कैलासवर्णनम् ६ कैलासशैले देवीप्रस्ताववर्णनम् ६ Kailasavarnanam 6

(कैलासशैले देवीप्रस्ताववर्णनम् ६)स्कन्दःमणिकॢप्ते महापीठे संस्थिता मुग्धदर्शना ।लावकानां मयूराणां कुक्कुटानां मनोहरम् ॥ ६०॥

(kailāsaśaile devīprastāvavarṇanam 6)skandaḥmaṇikḷpte mahāpīṭhe saṃsthitā mugdhadarśanā |lāvakānāṃ mayūrāṇāṃ kukkuṭānāṃ manoharam || 60||

मेषसारङ्गशृङ्गोद्यत्स्फारनाराविदिक्तटम् ।रम्यं रत्नाब्जिनीतीरं बद्धैर्दिक्षु मणीन्द्रकैः ॥ ६१॥

meṣasāraṅgaśṛṅgodyatsphāranārāvidiktaṭam |ramyaṃ ratnābjinītīraṃ baddhairdikṣu maṇīndrakaiḥ || 61||

सोपानतीरसङ्कॢप्तमणिसुन्दरमण्डपे ।रत्नपञ्जरमध्यस्थान्रत्नशारीशुकाञ्छिवा ॥ ६२॥

sopānatīrasaṅkḷptamaṇisundaramaṇḍape |ratnapañjaramadhyasthānratnaśārīśukāñchivā || 62||

पश्यन्ती दाडिमीबीजं ददाति शुकवक्त्रके ।पूगद्रुवेष्टितापारद्राक्षावल्लीसुगुच्छके ॥ ६३॥

paśyantī dāḍimībījaṃ dadāti śukavaktrake |pūgadruveṣṭitāpāradrākṣāvallīsugucchake || 63||

सन्ध्यावल्लीसुमारक्तचन्द्रिकापुष्पशोभिते ।पर्यन्तकुल्यातीराच्छमणिबन्धसुधापयः ॥ ६४॥

sandhyāvallīsumāraktacandrikāpuṣpaśobhite |paryantakulyātīrācchamaṇibandhasudhāpayaḥ || 64||

पयोजविकसत्फुल्लहल्लकामोदमोदिते ।धारासारमहायन्त्रशोभिते गन्धमोदिते ॥ ६५॥

payojavikasatphullahallakāmodamodite |dhārāsāramahāyantraśobhite gandhamodite || 65||

पूगद्रुमौलिसञ्छादिमणिहर्म्योरुमञ्चगा ।क्रीडाशिखण्डिविहितताण्डवं पश्यती शिवा ॥ ६६॥

pūgadrumaulisañchādimaṇiharmyorumañcagā |krīḍāśikhaṇḍivihitatāṇḍavaṃ paśyatī śivā || 66||

महामणीन्द्रसङ्कॢप्त सौधैरूपरिकल्पिते ।नानाचित्रपटीकॢप्तपटाम्बरगृहादरा ॥ ६७॥

mahāmaṇīndrasaṅkḷpta saudhairūparikalpite |nānācitrapaṭīkḷptapaṭāmbaragṛhādarā || 67||

तिरस्करणिकाकॢप्तचतुर्दिश्च मनोहरे ।मणिकुम्भोद्यते देवी मणिस्तम्भविभूषिते ॥ ६८॥

tiraskaraṇikākḷptacaturdiśca manohare |maṇikumbhodyate devī maṇistambhavibhūṣite || 68||

सखीभिस्सह सल्लापं कुर्वन्ती संस्थिता क्वचित् ।रथाकारमहासौधैर्मणिचक्रैर्हयैस्तथा ॥ ६९॥

sakhībhissaha sallāpaṃ kurvantī saṃsthitā kvacit |rathākāramahāsaudhairmaṇicakrairhayaistathā || 69||

पर्यन्तैव तत्सौधे सिह्महंसविराजिते ।तत्रैवान्तर्गृहे देव्याः क्रीडाभवनमीशितुः ॥ ७०॥

paryantaiva tatsaudhe sihmahaṃsavirājite |tatraivāntargṛhe devyāḥ krīḍābhavanamīśituḥ || 70||

श्रीचक्राकारमतुलं तन्मणीन्द्रमनोहरम् ।सहस्रयोजनायामं मणिचित्रगवाक्षकैः ॥ ७१॥

śrīcakrākāramatulaṃ tanmaṇīndramanoharam |sahasrayojanāyāmaṃ maṇicitragavākṣakaiḥ || 71||

हंसपद्ममहाव्यालिपालीचित्रैर्विचित्रिते ।मणिस्तम्भमहासारधारारञ्जितभूतलैः ॥ ७२॥

haṃsapadmamahāvyālipālīcitrairvicitrite |maṇistambhamahāsāradhārārañjitabhūtalaiḥ || 72||

वितानमालाकलितैर्मुक्तागुच्छालिलम्बितैः ।मणिमञ्चैर्महापादैर्लम्बिताधस्थितैरपि ॥ ७३॥

vitānamālākalitairmuktāgucchālilambitaiḥ |maṇimañcairmahāpādairlambitādhasthitairapi || 73||

तेषूद्यता महाशय्यास्सोपधानमनोहराः ।चन्द्रमण्डलसङ्काशाः फेनगोक्षीरसप्रभाः ॥ ७४॥

teṣūdyatā mahāśayyāssopadhānamanoharāḥ |candramaṇḍalasaṅkāśāḥ phenagokṣīrasaprabhāḥ || 74||

सुमामोदितगन्धाढ्या मल्लिकापुष्पसंस्तृताः ।भ्रमद्दीपगृहभ्राजन्मणिचित्रविभूषिताः ॥ ७५॥

sumāmoditagandhāḍhyā mallikāpuṣpasaṃstṛtāḥ |bhramaddīpagṛhabhrājanmaṇicitravibhūṣitāḥ || 75||

देवस्य देव्याः क्रीडादिरसचित्रोरुकुट्टिमाः ।धूपवृक्षैर्दीपवृक्षैर्मणिकॢप्तैस्सहस्रशः ॥ ७६॥

devasya devyāḥ krīḍādirasacitrorukuṭṭimāḥ |dhūpavṛkṣairdīpavṛkṣairmaṇikḷptaissahasraśaḥ || 76||

ताम्बूलकल्पपात्तरैश्च मणिभृङ्गाकैश्शुभः ।धूपपपात्रैर्दीपपात्रैः पुष्पताम्बूलपात्रकैः ॥ ७७॥

tāmbūlakalpapāttaraiśca maṇibhṛṅgākaiśśubhaḥ |dhūpapapātrairdīpapātraiḥ puṣpatāmbūlapātrakaiḥ || 77||

फलपूर्णैः रत्नपात्रैर्मणिकुम्भैस्भुधायुतैः ।धूपामोदमणिद्योतिविराजितमनुत्तमम् ॥ ७८॥

phalapūrṇaiḥ ratnapātrairmaṇikumbhaisbhudhāyutaiḥ |dhūpāmodamaṇidyotivirājitamanuttamam || 78||

मणिपुत्तलिकाकॢप्तचारुचामरवीजनैः ।व्यजनादर्शताम्बूलधृतपुत्तलिकायुतैः ॥ ७९॥

maṇiputtalikākḷptacārucāmaravījanaiḥ |vyajanādarśatāmbūladhṛtaputtalikāyutaiḥ || 79||

गणैश्च रहितो देवस्सखीविरहिता शिवा ।तस्मिञ्छ्रीचक्रसौधे(चक्रमध्य) तु क्रीडतस्तौ शिवौ मुने ॥ ८०॥

gaṇaiśca rahito devassakhīvirahitā śivā |tasmiñchrīcakrasaudhe(cakramadhya) tu krīḍatastau śivau mune || 80||

कैलासे नवशक्तिरत्नविलसत्पीठे महातत्ववाग्जाते नैकगकोटिविस्तरयुते श्रीचक्रमध्यङ्गते ।बिन्दौ चन्द्रदिनेशकोटियुगले मञ्चे च तत्पीठकेपञ्चब्रह्ममये वयं गिरिजया सार्धं हृदादध्महे ॥ ८१॥

kailāse navaśaktiratnavilasatpīṭhe mahātatvavāgjāte naikagakoṭivistarayute śrīcakramadhyaṅgate |bindau candradineśakoṭiyugale mañce ca tatpīṭhakepañcabrahmamaye vayaṃ girijayā sārdhaṃ hṛdādadhmahe || 81||

कैलासे नवरत्नहर्म्यविलसन्मञ्चे सुधापान्निधौ (सुधाम्भोनिधेर्मध्ये)काञ्चद्रन(कल्प)कवाटिकापरिवृते चिन्तामणीभायुते ।सार्द्धं यो जगदम्बया रविमयं चैकं सुधावर्ष्मणोरूपं कन्तुकमुत्क्षिपत्यनुदिनं तेनैव रात्रिन्दिवम् ॥ ८२॥

kailāse navaratnaharmyavilasanmañce sudhāpānnidhau (sudhāmbhonidhermadhye)kāñcadrana(kalpa)kavāṭikāparivṛte cintāmaṇībhāyute |sārddhaṃ yo jagadambayā ravimayaṃ caikaṃ sudhāvarṣmaṇorūpaṃ kantukamutkṣipatyanudinaṃ tenaiva rātrindivam || 82||

मूर्तीर्यो विधिविष्णुरुद्रसुरराडष्टौ पुमर्थानपिचत्वार्येव युगानि वेदनिवहं दिव्यं फलानां गणम् ।कुर्वन्नेव चतुर्दिशात्मकमठावैचित्र्यपीठे सदादीव्यन्त्सार्धमशेषभाग्यनिवहैः कृत्वा गृहं सम्मतम् ॥ ८३॥

mūrtīryo vidhiviṣṇurudrasurarāḍaṣṭau pumarthānapicatvāryeva yugāni vedanivahaṃ divyaṃ phalānāṃ gaṇam |kurvanneva caturdiśātmakamaṭhāvaicitryapīṭhe sadādīvyantsārdhamaśeṣabhāgyanivahaiḥ kṛtvā gṛhaṃ sammatam || 83||

कृत्स्नप्राणिकलापरम्य फलकस्तोमं विधायात्र वैकालं कर्म च पाशकं सहि शिवो दीव्यन्त्सहास्तेऽम्बया ॥ ८४॥

kṛtsnaprāṇikalāparamya phalakastomaṃ vidhāyātra vaikālaṃ karma ca pāśakaṃ sahi śivo dīvyantsahāste'mbayā || 84||

देवीप्रस्ताववर्णनम्॥ इति शिवरहस्यान्तर्गते माहेश्वराख्ये कैलासशैले वृषगोपुरवर्णनम् ॥॥ श्रीशिवरहस्यम् । माहेश्वराख्यः प्रथमांशः । अध्यायः २६ कैलासवर्णने वृष(कृत)स्तुतिः । ६०८४॥

devīprastāvavarṇanam|| iti śivarahasyāntargate māheśvarākhye kailāsaśaile vṛṣagopuravarṇanam |||| śrīśivarahasyam | māheśvarākhyaḥ prathamāṃśaḥ | adhyāyaḥ 26 kailāsavarṇane vṛṣa(kṛta)stutiḥ | 6084||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः २६ – कैलासवर्णने वृष(कृत)स्तुतिः ।६०-८४॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 26 – kailāsavarṇane vṛṣa(kṛta)stutiḥ | 60-84||