ऋष्यश‍ृङ्गाष्टकम् Shri Rishyashringa Ashtakam

श्रीऋष्यशृङ्गमुनये करुणाकरायसद्यः सुवृष्टिपरिवर्धनकारणाय ।शान्ताधिपाय शतमन्युसुपूजितायश्रीमद्विभाण्डकसुताय सदा नमस्ते ॥ १॥

śrīṛṣyaśṛṅgamunaye karuṇākarāyasadyaḥ suvṛṣṭiparivardhanakāraṇāya |śāntādhipāya śatamanyusupūjitāyaśrīmadvibhāṇḍakasutāya sadā namaste || 1||

शान्त्यादिसाधनसुपूरितमानसायकान्ताय कन्तुपरिसेवितपादुकाय ।क्षुत्क्षान्तलोकपरिरक्षणपण्डितायसर्वार्थदाय गुरवे ऋषये नमस्ते ॥ २॥

śāntyādisādhanasupūritamānasāyakāntāya kantuparisevitapādukāya |kṣutkṣāntalokaparirakṣaṇapaṇḍitāyasarvārthadāya gurave ṛṣaye namaste || 2||

सर्वात्मकाय कलिदोषविशोषणायविद्याभिवेद्यचरणाय सुवर्षणाय ।पापापहाय परितापनिवारणायब्रह्मात्मबोधजनकाय नमो नमस्ते ॥ ३॥

sarvātmakāya kalidoṣaviśoṣaṇāyavidyābhivedyacaraṇāya suvarṣaṇāya |pāpāpahāya paritāpanivāraṇāyabrahmātmabodhajanakāya namo namaste || 3||

रक्षोघ्नमन्त्रपरितर्जितराक्षसायश्रीसूर्यवंशपरिवर्धनदीक्षिताय ।तुङ्गानदीतटनिवाससमुत्सुकायचन्द्राननाय मुनये सततं नमस्ते ॥ ४॥

rakṣoghnamantraparitarjitarākṣasāyaśrīsūryavaṃśaparivardhanadīkṣitāya |tuṅgānadītaṭanivāsasamutsukāyacandrānanāya munaye satataṃ namaste || 4||

तुङ्गाङ्गदेशदुरवग्रहनिग्रहायजीमूतजातपरिकर्षणतत्पराय ।दैन्यापहाय धनधान्यसमृद्धिदायतस्मै नमो भगवते जगतां हिताय ॥ ५॥

tuṅgāṅgadeśaduravagrahanigrahāyajīmūtajātaparikarṣaṇatatparāya |dainyāpahāya dhanadhānyasamṛddhidāyatasmai namo bhagavate jagatāṃ hitāya || 5||

विप्रोत्तमाय विदुषां परितोषणायसत्यादिपोषणरताय सदात्मकाय ।काव्यार्थसारहृदयाय कविप्रियायतस्मै नमोऽस्तु सततं विदुषां वराय ॥ ६॥

viprottamāya viduṣāṃ paritoṣaṇāyasatyādipoṣaṇaratāya sadātmakāya |kāvyārthasārahṛdayāya kavipriyāyatasmai namo'stu satataṃ viduṣāṃ varāya || 6||

कल्याणशीलकलिताय कलान्वितायमन्दस्मितास्यकमलाय मनोहराय ।धर्मार्थकामवरमोक्षफलप्रदायनित्यं नमोऽस्तु परमेश्वरपूजकाय ॥ ७॥

kalyāṇaśīlakalitāya kalānvitāyamandasmitāsyakamalāya manoharāya |dharmārthakāmavaramokṣaphalapradāyanityaṃ namo'stu parameśvarapūjakāya || 7||

राजाधिराजपरिसन्नुतवैभवायभव्याय दिव्यसुगुणाय शुभप्रदाय ।सर्वाङ्गसुन्दरकलेबरशोभितायश्रुत्येकवेद्यनिजरूपविदे नमस्ते ॥ ८॥

rājādhirājaparisannutavaibhavāyabhavyāya divyasuguṇāya śubhapradāya |sarvāṅgasundarakalebaraśobhitāyaśrutyekavedyanijarūpavide namaste || 8||

शृङ्गान्विताय वरमङ्गलकारकायश्रीचन्द्रचूडकरुणारसपोषिताय ।आश्चर्यदिव्यचरिताय मृगीसुतायमृत्युञ्जयाय महते सततं नमस्ते ॥ ९॥

śṛṅgānvitāya varamaṅgalakārakāyaśrīcandracūḍakaruṇārasapoṣitāya |āścaryadivyacaritāya mṛgīsutāyamṛtyuñjayāya mahate satataṃ namaste || 9||

श्रीशारदापदसरोजमुपासितेनश्रीशङ्करार्यवरपीठसुसंस्थितेन ।सच्चित्सुखात्मकगुरोः करसम्भवेनस्तोत्रं कृतं सुखकरं हि नृसिंहनाम्ना ॥ १०॥

śrīśāradāpadasarojamupāsitenaśrīśaṅkarāryavarapīṭhasusaṃsthitena |saccitsukhātmakaguroḥ karasambhavenastotraṃ kṛtaṃ sukhakaraṃ hi nṛsiṃhanāmnā || 10||

ऋष्यशृङ्गमुनेस्स्तोत्रं यत्र यत्र हि पठ्यते ।तत्र तत्र सुवृष्टिः स्याद्धनधान्यसमृद्धिदा ॥॥इति शृङ्गेरीजगद्गुरु श्रीश्रीश्री नृसिंहभारतीमहास्वामिभिःविरचितं श्रीऋष्यशृङ्गाष्टकं सम्पूर्णम् ॥

ṛṣyaśṛṅgamunesstotraṃ yatra yatra hi paṭhyate |tatra tatra suvṛṣṭiḥ syāddhanadhānyasamṛddhidā ||||iti śṛṅgerījagadguru śrīśrīśrī nṛsiṃhabhāratīmahāsvāmibhiḥviracitaṃ śrīṛṣyaśṛṅgāṣṭakaṃ sampūrṇam ||