मलहानिकरेश्वराष्टकम् Malahanikareshvara Ashtakam

तुङ्गोत्तमाङ्गविलसन्मृगभृत्कलायशृङ्गाद्रिवासरसिकाय महेश्वराय ।शीतांशुभास्करकृशानुदृशे भवानीभर्त्रे नमोऽस्तु मलहानिकरेश्वराय ॥ १॥

tuṅgottamāṅgavilasanmṛgabhṛtkalāyaśṛṅgādrivāsarasikāya maheśvarāya |śītāṃśubhāskarakṛśānudṛśe bhavānībhartre namo'stu malahānikareśvarāya || 1||

शर्वाय कश्यपमुनीन्द्रकुलाब्धिचन्द्रश्रीमद्विभाण्डककृताग्र्यतपःफलाय ।श्रीऋष्यशृङ्गमुनिसेव्यपदाम्बुजायनित्यं नमोऽस्तु मलहानिकरेश्वराय ॥ २॥

śarvāya kaśyapamunīndrakulābdhicandraśrīmadvibhāṇḍakakṛtāgryatapaḥphalāya |śrīṛṣyaśṛṅgamunisevyapadāmbujāyanityaṃ namo'stu malahānikareśvarāya || 2||

शृङ्गाद्रिदेशिकवरेण्यसुपूजितायनम्राखिलेष्टपरिपूरणतत्पराय ।अस्तोकदुःखकृदवग्रहवारकायनित्यं नमोऽस्तु मलहानिकरेश्वराय ॥ ३॥

śṛṅgādrideśikavareṇyasupūjitāyanamrākhileṣṭaparipūraṇatatparāya |astokaduḥkhakṛdavagrahavārakāyanityaṃ namo'stu malahānikareśvarāya || 3||

सच्चित्सुखाभिधगुरुप्रवरेण वामेसंस्थापिताद्रिसुतया सह विष्टपानि ।गोपायते नृपकदम्बकसेवितायपित्रेऽस्तु तारकजितः प्रणतिर्भवाय ॥ ४॥

saccitsukhābhidhagurupravareṇa vāmesaṃsthāpitādrisutayā saha viṣṭapāni |gopāyate nṛpakadambakasevitāyapitre'stu tārakajitaḥ praṇatirbhavāya || 4||

श्रीमन्नृसिंहगुरुणाभिनवेन सद्यःसंस्थापितं निजतनूजमचिन्त्यशक्तिम् ।स्तम्भस्थितं प्रथमपूज्यमवेक्ष्य नित्यंमोमुद्यमानहृदयाय नमश्शिवाय ॥ ५॥

śrīmannṛsiṃhaguruṇābhinavena sadyaḥsaṃsthāpitaṃ nijatanūjamacintyaśaktim |stambhasthitaṃ prathamapūjyamavekṣya nityaṃmomudyamānahṛdayāya namaśśivāya || 5||

नित्योत्सवाय निगमागमतत्त्वविद्भिःसङ्गीयमानविभवाय निरञ्जनाय ।निर्वाणदाय निजभक्तततेश्च नानामोहान्धकारमिहिराय नमश्शिवाय ॥ ६॥

nityotsavāya nigamāgamatattvavidbhiḥsaṅgīyamānavibhavāya nirañjanāya |nirvāṇadāya nijabhaktatateśca nānāmohāndhakāramihirāya namaśśivāya || 6||

पद्मोद्भवाब्जनयनप्रमथाधिपात्मासर्गस्थितिप्रलयकृत् गुणयोगतो यः ।आनन्दबोधपरिपूर्णसदात्मकायतस्मै शिवाय नतिरस्तु गुणातिगाय ॥ ७॥

padmodbhavābjanayanapramathādhipātmāsargasthitipralayakṛt guṇayogato yaḥ |ānandabodhaparipūrṇasadātmakāyatasmai śivāya natirastu guṇātigāya || 7||

यस्मिन् विभाण्डकमुनिर्निजबोधयुक्तःएकीबभूव विनिवृत्तसमस्तबन्धः ।तस्मै सदा श्रुतिशिरःप्रतिपाद्यजीवब्रह्मैक्यबोधनरताय नमश्शिवाय ॥ ८॥

yasmin vibhāṇḍakamunirnijabodhayuktaḥekībabhūva vinivṛttasamastabandhaḥ |tasmai sadā śrutiśiraḥpratipādyajīvabrahmaikyabodhanaratāya namaśśivāya || 8||

इति दक्षिणाम्नायशृङ्गेरीशारदापीठाधीश्वरजगद्गुरुशङ्कराचार्यश्रीश्रीश्रीभारतीतीर्थमहास्वामिकरकमलसञ्जातैःजगद्गुरुश्रीश्रीविधुशेखरभारतीमहास्वामिभिः विरचितंमलहानिकरेश्वराष्टकं सम्पूर्णम् ।

iti dakṣiṇāmnāyaśṛṅgerīśāradāpīṭhādhīśvarajagadguruśaṅkarācāryaśrīśrīśrībhāratītīrthamahāsvāmikarakamalasañjātaiḥjagadguruśrīśrīvidhuśekharabhāratīmahāsvāmibhiḥ viracitaṃmalahānikareśvarāṣṭakaṃ sampūrṇam |