शिवस्तुतिश्लोकसंनयनम् ७ Shivastutishlokasamnayanam 7

(शिवरहस्यान्तर्गते ईशाख्ये)

(śivarahasyāntargate īśākhye)

देवुवाच ।

devuvāca |

देव देव महादेव करुणावरुणालय ।विश्वविश्वाधिकाशास्य त्रिपुरान्धकसंहर ॥ २\।१॥ब्रह्मोवाच ।

deva deva mahādeva karuṇāvaruṇālaya |viśvaviśvādhikāśāsya tripurāndhakasaṃhara || 2\|1||brahmovāca |

शम्भो त्वं कनकाद्रिचापशरधिर्वाहीकृताम्नायकःपाहीश क्षितिसुन्दरोत्तमरथ श्रीशोऽथ जिष्णुःशरः ।मौर्वी चोरगपुङ्गवस्तव वरे चक्रे च केन्द्रत्तमेलक्ष्यं ते त्रिपुरं सुरा भटगणाः कस्ते नमस्ते समः ॥ १२\।१०॥विष्णुरुवाच ।

śambho tvaṃ kanakādricāpaśaradhirvāhīkṛtāmnāyakaḥpāhīśa kṣitisundarottamaratha śrīśo'tha jiṣṇuḥśaraḥ |maurvī coragapuṅgavastava vare cakre ca kendrattamelakṣyaṃ te tripuraṃ surā bhaṭagaṇāḥ kaste namaste samaḥ || 12\|10||viṣṇuruvāca |

गङ्गाचन्द्रललामधाम भगवन् हैमागबाणासनभूमा त्वं खसमीरवह्निजलभूसृष्टिस्थितिग्रासकः ।शर्व त्वं हरिसायकः क्षितिरथो वाहीकृताम्नायकःसर्वेषां च पुमर्थदोऽसि कृपया मां पाहि साम्ब प्रभो ॥ १२\।२८॥हिमवानुवाच ।

gaṅgācandralalāmadhāma bhagavan haimāgabāṇāsanabhūmā tvaṃ khasamīravahnijalabhūsṛṣṭisthitigrāsakaḥ |śarva tvaṃ harisāyakaḥ kṣitiratho vāhīkṛtāmnāyakaḥsarveṣāṃ ca pumarthado'si kṛpayā māṃ pāhi sāmba prabho || 12\|28||himavānuvāca |

हर हर मुरजित्पप्रपूजिताङ्घ्रेवरकाकोदरहार सोमचूड ।गरकण्ठानलचारुनेत्र शम्भोसदयं मामवलोकयाशु दीनाम् ॥ १४\।६५॥नारद उवाच ।

hara hara murajitpaprapūjitāṅghrevarakākodarahāra somacūḍa |garakaṇṭhānalacārunetra śambhosadayaṃ māmavalokayāśu dīnām || 14\|65||nārada uvāca |

शम्भो भर्ग महेश्वरेश्वर महादेवेश विश्वाधिकविश्वाशास्य दयानिधे श्रुतिशतैरुद्घोषितोऽन्नप्रदः ।तेनैवाद्य सुतृप्तदीप्तसुरता धन्यैर्मुनीन्द्रैर्गणैर्नान्यत्र प्रविशामहे तव कृपापूर्णाः प्रमोदामहे ॥ १९\।६९॥स्कन्द उवाच ।

śambho bharga maheśvareśvara mahādeveśa viśvādhikaviśvāśāsya dayānidhe śrutiśatairudghoṣito'nnapradaḥ |tenaivādya sutṛptadīptasuratā dhanyairmunīndrairgaṇairnānyatra praviśāmahe tava kṛpāpūrṇāḥ pramodāmahe || 19\|69||skanda uvāca |

नमस्ते रुद्राद्यैः प्रतिपदनमोऽन्तैर्मनुगणैःऋषि देवध्यानप्रतिमचन वाक्यार्थमधुरैः ।निरुक्तैरुक्तोऽर्थः श्रुतिशिरसि बोधाय सुगमःउपायस्ते ज्यायान् अकथयदुमायै स भगवान् ॥ २७\।२३॥सुब्रह्मण्य उवाच ।

namaste rudrādyaiḥ pratipadanamo'ntairmanugaṇaiḥṛṣi devadhyānapratimacana vākyārthamadhuraiḥ |niruktairukto'rthaḥ śrutiśirasi bodhāya sugamaḥupāyaste jyāyān akathayadumāyai sa bhagavān || 27\|23||subrahmaṇya uvāca |

कारुण्यामृतसारपूरितलसन्नेत्रान्तसंवीक्षणंत्रैलोक्यावनदीक्षितं जपवटीराजत्कराम्भोरुहम् ।साम्बं निर्जरदीर्घिकाप्रविलसत्सम्फुल्लपद्मावलीधूलीधूसरकर्बुरोज्ज्वलजटारेखं भजे शङ्करम् ॥ ३४\।११४॥त्वय्यासक्तमनास्त्वदेकशरणो वर्ते पुनस्त्वां विनास्वामिन् पर्वतसार्वभौमतनयाजाने न जाने परम् ।स त्वं चेदिह न प्रसीदसि ततः कं प्रार्थयेऽहं प्रभो ॥ ३४\।११५॥वन्दे सिन्दूर वर्णं सुरसरिदमृतांशूल्लसत्सत्कपर्दंभालोद्यन्नेत्रमीशं स्मितमुखकमलं दिव्यभूषाङ्गरागम् ।व्यस्तोरुन्यस्तपाणिं तरुणकुवलयं सन्दधत्या उमायावृत्तोत्तुङ्गस्तनाग्रे निहितकरतलं नीलकण्ठं महेशम् ॥ ३४\।११६॥

kāruṇyāmṛtasārapūritalasannetrāntasaṃvīkṣaṇaṃtrailokyāvanadīkṣitaṃ japavaṭīrājatkarāmbhoruham |sāmbaṃ nirjaradīrghikāpravilasatsamphullapadmāvalīdhūlīdhūsarakarburojjvalajaṭārekhaṃ bhaje śaṅkaram || 34\|114||tvayyāsaktamanāstvadekaśaraṇo varte punastvāṃ vināsvāmin parvatasārvabhaumatanayājāne na jāne param |sa tvaṃ cediha na prasīdasi tataḥ kaṃ prārthaye'haṃ prabho || 34\|115||vande sindūra varṇaṃ surasaridamṛtāṃśūllasatsatkapardaṃbhālodyannetramīśaṃ smitamukhakamalaṃ divyabhūṣāṅgarāgam |vyastorunyastapāṇiṃ taruṇakuvalayaṃ sandadhatyā umāyāvṛttottuṅgastanāgre nihitakaratalaṃ nīlakaṇṭhaṃ maheśam || 34\|116||

॥ इति शिवरहस्यान्तर्गते शिवस्तुतिश्लोकसंनयनम् ७ सम्पूर्णम् ॥

|| iti śivarahasyāntargate śivastutiślokasaṃnayanam 7 sampūrṇam ||

॥ श्रीशिवरहस्यम् ।ईशाख्यः द्वादशमांशः ।शिवस्तुतिश्लोकसंनयनम् ५ ।वावृत्तश्लोकाः ॥

|| śrīśivarahasyam |īśākhyaḥ dvādaśamāṃśaḥ |śivastutiślokasaṃnayanam 5 |vāvṛttaślokāḥ ||

– ॥ श्रीशिवरहस्यम् ।ईशाख्यः द्वादशमांशः ।शिवस्तुतिश्लोकसंनयनम् ५ ।वावृत्तश्लोकाः ॥

– || śrīśivarahasyam |īśākhyaḥ dvādaśamāṃśaḥ |śivastutiślokasaṃnayanam 5 |vāvṛttaślokāḥ ||