शिवप्रातःस्मरणस्तोत्रम् Shivapratahsmaranastotram

ॐअथ शिवप्रातःस्मरणस्तोत्रम् ।प्रातः स्मरामि भवभीतिहरं सुरेशंगङ्गाधरं वृषभवाहनमम्बिकेशम् ।खट्वाङ्गशूलवरदाभयहस्तमीशंसंसाररोगहरमौषधमद्वितीयम् ॥ १॥

oṃatha śivaprātaḥsmaraṇastotram |prātaḥ smarāmi bhavabhītiharaṃ sureśaṃgaṅgādharaṃ vṛṣabhavāhanamambikeśam |khaṭvāṅgaśūlavaradābhayahastamīśaṃsaṃsārarogaharamauṣadhamadvitīyam || 1||

प्रातर्नमामि गिरिशं गिरिजार्धदेहंसर्गस्थितिप्रलयकारणमादिदेवम् ।विश्वेश्वरं विजितविश्वमनोऽभिरामंसंसाररोगहरमौषधमद्वितीयम् ॥ २॥

prātarnamāmi giriśaṃ girijārdhadehaṃsargasthitipralayakāraṇamādidevam |viśveśvaraṃ vijitaviśvamano'bhirāmaṃsaṃsārarogaharamauṣadhamadvitīyam || 2||

प्रातर्भजामि शिवमेकमनन्तमाद्यंवेदान्तवेद्यमनघं पुरुषं महान्तम् ।नामादिभेदरहितं षडभावशून्यंसंसाररोगहरमौषधमद्वितीयम् ॥ ३॥

prātarbhajāmi śivamekamanantamādyaṃvedāntavedyamanaghaṃ puruṣaṃ mahāntam |nāmādibhedarahitaṃ ṣaḍabhāvaśūnyaṃsaṃsārarogaharamauṣadhamadvitīyam || 3||

फलश्रुतिःप्रातः समुत्थाय शिवं विचिन्त्य श्लोकांस्त्रयं येऽनुदिनं पठन्ति ।ते दुःखजातं बहुजन्मसञ्चितं हित्वा पदं यान्ति तदेव शम्भोः ॥ ४॥

phalaśrutiḥprātaḥ samutthāya śivaṃ vicintya ślokāṃstrayaṃ ye'nudinaṃ paṭhanti |te duḥkhajātaṃ bahujanmasañcitaṃ hitvā padaṃ yānti tadeva śambhoḥ || 4||