शिवस्तुतिश्लोकसंनयनम् ४ Shivastutishlokasamnayanam 4

(शिवरहस्यान्तर्गते नवमांशे)सूतः उवाच ।जटाजूटोरुशोभाङ्कमस्तकं भूतिभूषितम् ।रूद्राक्षस्रग्भिराकीर्णं त्रिपुण्ड्रावलिभूषितम् ॥ २५\।२१॥कुलालः उवाच ।नमोऽस्तु ते देव दयानिधे हरप्रपन्नपालाव्यय सोममौले ।व्यालोलव्यालामल हस्तशूलनौ पाहि सर्वेश्वर कालकाल ॥ २५\।४८॥वणिक् उवाच ।गङ्गाचन्द्रकलासदुल्लसझरीसारस्फुरन्मौलि तेकण्ठं ते शितिकण्ठ कुण्ठितगर श्रीनीलकण्ठाधुना ।वह्नीन्द्वर्कभवाक्षकोणजकृपापाङ्गोल्लसत्ते मुखंपादाब्जं सुरमौलिजालमणियुक्कान्तं भजे शङ्करम् ॥ २६\।५७॥कृषीवलः उवाच ।भो भर्ग शाश्वत विभो त्रिजगच्छरण्यराकेन्दुधामवदनामलचारुमूर्ते ।विश्वेश शाश्वत विभो शशिखण्डचूडमामद्य पाहि करुणावरुणालयेश ॥ २८\।४२॥पशुपतिः (भक्तः उवाच) ।नमस्ते रुद्रं वा श्रुतिशिरगमन्योऽहमिषुमान्नमस्ते बाहुभ्यां तव शिवखरेषूद्यतकरः ।शरव्या हेतिभ्यां तव वरद सङ्क्षुब्ध धनुषेतवेशस्याहृद्या तनुरपि मनो मेऽद्य पदयोः ॥ ४०\।४१॥हिरण्यो देवस्त्वं नखशिखमुखा ते नयनयोःतनुं सम्पश्यन् वै भव शिव नमः सोम वपुषे ।अतोऽणीयञ्ज्यायान् श्रुतिकलितवाक्यार्थकलनैःनमः शेषी देवः श्रुतिगदित पञ्चाक्षरमनोः ॥ ४०\।४२॥बालः (ज्ञानसम्बन्ध) उवाच ।शम्भोभर्गभवान्तकाव्यय विभो पाह्यम्बुजाक्षणालोक्यामौलिसुमूल भालविलसन्नेत्रप्रभाभासित ।(शम्भोभर्गभवान्तकाव्यय विभो पाह्यब्जजाब्जेक्षणाक्ष्योत्तुङ्गशिरःसु भालविलसन्नेत्रप्रभाभासित ।)आलोलद्युति सोमसुन्दर जटाजूटात्तगङ्गोत्तमव्यालानद्धशरीरकान्त गरजिच्छीरञ्जिताङ्ग प्रभो ॥ ४६\।३८॥दभ्रगृहे शिवदर्शनवर्णनम्सोमं सोमललामगाङ्गसुजटाचूडं मृडं शङ्करंसोमार्कानललोचनं गरगलं वैयाघ्रचर्माम्बरम् ।मन्दस्मेरमुखाम्बुजं च सुमहाबाहुं प्रभाभासुरंशूलोद्यन्मृगटङ्ककं पदनतामर्त्यावृतं शङ्करम् ॥ ५६\।३९॥दभ्रः उवाच ।शम्भो पाहि महेश सोमशकलालङ्कारमौले हरस्वामिन् देव दयानिधे करुणया मां पाहि सर्वेश्वर ।त्वं विश्वाधिक वेदवेद्य भगवन् कारुण्यवारान्निधेधन्योऽस्मीश भवत्पादाम्बुजरसास्वादैकसन्मानसः ॥ ५६\।४१॥वैश्यः (उवाच) ।भो शम्भो त्रिजगच्छरण्य करुणातारुणवारां निधेपाहीश प्रमथाधिनाथ गरधृक् विश्वेश विश्वाधिक ।विश्वाशास्य विभो विभूषणमहाकाकोदराकन्धरसोमानद्ध किरीटकोटिविलसद्भस्माङ्गरागारुण ॥ ६१\।३१॥वीरशार्दूलोवाचहर हर दुरितानि दीनबन्धोकुरु मम बन्धविमोचनं भवाद्य ।परिहर संसृतिभारमुग्रखेदंगुरुगरलाशन देव देव पाहि ॥ २८॥

(śivarahasyāntargate navamāṃśe)sūtaḥ uvāca |jaṭājūṭoruśobhāṅkamastakaṃ bhūtibhūṣitam |rūdrākṣasragbhirākīrṇaṃ tripuṇḍrāvalibhūṣitam || 25\|21||kulālaḥ uvāca |namo'stu te deva dayānidhe haraprapannapālāvyaya somamaule |vyālolavyālāmala hastaśūlanau pāhi sarveśvara kālakāla || 25\|48||vaṇik uvāca |gaṅgācandrakalāsadullasajharīsārasphuranmauli tekaṇṭhaṃ te śitikaṇṭha kuṇṭhitagara śrīnīlakaṇṭhādhunā |vahnīndvarkabhavākṣakoṇajakṛpāpāṅgollasatte mukhaṃpādābjaṃ suramaulijālamaṇiyukkāntaṃ bhaje śaṅkaram || 26\|57||kṛṣīvalaḥ uvāca |bho bharga śāśvata vibho trijagaccharaṇyarākendudhāmavadanāmalacārumūrte |viśveśa śāśvata vibho śaśikhaṇḍacūḍamāmadya pāhi karuṇāvaruṇālayeśa || 28\|42||paśupatiḥ (bhaktaḥ uvāca) |namaste rudraṃ vā śrutiśiragamanyo'hamiṣumānnamaste bāhubhyāṃ tava śivakhareṣūdyatakaraḥ |śaravyā hetibhyāṃ tava varada saṅkṣubdha dhanuṣetaveśasyāhṛdyā tanurapi mano me'dya padayoḥ || 40\|41||hiraṇyo devastvaṃ nakhaśikhamukhā te nayanayoḥtanuṃ sampaśyan vai bhava śiva namaḥ soma vapuṣe |ato'ṇīyañjyāyān śrutikalitavākyārthakalanaiḥnamaḥ śeṣī devaḥ śrutigadita pañcākṣaramanoḥ || 40\|42||bālaḥ (jñānasambandha) uvāca |śambhobhargabhavāntakāvyaya vibho pāhyambujākṣaṇālokyāmaulisumūla bhālavilasannetraprabhābhāsita |(śambhobhargabhavāntakāvyaya vibho pāhyabjajābjekṣaṇākṣyottuṅgaśiraḥsu bhālavilasannetraprabhābhāsita |)āloladyuti somasundara jaṭājūṭāttagaṅgottamavyālānaddhaśarīrakānta garajicchīrañjitāṅga prabho || 46\|38||dabhragṛhe śivadarśanavarṇanamsomaṃ somalalāmagāṅgasujaṭācūḍaṃ mṛḍaṃ śaṅkaraṃsomārkānalalocanaṃ garagalaṃ vaiyāghracarmāmbaram |mandasmeramukhāmbujaṃ ca sumahābāhuṃ prabhābhāsuraṃśūlodyanmṛgaṭaṅkakaṃ padanatāmartyāvṛtaṃ śaṅkaram || 56\|39||dabhraḥ uvāca |śambho pāhi maheśa somaśakalālaṅkāramaule harasvāmin deva dayānidhe karuṇayā māṃ pāhi sarveśvara |tvaṃ viśvādhika vedavedya bhagavan kāruṇyavārānnidhedhanyo'smīśa bhavatpādāmbujarasāsvādaikasanmānasaḥ || 56\|41||vaiśyaḥ (uvāca) |bho śambho trijagaccharaṇya karuṇātāruṇavārāṃ nidhepāhīśa pramathādhinātha garadhṛk viśveśa viśvādhika |viśvāśāsya vibho vibhūṣaṇamahākākodarākandharasomānaddha kirīṭakoṭivilasadbhasmāṅgarāgāruṇa || 61\|31||vīraśārdūlovācahara hara duritāni dīnabandhokuru mama bandhavimocanaṃ bhavādya |parihara saṃsṛtibhāramugrakhedaṃgurugaralāśana deva deva pāhi || 28||

॥ इति शिवरहस्यान्तर्गते शिवस्तुतिश्लोकसंनयनम् ४ सम्पूर्णम् ॥॥ श्रीशिवरहस्यम् । सदाशिवाख्यः नवमांशः । शिवस्तुतिश्लोकसंनयनम् २ । वावृत्तश्लोकाः ॥– ॥ श्रीशिवरहस्यम् । सदाशिवाख्यः नवमांशः । शिवस्तुतिश्लोकसंनयनम् २ । वावृत्तश्लोकाः ॥

|| iti śivarahasyāntargate śivastutiślokasaṃnayanam 4 sampūrṇam |||| śrīśivarahasyam | sadāśivākhyaḥ navamāṃśaḥ | śivastutiślokasaṃnayanam 2 | vāvṛttaślokāḥ ||– || śrīśivarahasyam | sadāśivākhyaḥ navamāṃśaḥ | śivastutiślokasaṃnayanam 2 | vāvṛttaślokāḥ ||