णुस्तोत्रं समाप्तम् ।स्कन्दपुराण । वैष्णवखण्ड । वेङ्कटखण्ड । अध्याय २०/७५८३॥स्कन्दपुराण । वैष्णवखण्ड । वेन्कटखण्ड । अध्याय २०/७५-८३॥
iti śrīskandapurāṇe vaiṣṇavakhaṇḍe veṅkaṭācalamāhātmye viṃśādhyāyāntargataṃbhadramatikṛtaṃ viṣṇustotraṃ samāptam |skandapurāṇa | vaiṣṇavakhaṇḍa | veṅkaṭakhaṇḍa | adhyāya 20/7583||skandapurāṇa | vaiṣṇavakhaṇḍa | venkaṭakhaṇḍa | adhyāya 20/75-83||
॥ इति विष्णुस्तोत्रम् (भद्रमतिकृतं स्कन्दपुराणान्तर्गतम् नमो नमस्तेऽखिलकारणाय नमो नमस्तेऽखिलपालकाय) सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Bhadramatikritam Vishnu Stotram?
Bhadramatikritam Vishnu Stotram has 9 verses on this page, each shown with its number, Devanagari text and transliteration, and meaning where available.
Can I read Bhadramatikritam Vishnu Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Bhadramatikritam Vishnu Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
