शिवप्रार्थना अनुग्रहार्थ देवैः कृता Shivanugrahartha Devaih Krita Siva Prarthana

हर हर पुरहर वितर विमुक्तिं कुरुकुरु करुणां सुरजाले ।शरणं भव भव शरणं भव भव कुरु करुणां शशिमौले ॥ १॥

hara hara purahara vitara vimuktiṃ kurukuru karuṇāṃ surajāle |śaraṇaṃ bhava bhava śaraṇaṃ bhava bhava kuru karuṇāṃ śaśimaule || 1||

मुरहरनयनार्चितपद शङ्कर विधिहर यमहर शम्भो ।शरणं भव भव शरणं भव भव कुरु करुणां शशिमौले ॥ २॥

muraharanayanārcitapada śaṅkara vidhihara yamahara śambho |śaraṇaṃ bhava bhava śaraṇaṃ bhava bhava kuru karuṇāṃ śaśimaule || 2||

परिहर घोरभवाम्बुधिदुःखं जनिनाशोद्यतमीश ।शरणं भव भव शरणं भव भव कुरु करुणां शशिमौले ॥ ३॥

parihara ghorabhavāmbudhiduḥkhaṃ janināśodyatamīśa |śaraṇaṃ bhava bhava śaraṇaṃ bhava bhava kuru karuṇāṃ śaśimaule || 3||

निगमायिततुरगोत्तम शङ्कर हरिशर पुरहर शम्भो ।शरणं भव भव शरणं भव भव कुरु करुणां शशिमौले ॥ ४॥

nigamāyitaturagottama śaṅkara hariśara purahara śambho |śaraṇaṃ bhava bhava śaraṇaṃ bhava bhava kuru karuṇāṃ śaśimaule || 4||

करिवरहरिवरचर्मवसान सुरवरपोषक (सुस्वरपोषक) शम्भो ।शरणं भव भव शरणं भव भव कुरु करुणां शशिमौले ॥ ५॥

karivaraharivaracarmavasāna suravarapoṣaka (susvarapoṣaka) śambho |śaraṇaṃ bhava bhava śaraṇaṃ bhava bhava kuru karuṇāṃ śaśimaule || 5||

तरुणेन्दुद्युतिशोभित गङ्गामुकुटीजटतट शम्भो ।शरणं भव भव शरणं भव भव कुरु करुणां शशिमौले ॥ ६॥

taruṇendudyutiśobhita gaṅgāmukuṭījaṭataṭa śambho |śaraṇaṃ bhava bhava śaraṇaṃ bhava bhava kuru karuṇāṃ śaśimaule || 6||

अतिदर्पे(र्पो)द्धतयममदखण्डन पालितद्विजनृपपोत ।शरणं भव भव शरणं भव भव कुरु करुणां शशिमौले ॥ ७॥

atidarpe(rpo)ddhatayamamadakhaṇḍana pālitadvijanṛpapota |śaraṇaṃ bhava bhava śaraṇaṃ bhava bhava kuru karuṇāṃ śaśimaule || 7||

गजहर स्मरहर भवहर भगवन् भवतरणे करुणाब्धे ।शरणं भव भव शरणं भव भव कुरु करुणां शशिमौले ॥ ८॥

gajahara smarahara bhavahara bhagavan bhavataraṇe karuṇābdhe |śaraṇaṃ bhava bhava śaraṇaṃ bhava bhava kuru karuṇāṃ śaśimaule || 8||

॥ इति शिवरहस्यान्तर्गते भवाख्ये शिवानुग्रहार्थ देवैः कृता ॥॥ श्रीशिवरहस्यम् । भवाख्यः द्वितीयांशः । अध्यायः ११ ॥– ॥ श्रीशिवरहस्यम् । भवाख्यः द्वितीयांशः । अध्यायः ११ ॥

|| iti śivarahasyāntargate bhavākhye śivānugrahārtha devaiḥ kṛtā |||| śrīśivarahasyam | bhavākhyaḥ dvitīyāṃśaḥ | adhyāyaḥ 11 ||– || śrīśivarahasyam | bhavākhyaḥ dvitīyāṃśaḥ | adhyāyaḥ 11 ||