शिवेन कुमारोपदेशे प्रपञ्चस्य मिथ्यत्वकथनम् Shivena Kumaropadeshe Prapanchasya Mithyatvakathanam

(सर्वं मिथ्या न संशयः)व्रतानि मिथ्या भुवनानि मिथ्या भावादि मिथ्या भवनानि मिथ्या ।भयं च मिथ्या भरणादि मिथ्या भुक्तं च मिथ्या बहुबन्धमिथ्या ॥ ६\।१॥वेदाश्च मिथ्या वचनानि मिथ्या वाक्यानि मिथ्या विविधानि मिथ्या ।वित्तानि (विज्ञान) मिथ्या वियदादि मिथ्या विधुश्च मिथ्या विषयादि मिथ्या ॥ ६\।२॥गुरुश्च मिथ्या गुणदोषमिथ्या गुह्यं च मिथ्या गणना च मिथ्या ।गतिश्च मिथ्या गमनं च मिथ्या सर्वं च मिथ्या गदितं च मिथ्या ॥ ६\।३॥वेदशास्त्रपुराणं च कार्यं कारणमीश्वरः ।लोको भूतं जनं चैव सर्वं मिथ्या न संशयः ॥ ६\।४॥बन्धो मोक्षः सुखं दुःखं ध्यानं चित्तं सुरासुराः ।गौणं मुख्यं परं चान्यत्सर्वं मिथ्या न संशयः ॥ ६\।५॥वाचा वदति यत्किञ्चित्सर्वं मिथ्या न संशयः ।सङ्कल्पात्कल्प्यते यद्यन्मनसा चिन्त्यते च यत् ॥ ६\।६॥बुद्।ह्ध्या निश्चीयते किञ्चिच्चित्तेन नीयते क्वचित् ।प्रपञ्चे पञ्चते यद्यत्सर्वं मिथ्येति निश्चयः ॥ ६\।७॥श्रोत्रेण श्रूयते यद्यन्नेत्रेण च निरीक्ष्यते ।नेत्रं श्रोत्रं गात्रमेव सर्वं मिथ्या न संशयः ॥ ६\।८॥इदमित्येव निर्दिष्टमिदमित्येव कल्पितम् ।यद्यद्वस्तु परिज्ञातं सर्वं मिथ्या न संशयः ॥ ६\।९॥कोऽहं किन्तदिदं सोऽहं अन्यो वाचयते नहि ।यद्यत्सम्भाव्यते लोके सर्वं मिथ्येति निश्चयः ॥ ६\।१०॥सर्वाभ्यास्यं सर्वगोप्यं सर्वकारणविभ्रमः ।सर्वभूतेति वार्ता च मिथ्येति च विनिश्चयः ॥ ६\।११॥सर्वभेदप्रभेदो वा सर्वसङ्कल्पविभ्रमः ।सर्वदोषप्रभेदश्च सर्वं मिथ्या न संशयः ॥ ६\।१२॥रक्षको विष्णुरित्यादि ब्रह्मसृष्टेस्तु कारणम् ।संहारे शिव इत्येवं सर्वं मिथ्या न संशयः ॥ ६\।१३॥स्नानं जपस्तपो होमः स्वाध्यायो देवपूजनम् ।मन्त्रो गोत्रं च सत्सङ्गः सर्वं मिथ्या न संशयः ॥ ६\।१४॥सर्वं मिथ्या जगन्मिथ्या भूतं भव्यं भवत्तथा ।नास्ति नास्ति विभावेन सर्वं मिथ्या न संशयः ॥ ६\।१५॥॥ इति शिवरहस्यान्तर्गते शिवेन कुमारोपदेशे प्रपञ्चस्य मिथ्यत्वकथनं सम्पूर्णम् ॥॥ श्रीशिवरहस्यम् । शङ्कराख्यः षष्ठांशः । अध्यायः ६ । ११५॥

(sarvaṃ mithyā na saṃśayaḥ)vratāni mithyā bhuvanāni mithyā bhāvādi mithyā bhavanāni mithyā |bhayaṃ ca mithyā bharaṇādi mithyā bhuktaṃ ca mithyā bahubandhamithyā || 6\|1||vedāśca mithyā vacanāni mithyā vākyāni mithyā vividhāni mithyā |vittāni (vijñāna) mithyā viyadādi mithyā vidhuśca mithyā viṣayādi mithyā || 6\|2||guruśca mithyā guṇadoṣamithyā guhyaṃ ca mithyā gaṇanā ca mithyā |gatiśca mithyā gamanaṃ ca mithyā sarvaṃ ca mithyā gaditaṃ ca mithyā || 6\|3||vedaśāstrapurāṇaṃ ca kāryaṃ kāraṇamīśvaraḥ |loko bhūtaṃ janaṃ caiva sarvaṃ mithyā na saṃśayaḥ || 6\|4||bandho mokṣaḥ sukhaṃ duḥkhaṃ dhyānaṃ cittaṃ surāsurāḥ |gauṇaṃ mukhyaṃ paraṃ cānyatsarvaṃ mithyā na saṃśayaḥ || 6\|5||vācā vadati yatkiñcitsarvaṃ mithyā na saṃśayaḥ |saṅkalpātkalpyate yadyanmanasā cintyate ca yat || 6\|6||bud|hdhyā niścīyate kiñciccittena nīyate kvacit |prapañce pañcate yadyatsarvaṃ mithyeti niścayaḥ || 6\|7||śrotreṇa śrūyate yadyannetreṇa ca nirīkṣyate |netraṃ śrotraṃ gātrameva sarvaṃ mithyā na saṃśayaḥ || 6\|8||idamityeva nirdiṣṭamidamityeva kalpitam |yadyadvastu parijñātaṃ sarvaṃ mithyā na saṃśayaḥ || 6\|9||ko'haṃ kintadidaṃ so'haṃ anyo vācayate nahi |yadyatsambhāvyate loke sarvaṃ mithyeti niścayaḥ || 6\|10||sarvābhyāsyaṃ sarvagopyaṃ sarvakāraṇavibhramaḥ |sarvabhūteti vārtā ca mithyeti ca viniścayaḥ || 6\|11||sarvabhedaprabhedo vā sarvasaṅkalpavibhramaḥ |sarvadoṣaprabhedaśca sarvaṃ mithyā na saṃśayaḥ || 6\|12||rakṣako viṣṇurityādi brahmasṛṣṭestu kāraṇam |saṃhāre śiva ityevaṃ sarvaṃ mithyā na saṃśayaḥ || 6\|13||snānaṃ japastapo homaḥ svādhyāyo devapūjanam |mantro gotraṃ ca satsaṅgaḥ sarvaṃ mithyā na saṃśayaḥ || 6\|14||sarvaṃ mithyā jaganmithyā bhūtaṃ bhavyaṃ bhavattathā |nāsti nāsti vibhāvena sarvaṃ mithyā na saṃśayaḥ || 6\|15|||| iti śivarahasyāntargate śivena kumāropadeśe prapañcasya mithyatvakathanaṃ sampūrṇam |||| śrīśivarahasyam | śaṅkarākhyaḥ ṣaṣṭhāṃśaḥ | adhyāyaḥ 6 | 115||

– ॥ श्रीशिवरहस्यम् ।शन्कराख्यः षष्ठांशः ।अध्यायः ६ ।१-१५॥

– || śrīśivarahasyam |śankarākhyaḥ ṣaṣṭhāṃśaḥ |adhyāyaḥ 6 | 1-15||