अरुणाचलेशनामावलिः Maheshvaraproktam Arunachaleshanamavali

महेश्वर उवाच ।नामानि शृणु मे ब्रह्मन्मुख्यानि द्विजसत्तम ।दुर्लभान्यल्पपुण्यानां कामदानि सदा भुवि ॥ २॥

maheśvara uvāca |nāmāni śṛṇu me brahmanmukhyāni dvijasattama |durlabhānyalpapuṇyānāṃ kāmadāni sadā bhuvi || 2||

शोणाद्रीशोऽरुणाद्रीशो देवाधीशो जनप्रियः ।प्रपन्नरक्षको धीरः शिवसेवकवर्धकः ॥ ३॥

śoṇādrīśo'ruṇādrīśo devādhīśo janapriyaḥ |prapannarakṣako dhīraḥ śivasevakavardhakaḥ || 3||

अक्षिपेयामृतेशानः स्त्रीपुम्भावप्रदायकः ।भक्तविज्ञप्तिसन्धाता दीनबन्दिविमोचकः ॥ ४॥

akṣipeyāmṛteśānaḥ strīpumbhāvapradāyakaḥ |bhaktavijñaptisandhātā dīnabandivimocakaḥ || 4||

मुखराङ्घ्रिपतिः श्रीमान्मृडो मृगमदेश्वरः ।भक्तप्रेक्षणकृत्साक्षी भक्तदोषनिवर्त्तकः ॥ ५॥

mukharāṅghripatiḥ śrīmānmṛḍo mṛgamadeśvaraḥ |bhaktaprekṣaṇakṛtsākṣī bhaktadoṣanivarttakaḥ || 5||

ज्ञानसम्बन्धनाथश्च श्रीहलाहलसुन्दकः ।आहवैश्वर्यदाता च स्मर्तृसर्वाघनाशनः ॥ ६॥

jñānasambandhanāthaśca śrīhalāhalasundakaḥ |āhavaiśvaryadātā ca smartṛsarvāghanāśanaḥ || 6||

व्यत्यस्तनृत्यद्धृजधृक्सकान्तिर्नटनेश्वरः ।सामप्रियः कलिध्वंसी वेदमूर्तिर्निरञ्जनः ॥ ७॥

vyatyastanṛtyaddhṛjadhṛksakāntirnaṭaneśvaraḥ |sāmapriyaḥ kalidhvaṃsī vedamūrtirnirañjanaḥ || 7||

जगन्नाथो महादेवस्त्रिनेत्रस्त्रिपुरान्तकः ।भक्तापराधसोढा च योगीशो भोगनायकः ॥ ८॥

jagannātho mahādevastrinetrastripurāntakaḥ |bhaktāparādhasoḍhā ca yogīśo bhoganāyakaḥ || 8||

बालमूर्त्तिः क्षमारूपी धर्मरक्षो वृषध्वजः ।हरो गिरीश्वरो भर्गश्चन्द्ररेखावतंसकः ॥ ९॥

bālamūrttiḥ kṣamārūpī dharmarakṣo vṛṣadhvajaḥ |haro girīśvaro bhargaścandrarekhāvataṃsakaḥ || 9||

स्मरान्तकोंऽधकरिपुः सिद्धराजो दिगम्बरः ।आगमप्रिय ईशानो भस्मरुद्राक्षलाञ्छनः ॥ ३\।१\।९\।१०॥श्रीपतिः शङ्करः स्रष्टा सर्वविद्येश्वरोऽनघः ।गङ्गाधरः क्रतुध्वंसो विमलो नागभूषणः ॥ ११॥

smarāntakoṃ'dhakaripuḥ siddharājo digambaraḥ |āgamapriya īśāno bhasmarudrākṣalāñchanaḥ || 3\|1\|9\|10||śrīpatiḥ śaṅkaraḥ sraṣṭā sarvavidyeśvaro'naghaḥ |gaṅgādharaḥ kratudhvaṃso vimalo nāgabhūṣaṇaḥ || 11||

अरुणो बहुरूपश्च विरूपाक्षोऽक्षराकृतिः ।अनादिरन्तरहितः शिवकामः स्वयम्प्रभुः ॥ १२॥

aruṇo bahurūpaśca virūpākṣo'kṣarākṛtiḥ |anādirantarahitaḥ śivakāmaḥ svayamprabhuḥ || 12||

सच्चिदानन्दरूपश्च सर्वात्मा जीवधारकः ।स्त्रीसङ्गवामसुभगो विधिर्विहितसुन्दरः ॥ १३॥

saccidānandarūpaśca sarvātmā jīvadhārakaḥ |strīsaṅgavāmasubhago vidhirvihitasundaraḥ || 13||

ज्ञानप्रदो मुक्तिदश्च भक्तवाञ्छितदायकः ।आश्चर्यवैभवः कामी निरवद्यो निधिप्रदः ॥ १४॥

jñānaprado muktidaśca bhaktavāñchitadāyakaḥ |āścaryavaibhavaḥ kāmī niravadyo nidhipradaḥ || 14||

शूली पशुपतिः शम्भुः स्वयम्भुर्गिरिशो मृडः ।एतानि मम मुख्यानि नामान्यत्र महामुने ॥ १५॥

śūlī paśupatiḥ śambhuḥ svayambhurgiriśo mṛḍaḥ |etāni mama mukhyāni nāmānyatra mahāmune || 15||

अन्यानि दिव्यनामानि पुराणोक्तानि संस्मर ।प्रदक्षिणेन मां नित्यं विशेषात्त्वं समर्चय ॥ १६॥

anyāni divyanāmāni purāṇoktāni saṃsmara |pradakṣiṇena māṃ nityaṃ viśeṣāttvaṃ samarcaya || 16||

प्रदक्षिणप्रियो यस्मादहं शोणाचलाकृतिः ॥इति श्रीस्कन्दपुराणे माहेश्वरखण्डे, अरुणाचलमाहात्म्ये,पूर्वार्धे, नवमाध्यायान्तर्गतं महेश्वरप्रोक्तं अरुणाचलेशनामावलिः समाप्ता ।स्कन्दपुराण । माहेश्वरखण्ड । अरुणाखण्ड । पूर्वखण्ड । अध्याय ९/२१५॥स्कन्दपुराण । माहेश्वरखण्ड । अरुणाखण्ड । पूर्वखण्ड । अध्याय ९/२-१५॥

pradakṣiṇapriyo yasmādahaṃ śoṇācalākṛtiḥ ||iti śrīskandapurāṇe māheśvarakhaṇḍe, aruṇācalamāhātmye,pūrvārdhe, navamādhyāyāntargataṃ maheśvaraproktaṃ aruṇācaleśanāmāvaliḥ samāptā |skandapurāṇa | māheśvarakhaṇḍa | aruṇākhaṇḍa | pūrvakhaṇḍa | adhyāya 9/215||skandapurāṇa | māheśvarakhaṇḍa | aruṇākhaṇḍa | pūrvakhaṇḍa | adhyāya 9/2-15||