शिवस्तुतिः गौरीकृता Gaurikrita Shiva Stuti

ऋताय ते नमस्तुभ्यं सत्याय सततं नमः ।पराय ब्रह्मणे तुभ्यं पुरुषाय नमो नमः ॥ १॥

ṛtāya te namastubhyaṃ satyāya satataṃ namaḥ |parāya brahmaṇe tubhyaṃ puruṣāya namo namaḥ || 1||

कृष्णपिङ्गलनाम्ने ते नमस्तुभ्यं नमो नमः ।किञ्चोर्ध्वरेतसे तुभ्यं विरूपाक्षाय ते नमः ॥ २॥

kṛṣṇapiṅgalanāmne te namastubhyaṃ namo namaḥ |kiñcordhvaretase tubhyaṃ virūpākṣāya te namaḥ || 2||

विश्वरूपाय वै तुभ्यं श्रुतिरूपाय ते नमः ।दिव्यलिङ्गस्वरूपाय दिव्यशक्तिमते नमः ॥ ३॥

viśvarūpāya vai tubhyaṃ śrutirūpāya te namaḥ |divyaliṅgasvarūpāya divyaśaktimate namaḥ || 3||

गुणत्रयनिदानाय गुणातीताय ते नमः ।भवरोगादिसक्तानां पुरुषाणां दिवौकसाम् ॥ ४॥

guṇatrayanidānāya guṇātītāya te namaḥ |bhavarogādisaktānāṃ puruṣāṇāṃ divaukasām || 4||

आसुरामयभीतानां विष्णोर्मदनरोगिणाम् ।चिकित्सकाय क्षेत्रेऽसिन् प्राप्ताय रजताचलात् ॥ ५॥

āsurāmayabhītānāṃ viṣṇormadanarogiṇām |cikitsakāya kṣetre'sin prāptāya rajatācalāt || 5||

मूर्तिमद्भिर्मन्त्रगणैर्महद्भिः कोटिभिस्सदा ।उपास्याय नमस्तुभ्यं निर्गुणाय नमो नमः ॥ ६॥

mūrtimadbhirmantragaṇairmahadbhiḥ koṭibhissadā |upāsyāya namastubhyaṃ nirguṇāya namo namaḥ || 6||

अणिमाद्यष्टसिद्धीनां धनधान्यादि नायक ।निधिदानपटो शम्भो चतुःषष्टिकलाप्रद ॥ ७॥

aṇimādyaṣṭasiddhīnāṃ dhanadhānyādi nāyaka |nidhidānapaṭo śambho catuḥṣaṣṭikalāprada || 7||

कृपानिधे नमस्तुभ्यं जगद्रक्षणदीक्षित ॥ ८\।१॥॥ इति वैद्यनाथस्थलमाहात्म्ये गौरीकृता शिवस्तुतिः सम्पूर्णा ॥॥ वैद्यनाथस्थलमाहात्म्यम् । षष्ठोऽध्यायः । वावृत्तश्लोकाः ॥– ॥ वैद्यनाथस्थलमाहात्म्यम् । षष्ठोऽध्यायः । वावृत्तश्लोकाः ॥

kṛpānidhe namastubhyaṃ jagadrakṣaṇadīkṣita || 8\|1|||| iti vaidyanāthasthalamāhātmye gaurīkṛtā śivastutiḥ sampūrṇā |||| vaidyanāthasthalamāhātmyam | ṣaṣṭho'dhyāyaḥ | vāvṛttaślokāḥ ||– || vaidyanāthasthalamāhātmyam | ṣaṣṭho'dhyāyaḥ | vāvṛttaślokāḥ ||