शिवस्तवः (गरुडकृतं शिवरहस्यान्तर्गतः) Garudakritam Shiva Stava

(शिवरहस्यान्तर्गते भीमाख्ये)देव देव सकलामरवन्द्यविश्वनाथ शशिचूड महेश ।व्योमकेश जितपञ्चशरेशशूलमूलकर दारितकाल ॥ १८॥

(śivarahasyāntargate bhīmākhye)deva deva sakalāmaravandyaviśvanātha śaśicūḍa maheśa |vyomakeśa jitapañcaśareśaśūlamūlakara dāritakāla || 18||

मारमार हरिसायक शम्भोकालकण्ठ करुणाकर धीर ।घोरपातकभयादिहरेशपाहि मां वरदयाघनसार ॥ १९॥

māramāra harisāyaka śambhokālakaṇṭha karuṇākara dhīra |ghorapātakabhayādihareśapāhi māṃ varadayāghanasāra || 19||

क्षयद्वीरं वीरं गरधरमुमाकान्तमधुनाशरण्यं मौलीन्दुद्युति विजितदिग्वक्त्रतमसम् ।महागोद्यर्चमकृत पटसटाशोभिनृहरिस्फुरद्वक्षोहारिप्रखरनखरोद्योतितनखम् ॥ २०॥

kṣayadvīraṃ vīraṃ garadharamumākāntamadhunāśaraṇyaṃ maulīndudyuti vijitadigvaktratamasam |mahāgodyarcamakṛta paṭasaṭāśobhinṛharisphuradvakṣohāriprakharanakharodyotitanakham || 20||

प्रपद्ये देव त्वां श्रुतिवरशिरश्चारुपटलीवलीढं ते पादं सकलसुरमौलिद्युतपदम् ।अनाथानां नाथं सकलजगतामेकशरणंशरण्यं त्वां शम्भुं भवहरणपादं कलयतः ॥ २१॥

prapadye deva tvāṃ śrutivaraśiraścārupaṭalīvalīḍhaṃ te pādaṃ sakalasuramaulidyutapadam |anāthānāṃ nāthaṃ sakalajagatāmekaśaraṇaṃśaraṇyaṃ tvāṃ śambhuṃ bhavaharaṇapādaṃ kalayataḥ || 21||

यथा चेतो नित्यं न भजति तथा प्राकृत सुरान्हरिब्रह्मामर्त्यान्त्सवरुणमरुत्वादिकगुणान् ।भवं भावापन्नं श्रुतिवरशिरोवेद्यचरितंतवेशानं कस्ते प्रचरति नरः स्तव्यमधुना ॥ २२॥

yathā ceto nityaṃ na bhajati tathā prākṛta surānharibrahmāmartyāntsavaruṇamarutvādikaguṇān |bhavaṃ bhāvāpannaṃ śrutivaraśirovedyacaritaṃtaveśānaṃ kaste pracarati naraḥ stavyamadhunā || 22||

मदीयोऽयं मन्तुः सहतु च भवानेव नमसायतो वेदे वेद्यो भवसि सहमानस्त्वमधुना ।तथाप्येतद्भक्त्या त्वयि गदितमेतद्विजतु मेवचः पथ्यं स्वास्थ्यं क्षमसि मयि तिर्यक्त्वदयया ॥ २३॥

madīyo'yaṃ mantuḥ sahatu ca bhavāneva namasāyato vede vedyo bhavasi sahamānastvamadhunā |tathāpyetadbhaktyā tvayi gaditametadvijatu mevacaḥ pathyaṃ svāsthyaṃ kṣamasi mayi tiryaktvadayayā || 23||

॥ इति शिवरहस्यान्तर्गते गरुडकृतं शिवस्तवः सम्पूर्णम् ॥॥ श्रीशिवरहस्यम् । भीमाख्यः अष्टमांशः । अध्यायः २० गरुडस्य ईश्वरप्रसादः । १८२३॥

|| iti śivarahasyāntargate garuḍakṛtaṃ śivastavaḥ sampūrṇam |||| śrīśivarahasyam | bhīmākhyaḥ aṣṭamāṃśaḥ | adhyāyaḥ 20 garuḍasya īśvaraprasādaḥ | 1823||

– ॥ श्रीशिवरहस्यम् ।भीमाख्यः अष्टमांशः ।अध्यायः २० गरुडस्य ईश्वरप्रसादः ।१८-२३॥

– || śrīśivarahasyam |bhīmākhyaḥ aṣṭamāṃśaḥ |adhyāyaḥ 20 garuḍasya īśvaraprasādaḥ | 18-23||