शिवोद्वाहगमनवर्णनम् Shivodvahagamanavarnanam

(शिवरहस्यान्तर्गते ईशाख्ये)शिव उवाच ।नन्दिन् मद्गणपा यत्र समायान्तु मदन्तिकम् ॥ ५॥

(śivarahasyāntargate īśākhye)śiva uvāca |nandin madgaṇapā yatra samāyāntu madantikam || 5||

विष्णो सन्नह्यतां सेना सुराणामस्त्रशोभिता ।नदी विष्णुः प्रणम्ये शक्रमाज्ञापयंस्तदा ॥ ६॥

viṣṇo sannahyatāṃ senā surāṇāmastraśobhitā |nadī viṣṇuḥ praṇamye śakramājñāpayaṃstadā || 6||

हरिरुवाच ।सन्नह्यतां महासेना सुराणां सुपताकिनी ।मा विलम्बो भवत्वत्र निर्गच्छति महेश्वरः ॥ ७॥

hariruvāca |sannahyatāṃ mahāsenā surāṇāṃ supatākinī |mā vilambo bhavatvatra nirgacchati maheśvaraḥ || 7||

गिरीन्द्रनिलयं देव्याः कर्तुं पाणिग्रहं विभुः ।शिवोद्वाहगमनवर्णनम्देवपत्न्यश्च याः सर्वा मातरो भूषणान्विताः ॥ ८॥

girīndranilayaṃ devyāḥ kartuṃ pāṇigrahaṃ vibhuḥ |śivodvāhagamanavarṇanamdevapatnyaśca yāḥ sarvā mātaro bhūṣaṇānvitāḥ || 8||

मण्डयित्वा स्वकाङ्गानि वासोभूषणगन्धकैः ।पुष्पैर्दिव्याङ्गरागैश्च नीराजनकराःस्त्रियः ॥ ९॥

maṇḍayitvā svakāṅgāni vāsobhūṣaṇagandhakaiḥ |puṣpairdivyāṅgarāgaiśca nīrājanakarāḥstriyaḥ || 9||

समागच्छन्तु देवेशपाणिग्रहणमङ्गले ।इन्द्रोऽप्याज्ञापयामास आनेतुं मातलिं प्रति ॥ १०॥

samāgacchantu deveśapāṇigrahaṇamaṅgale |indro'pyājñāpayāmāsa ānetuṃ mātaliṃ prati || 10||

स मातलिस्त्वरायुक्तो देवसेनां समानयत् ।शक्रस्य गणपा ये च वज्रोद्यतकराः शुभाः ॥ ११॥

sa mātalistvarāyukto devasenāṃ samānayat |śakrasya gaṇapā ye ca vajrodyatakarāḥ śubhāḥ || 11||

मकुटोज्ज्वलमस्तास्ते युवानो मृष्टकुण्डलाः ।रक्तचन्दनलिप्ताङ्गा वाद्यकास्तत्र चागताः ॥ १२॥

makuṭojjvalamastāste yuvāno mṛṣṭakuṇḍalāḥ |raktacandanaliptāṅgā vādyakāstatra cāgatāḥ || 12||

पताकावैजयन्तीभिः पटहानकनिःस्वनैः ।तथा यमगणास्तत्र कृष्णाङ्गा विकृतायुधाः ॥ १३॥

patākāvaijayantībhiḥ paṭahānakaniḥsvanaiḥ |tathā yamagaṇāstatra kṛṣṇāṅgā vikṛtāyudhāḥ || 13||

करालदंष्ट्रोरुशिखा मुसलायुधपाणयः ।समागता यमेनैव पाशदण्डायुधेन च ॥ १४॥

karāladaṃṣṭroruśikhā musalāyudhapāṇayaḥ |samāgatā yamenaiva pāśadaṇḍāyudhena ca || 14||

वारुणा गणपास्तत्र हरिता बाहुशालिना ।पाशखड्गकराः सर्वे नियुतं वरुणेन हि ॥ १५॥

vāruṇā gaṇapāstatra haritā bāhuśālinā |pāśakhaḍgakarāḥ sarve niyutaṃ varuṇena hi || 15||

यक्षाधिपेन साहिता यक्षाः शिक्षाविशारदाः ।प्रयुतं खड्गखेटाधैः समायाता मदोद्धताः ॥ १६॥

yakṣādhipena sāhitā yakṣāḥ śikṣāviśāradāḥ |prayutaṃ khaḍgakheṭādhaiḥ samāyātā madoddhatāḥ || 16||

वायुना वायुगणपास्तोमरासक्तपाणयः ।समायाता(?)युतं तत्र गन्धस्रग्वरभूषिताः ॥ १८॥

vāyunā vāyugaṇapāstomarāsaktapāṇayaḥ |samāyātā(?)yutaṃ tatra gandhasragvarabhūṣitāḥ || 18||

निरृतेर्गणपा येऽत्र प्रासासिवरपाणयः ।देवेन तेनचायाता अयुतं भूषणान्विताः ॥ १९॥

nirṛtergaṇapā ye'tra prāsāsivarapāṇayaḥ |devena tenacāyātā ayutaṃ bhūṣaṇānvitāḥ || 19||

ईशानो गणपैस्तत्र समायाताः सहस्रशः ।निषङ्गिभिः कवचिभिर्हेतितोमरपाणिभिः ॥ २०॥

īśāno gaṇapaistatra samāyātāḥ sahasraśaḥ |niṣaṅgibhiḥ kavacibhirhetitomarapāṇibhiḥ || 20||

इषुमद्भिश्चापधृग्भिर्दिविभूम्यन्तरिक्षगैः ।अथायाश्च मरुतः सहस्राण्यत्र षोडश ॥ २१॥

iṣumadbhiścāpadhṛgbhirdivibhūmyantarikṣagaiḥ |athāyāśca marutaḥ sahasrāṇyatra ṣoḍaśa || 21||

वसवो बलिनस्तत्र त्रिंशत्साहस्रमूर्जिताः ।द्वादशादित्यकास्तत्र सहस्रेण पृथक् पृथक् ॥ २२॥

vasavo balinastatra triṃśatsāhasramūrjitāḥ |dvādaśādityakāstatra sahasreṇa pṛthak pṛthak || 22||

सुधन्वानसहस्रेण धनुर्बाणकरा गताः ।अश्विनौ द्विसहस्रेण बलेन शरपाणिना ॥ २३॥

sudhanvānasahasreṇa dhanurbāṇakarā gatāḥ |aśvinau dvisahasreṇa balena śarapāṇinā || 23||

नागाः किम्पुरुषाः सिद्धा गन्धर्वा वाद्यवादकाः ।पिशाचा गरुडा यक्षा राक्षसा दैत्यनायकाः ॥ २४॥

nāgāḥ kimpuruṣāḥ siddhā gandharvā vādyavādakāḥ |piśācā garuḍā yakṣā rākṣasā daityanāyakāḥ || 24||

नागाश्चाप्सरसो रूपलावण्या गीतपेशलाः ।पितरो यातुधानाश्च डाकिन्यो योगिनीगणाः ॥ २५(धृतनानाविधास्त्राश्च डाकिन्यो योगिनीगणाः) ॥ २५॥

nāgāścāpsaraso rūpalāvaṇyā gītapeśalāḥ |pitaro yātudhānāśca ḍākinyo yoginīgaṇāḥ || 25(dhṛtanānāvidhāstrāśca ḍākinyo yoginīgaṇāḥ) || 25||

किन्नरा भैरवास्तत्र चामुण्डा शाकिनीगणाः ।गावोऽथ मातरस्तत्र समायाताः सुपेशलाः ॥ २६॥

kinnarā bhairavāstatra cāmuṇḍā śākinīgaṇāḥ |gāvo'tha mātarastatra samāyātāḥ supeśalāḥ || 26||

सर्वाभरणभूषाढ्या स्रुग्गन्धाश्च सुवाससः ।धृतनानाविधास्त्राश्च नानावाद्यकृतादराः ॥ २७॥

sarvābharaṇabhūṣāḍhyā sruggandhāśca suvāsasaḥ |dhṛtanānāvidhāstrāśca nānāvādyakṛtādarāḥ || 27||

अथादितिर्दितिर्लक्ष्मीर्धेनुर्वाणी च कालिका ।पुलोमा विपुला चैव सिह्मिका सुरसा तथा ॥ २८॥

athāditirditirlakṣmīrdhenurvāṇī ca kālikā |pulomā vipulā caiva sihmikā surasā tathā || 28||

सिद्धिरृद्धिः क्रिया दुर्गा स्वधास्वाहा दनुः कुहूः ।राका स्पृहा सिनीवाली स्वरा बुद्धिर्मतिः शची ॥ २९॥

siddhirṛddhiḥ kriyā durgā svadhāsvāhā danuḥ kuhūḥ |rākā spṛhā sinīvālī svarā buddhirmatiḥ śacī || 29||

अरुन्धती च सावित्रीगायत्रीरोहिणीमुखाः ।गार्गी मैत्रायणी चैव अनसूया पतिव्रता ॥ ३०॥

arundhatī ca sāvitrīgāyatrīrohiṇīmukhāḥ |gārgī maitrāyaṇī caiva anasūyā pativratā || 30||

लोपामुद्रा तथा गार्गी सन्नतिः सुनतिः क्रुधा ।रम्भा मृणालिका चैव मेनका सहजन्यका ॥ ३१॥

lopāmudrā tathā gārgī sannatiḥ sunatiḥ krudhā |rambhā mṛṇālikā caiva menakā sahajanyakā || 31||

विप्रचित्तिर्मिश्रकेशी ऊर्वशी चारुहासिनी ।विश्वाची च घृताची च मित्रविन्दा अलम्बुसा ॥ ३२॥

vipracittirmiśrakeśī ūrvaśī cāruhāsinī |viśvācī ca ghṛtācī ca mitravindā alambusā || 32||

एताश्चाप्सरसां श्रेष्ठाः अप्सरःकोटयो नव ।हावभावमनोज्ञेन तौर्यत्रिकयुता ययुः ॥ ३३॥

etāścāpsarasāṃ śreṣṭhāḥ apsaraḥkoṭayo nava |hāvabhāvamanojñena tauryatrikayutā yayuḥ || 33||

सागरा गिरयो मेध्या नद्यः संवत्सरा ग्रहाः ।सोमेन सहिताः सर्वे सामायातास्त्रिकोटिकम् ॥ ३४॥

sāgarā girayo medhyā nadyaḥ saṃvatsarā grahāḥ |somena sahitāḥ sarve sāmāyātāstrikoṭikam || 34||

मनोहरेण वेषेण ऋक्षाणि ऋषयो मनुः ।वेदा मन्त्रास्तथा यज्ञाश्छन्दांसि प्रणवस्तथा ॥ ३५॥

manohareṇa veṣeṇa ṛkṣāṇi ṛṣayo manuḥ |vedā mantrāstathā yajñāśchandāṃsi praṇavastathā || 35||

मन्त्रग्रामं तथा सर्वम्पुराणानि च शास्त्रकम् ।स्वरूपवेषाभरणास्तत्र जग्मुश्च सङ्घशः ॥ ३६॥

mantragrāmaṃ tathā sarvampurāṇāni ca śāstrakam |svarūpaveṣābharaṇāstatra jagmuśca saṅghaśaḥ || 36||

उद्वाहः शङ्करस्येति देवदेवाज्ञया तदा ।भासयन्तो भूषणैश्च शास्त्राणां वादघोषणैः ॥ ३७॥

udvāhaḥ śaṅkarasyeti devadevājñayā tadā |bhāsayanto bhūṣaṇaiśca śāstrāṇāṃ vādaghoṣaṇaiḥ || 37||

त्रिषष्टिकोटितुरगाः रुक्मभाण्डपरिच्छदाः ।जविनो बलसम्पन्नाः संस्थिताः सुरसादिनः ॥ ३८॥

triṣaṣṭikoṭituragāḥ rukmabhāṇḍaparicchadāḥ |javino balasampannāḥ saṃsthitāḥ surasādinaḥ || 38||

सुरघृष्टां महीं चक्रुर्हेषाभूषैकसन्मुखाः ।तोमराङ्कुशबाणाग्रपताकावलिभूषिताः ॥ ३९॥

suraghṛṣṭāṃ mahīṃ cakrurheṣābhūṣaikasanmukhāḥ |tomarāṅkuśabāṇāgrapatākāvalibhūṣitāḥ || 39||

गजा महामात्रयुता दन्तवेष्टशराग्रकाः ।उद्यत्कुम्भाः कर्णतालैर्लम्बितालोलचामराः ॥ ४०॥

gajā mahāmātrayutā dantaveṣṭaśarāgrakāḥ |udyatkumbhāḥ karṇatālairlambitālolacāmarāḥ || 40||

त्रिंशत्कोटिर्ययुस्तत्र मेघा इव भुवं गताः ।रथाः पञ्चशतं कोट्यः सुतरङ्गाः सुचक्रकाः ॥ ४१॥

triṃśatkoṭiryayustatra meghā iva bhuvaṃ gatāḥ |rathāḥ pañcaśataṃ koṭyaḥ sutaraṅgāḥ sucakrakāḥ || 41||

सुपताकाः सावरोधा सदश्वाः सम्प्रचोदिताः ।रथनेमिस्वनैस्तत्र गजाश्ववृकबृंहितैः ॥ ४२॥

supatākāḥ sāvarodhā sadaśvāḥ sampracoditāḥ |rathanemisvanaistatra gajāśvavṛkabṛṃhitaiḥ || 42||

धूयमानपताकाग्रैः शङ्खदुन्दुभिनिःस्वनैः ।बधिरीकृतदिक्चक्रं पङ्क्तिशः संस्थिताः सुराः ॥ ४३॥

dhūyamānapatākāgraiḥ śaṅkhadundubhiniḥsvanaiḥ |badhirīkṛtadikcakraṃ paṅktiśaḥ saṃsthitāḥ surāḥ || 43||

प्रणन्तुं श्रीमहेशानं तत्र तत्र स्वकाः स्वकाः ।गणेन्द्रा वारणेन्द्राभा नन्दिकेशज्ञया गताः ॥ ४४॥

praṇantuṃ śrīmaheśānaṃ tatra tatra svakāḥ svakāḥ |gaṇendrā vāraṇendrābhā nandikeśajñayā gatāḥ || 44||

उद्वाहः शङ्करस्येति तत्राजग्मुः पृथक् पृथक् ।सूर्याभाः शङ्खवर्णाश्च रक्तनीलारुणप्रभाः ॥ ४५॥

udvāhaḥ śaṅkarasyeti tatrājagmuḥ pṛthak pṛthak |sūryābhāḥ śaṅkhavarṇāśca raktanīlāruṇaprabhāḥ || 45||

सुपीता हरितास्तत्र युवानो बलशालिनः ।कोट्योऽथ सङ्ख्या तेषां तु तत्र नामानि वै शृणु ॥ ४६॥

supītā haritāstatra yuvāno balaśālinaḥ |koṭyo'tha saṅkhyā teṣāṃ tu tatra nāmāni vai śṛṇu || 46||

नन्दिकेशोऽथ दशभिर्भैरवोऽष्टाभिरेव च ।भृङ्गी कोटिद्वयेनाथ रिटिः कोट्या समाययौ ॥ ४७॥

nandikeśo'tha daśabhirbhairavo'ṣṭābhireva ca |bhṛṅgī koṭidvayenātha riṭiḥ koṭyā samāyayau || 47||

नवकोट्या वीरभद्रः कालाग्निर्दशकोटिभिः ।बाणत्रयेण वृषभश्चण्डीशः पञ्चभिर्वृतः ॥ ४८॥

navakoṭyā vīrabhadraḥ kālāgnirdaśakoṭibhiḥ |bāṇatrayeṇa vṛṣabhaścaṇḍīśaḥ pañcabhirvṛtaḥ || 48||

नियुतं च महानन्दी सोमनन्दी तथाऽयुतम् ।दशभिः केसराक्षश्च विद्युतोऽष्टभिरेव च ॥ ४९॥

niyutaṃ ca mahānandī somanandī tathā'yutam |daśabhiḥ kesarākṣaśca vidyuto'ṣṭabhireva ca || 49||

पञ्चभिस्तु कपालीशः पङ्क्तिभिस्च पिचण्डिलः ।कुम्भकश्च कुहुण्डश्च द्विकोटिभ्यां समीयतुः ॥ ५०॥

pañcabhistu kapālīśaḥ paṅktibhisca picaṇḍilaḥ |kumbhakaśca kuhuṇḍaśca dvikoṭibhyāṃ samīyatuḥ || 50||

विष्टम्भः कोटिगणपैर्भेरुण्डश्चात्र कोटितः ।पिप्पलः सद्रथश्चैव प्रयुतं नियुतं तथा ॥ ५१॥

viṣṭambhaḥ koṭigaṇapairbheruṇḍaścātra koṭitaḥ |pippalaḥ sadrathaścaiva prayutaṃ niyutaṃ tathā || 51||

आययौ च सहस्राणां नवत्या धुन्धुलीगणः ।सप्ताशीतिसहस्रेण महाकालस्तु कोटितः ॥ ५२॥

āyayau ca sahasrāṇāṃ navatyā dhundhulīgaṇaḥ |saptāśītisahasreṇa mahākālastu koṭitaḥ || 52||

अभीतो दशसाहस्रैः सुमुखः पञ्चभिस्तथा ।पिङ्गलश्च त्रिसाहस्रैः कुमुदोऽष्टसहस्रकैः ॥ ५३॥

abhīto daśasāhasraiḥ sumukhaḥ pañcabhistathā |piṅgalaśca trisāhasraiḥ kumudo'ṣṭasahasrakaiḥ || 53||

पूर्णभद्रोऽयुतेनागात् सुभद्रः सप्तभिर्ययौ ।विलोमा दशसाहस्रैः पिङ्गलोऽथाष्टभिर्ययौ ॥ ५४॥

pūrṇabhadro'yutenāgāt subhadraḥ saptabhiryayau |vilomā daśasāhasraiḥ piṅgalo'thāṣṭabhiryayau || 54||

कुम्भाण्डः षट्सहस्रेण रणभद्रोऽथ विंशतिः ।प्रयुधानो निधानश्च अष्टाशीतिसहस्रकैः ॥ ५५॥

kumbhāṇḍaḥ ṣaṭsahasreṇa raṇabhadro'tha viṃśatiḥ |prayudhāno nidhānaśca aṣṭāśītisahasrakaiḥ || 55||

एते गणेश्वरास्तत्र समायाताः पृथक् पृथक् ।एते चान्येऽप्यसङ्ख्यातास्तत्राजग्मुर्धृतायुधाः ॥ ५६॥

ete gaṇeśvarāstatra samāyātāḥ pṛthak pṛthak |ete cānye'pyasaṅkhyātāstatrājagmurdhṛtāyudhāḥ || 56||

सर्वे भस्मावदाताश्च जटामकुटधारिणःनीलकण्ठास्त्रिणेत्राश्च हारकेयूरपन्नगाः ॥ ५७॥

sarve bhasmāvadātāśca jaṭāmakuṭadhāriṇaḥnīlakaṇṭhāstriṇetrāśca hārakeyūrapannagāḥ || 57||

निषङ्गिणश्च सर्वेऽपि शरकार्मुकपाणयः ।समागतांस्तान् गणपान्निवेद्य सुरसत्तमान् ॥ ५८॥

niṣaṅgiṇaśca sarve'pi śarakārmukapāṇayaḥ |samāgatāṃstān gaṇapānnivedya surasattamān || 58||

नन्दिकेशः पुरस्तस्थौ हरिणाजिष्णुना तथा ।तानागतानथ ज्ञात्वा महादेवो वृषं तदा ॥ ५९॥

nandikeśaḥ purastasthau hariṇājiṣṇunā tathā |tānāgatānatha jñātvā mahādevo vṛṣaṃ tadā || 59||

चक्रे तुरङ्गमाकारं श्वेताभ्रशिखरोपमम् ।रत्नपल्याणसंयुक्तं सुखलीनास्यकं तथा ॥ ६०॥

cakre turaṅgamākāraṃ śvetābhraśikharopamam |ratnapalyāṇasaṃyuktaṃ sukhalīnāsyakaṃ tathā || 60||

स्वयं च मुकुटोद्दामशोभी चन्द्रार्कभासुरः ।रत्नमुक्तालसद्धारो रत्नग्रैवेयकाङ्गदः ॥ ६१॥

svayaṃ ca mukuṭoddāmaśobhī candrārkabhāsuraḥ |ratnamuktālasaddhāro ratnagraiveyakāṅgadaḥ || 61||

त्रिलोचनोऽरविन्दाक्षो लसद्दिव्याम्बरो बभौ ।सुमनोवर्षनिकरैरभिवृष्टो महेश्वरः ॥ ६२॥

trilocano'ravindākṣo lasaddivyāmbaro babhau |sumanovarṣanikarairabhivṛṣṭo maheśvaraḥ || 62||

दुन्दुभीनां निनादैश्च वेदबन्दिकृतस्तवैः ।जपतां गणदेवानां स्तवैर्नीराजनैः स्त्रियां (?) ॥ ६३॥

dundubhīnāṃ ninādaiśca vedabandikṛtastavaiḥ |japatāṃ gaṇadevānāṃ stavairnīrājanaiḥ striyāṃ (?) || 63||

नन्दिनो हस्तमालम्ब्य तण्डुसन्धृतछत्रकः ।रत्नपादुकपादाब्जो निर्ययौ स गणैः सुरैः ॥ ६४॥

nandino hastamālambya taṇḍusandhṛtachatrakaḥ |ratnapādukapādābjo niryayau sa gaṇaiḥ suraiḥ || 64||

हरिणा चाथ शक्रेण प्रोत्सारितसुरासुरः ।आलोकनेन सर्वेषां प्रणामालिं प्रगृह्य च ॥ ६५॥

hariṇā cātha śakreṇa protsāritasurāsuraḥ |ālokanena sarveṣāṃ praṇāmāliṃ pragṛhya ca || 65||

नदत्सु गजभेरीषु(?) शङ्खध्मातासु दिक्ष्वपि ।वर्षत्सु अभ्रेषु कुसुमं नृत्यन्तीष्वप्सरस्सु च ॥ ६६॥

nadatsu gajabherīṣu(?) śaṅkhadhmātāsu dikṣvapi |varṣatsu abhreṣu kusumaṃ nṛtyantīṣvapsarassu ca || 66||

नारदस्तुम्बुरुश्चापि वीणयाऽगायतां तदा ॥ ६७॥

nāradastumburuścāpi vīṇayā'gāyatāṃ tadā || 67||

तुङ्गं तुरङ्गमधिरुह्यपिनाकपाणिरश्वाधिपः सुरवरैर्गणमुख्यसङ्घैः ।पादातिभिर्हरिमहेन्द्रमुखैश्च सिद्धैःसम्पूजितो गिरिवरस्य गृहं जगाम ॥ ६८॥

tuṅgaṃ turaṅgamadhiruhyapinākapāṇiraśvādhipaḥ suravarairgaṇamukhyasaṅghaiḥ |pādātibhirharimahendramukhaiśca siddhaiḥsampūjito girivarasya gṛhaṃ jagāma || 68||

त्वङ्गत्तुरङ्गसुखलीनविचालनेनहृष्यत्पदातिगणसन्धृतपादपद्मः ।मायूरवीजनसुवीजितचामरौघैःछत्रावृतास्यकमलो गिरिशः प्रतस्थे ॥ ६९॥

tvaṅgatturaṅgasukhalīnavicālanenahṛṣyatpadātigaṇasandhṛtapādapadmaḥ |māyūravījanasuvījitacāmaraughaiḥchatrāvṛtāsyakamalo giriśaḥ pratasthe || 69||

हिमाचलगृहं ययौ सुरवरैर्गणेन्द्रैर्हरोनदत्सुगजपृष्ठगैर्विजितकाब्धिभेरीरवैः ।सुवर्षितसुराङ्गनाकुसुमलाजकार्द्राक्षतैःसुरोरुसुपताकिनीचलदपारवेत्राग्रके ॥ ७०॥

himācalagṛhaṃ yayau suravarairgaṇendrairharonadatsugajapṛṣṭhagairvijitakābdhibherīravaiḥ |suvarṣitasurāṅganākusumalājakārdrākṣataiḥsurorusupatākinīcaladapāravetrāgrake || 70||

नदत्सुगणबृंहितैर्हयवरोरुहेषारवैरथाङ्गपरिवर्तनैः श्रुतिशिरोगतैश्चस्तवैः ॥ ७१॥

nadatsugaṇabṛṃhitairhayavaroruheṣāravairathāṅgaparivartanaiḥ śrutiśirogataiścastavaiḥ || 71||

द्योतन्ति तत्र गणपाः किल कामरूपाःशूलासिबाणवरहस्तधृतोर्ध्वचापाः ।देहप्रभाविजित तप्तसुजातरूपायूपा इवाग्रनिकरा अपि भूपरूपाः ॥ ७२॥

dyotanti tatra gaṇapāḥ kila kāmarūpāḥśūlāsibāṇavarahastadhṛtordhvacāpāḥ |dehaprabhāvijita taptasujātarūpāyūpā ivāgranikarā api bhūparūpāḥ || 72||

ईशानपूजननिरस्तसमस्तपापाः ॥ ७३॥

īśānapūjananirastasamastapāpāḥ || 73||

धृतबाणगणा गजेश्वरास्तेभगणेशानविलासिसत्कपर्दाः ।फणिभस्मविभूषणा ययुर्वैहर ते शरणं हृदा सदा प्रपन्नाः ॥ ७४॥

dhṛtabāṇagaṇā gajeśvarāstebhagaṇeśānavilāsisatkapardāḥ |phaṇibhasmavibhūṣaṇā yayurvaihara te śaraṇaṃ hṛdā sadā prapannāḥ || 74||

॥ इति शिवरहस्यान्तर्गते शिवोद्वाहगमनवर्णनं सम्पूर्णम् ॥॥ श्रीशिवरहस्यम् । ईशाख्यः द्वादशमांशः । अध्यायः १७ शिवोद्वाहगमनवर्णनम् । ५७४ ॥

|| iti śivarahasyāntargate śivodvāhagamanavarṇanaṃ sampūrṇam |||| śrīśivarahasyam | īśākhyaḥ dvādaśamāṃśaḥ | adhyāyaḥ 17 śivodvāhagamanavarṇanam | 574 ||

– ॥ श्रीशिवरहस्यम् ।ईशाख्यः द्वादशमांशः ।अध्यायः १७ शिवोद्वाहगमनवर्णनम् ।५-७४ ॥

– || śrīśivarahasyam |īśākhyaḥ dvādaśamāṃśaḥ |adhyāyaḥ 17 śivodvāhagamanavarṇanam | 5-74 ||