अम्बिकेशशिवस्तुतिः गौरीकृता Gaurikrita Ambikesha Shiva Stuti

(अम्बिकेशशिवस्तुतिः)हर हर शङ्कर चन्द्रशेखर प्रमथाधीश्वर विश्वनाथ शम्भो ।करुणारससारशोभिताङ्गाङ्गदकाहीश्वर देवदेव पाहि (देव पाहि पाहि) ॥ ५४॥

(ambikeśaśivastutiḥ)hara hara śaṅkara candraśekhara pramathādhīśvara viśvanātha śambho |karuṇārasasāraśobhitāṅgāṅgadakāhīśvara devadeva pāhi (deva pāhi pāhi) || 54||

अम्बिकेश गगनातिगमौले लम्बितोरुजटयाखिलकाश ।व्योमकेश विनतार्तिविनाश नागभूषणक (नागभूष नग) कार्मुकपाणे ॥ ५५॥

ambikeśa gaganātigamaule lambitorujaṭayākhilakāśa |vyomakeśa vinatārtivināśa nāgabhūṣaṇaka (nāgabhūṣa naga) kārmukapāṇe || 55||

हरिबाणामलपद्मनेत्र शम्भो कृतदक्षाध्वरशिक्षवीक्षण ।दग्धकामपुरवर्ग मदोद्यत्कुम्भिकुम्भदलनामलपाद ॥ ५६॥

haribāṇāmalapadmanetra śambho kṛtadakṣādhvaraśikṣavīkṣaṇa |dagdhakāmapuravarga madodyatkumbhikumbhadalanāmalapāda || 56||

गिरिराजसुता(सुतां)जटोरुबन्ध ह्यव (अव) मां घोरतपोभिरुग्रदेहाम् ।भव भीमोग्र कपालमालजालिन्करशूलामलभूतिभूषिताङ्ग ॥ ५७॥

girirājasutā(sutāṃ)jaṭorubandha hyava (ava) māṃ ghoratapobhirugradehām |bhava bhīmogra kapālamālajālinkaraśūlāmalabhūtibhūṣitāṅga || 57||

त्यद(त्वद)पाङ्गततिप्रभूतकामा किमिहेहामितवावृतेर्ममाद्य (तवादृतेऽहमाद्य, तवादते(?)ऽहमद्य) ।गणनाथषडाननादिसेव्य प्रकटापारश्रुतीभिरीड्यपाद ॥ ५८॥

tyada(tvada)pāṅgatatiprabhūtakāmā kimihehāmitavāvṛtermamādya (tavādṛte'hamādya, tavādate(?)'hamadya) |gaṇanāthaṣaḍānanādisevya prakaṭāpāraśrutībhirīḍyapāda || 58||

दहरगगनसंस्थ विश्वनाथ (विश्वधाम) प्रमथाधीश नतास्मि ते पदाब्जम् ॥ ५९॥

daharagaganasaṃstha viśvanātha (viśvadhāma) pramathādhīśa natāsmi te padābjam || 59||

(पूजाफलवर्णनम्)स्कन्दःइत्थं सम्पूज्य सा देवी कैलासाचलमूर्धनि ।अम्बिकेशं महालिङ्गमम्बिकाभक्तितत्परा ॥ ६०॥

(pūjāphalavarṇanam)skandaḥitthaṃ sampūjya sā devī kailāsācalamūrdhani |ambikeśaṃ mahāliṅgamambikābhaktitatparā || 60||

प्रणनाम मुहुर्भक्त्या दृष्ट्वा लिङ्गमुपातेः ।महानन्दाम्बुधौ मग्ना नान्यज्जानाति किञ्चन ॥ ६१॥

praṇanāma muhurbhaktyā dṛṣṭvā liṅgamupāteḥ |mahānandāmbudhau magnā nānyajjānāti kiñcana || 61||

एवं तत्रार्चनरता द्वाद शाब्दं किलाम्बिका ।त्रिकालं सावधानेन प्रदोषेषु विशेषतः ॥ ६२॥

evaṃ tatrārcanaratā dvāda śābdaṃ kilāmbikā |trikālaṃ sāvadhānena pradoṣeṣu viśeṣataḥ || 62||

महाकैलासशैलाग्रेचाम्बिकेशशिवालये ।(महाकैलासशैलाग्रेऽप्यम्बिकेशशिवालये ।)अपूजयत्तदा देवीचाम्बिकेशं द्विजोत्तम ॥ ६३॥

mahākailāsaśailāgrecāmbikeśaśivālaye |(mahākailāsaśailāgre'pyambikeśaśivālaye |)apūjayattadā devīcāmbikeśaṃ dvijottama || 63||

नक्ताशनरता देवी स्वससखीभिः परीवृता ।तरुणेन्दुकलामौलिलिङ्गं सम्पश्यती सदा ॥ ६४॥

naktāśanaratā devī svasasakhībhiḥ parīvṛtā |taruṇendukalāmauliliṅgaṃ sampaśyatī sadā || 64||

निनाय सा क्षपास्तत्र महादेवी सदा मुदा ।स्वयं सखीभिः सहिता कुसुमापचयोद्यता ॥ ६५॥

nināya sā kṣapāstatra mahādevī sadā mudā |svayaṃ sakhībhiḥ sahitā kusumāpacayodyatā || 65||

कैलासमौलिविपिने पुष्पसारयुते तदा ।फुल्लानिनीषुः (फुल्लाब्जिनीषु) सततं पङ्कजाहरणादरा ॥ ६६॥

kailāsamaulivipine puṣpasārayute tadā |phullāninīṣuḥ (phullābjinīṣu) satataṃ paṅkajāharaṇādarā || 66||

बिल्वकण्टकनुन्नापि स्वयमेवाहरच्छिवा ।फलानि स्वादुभूतानि समाहृत्याम्बिकेश्वरे (अम्बिकेश्वरम्) ॥ ६७॥

bilvakaṇṭakanunnāpi svayamevāharacchivā |phalāni svādubhūtāni samāhṛtyāmbikeśvare (ambikeśvaram) || 67||

निवेद्याश्नाति (निनेद्य स्नाति) नियतं सखीभिः सहिता शिवा ।यन्निवेदितमीशाने तदश्नाति कुतूहलात् ॥ ६८॥

nivedyāśnāti (ninedya snāti) niyataṃ sakhībhiḥ sahitā śivā |yanniveditamīśāne tadaśnāti kutūhalāt || 68||

पवित्रं शिवनैवेद्यं ज्ञानप्रदमनुत्तमम् ।जितामृतरसास्वादं (जितामृतरसंस्वादु) पापसङ्घविनाशनम् ॥ ६९॥

pavitraṃ śivanaivedyaṃ jñānapradamanuttamam |jitāmṛtarasāsvādaṃ (jitāmṛtarasaṃsvādu) pāpasaṅghavināśanam || 69||

आस्वाद्य शिवनैवेद्यं जलमन्नं फलादिकम् ।देवी हृष्टतरा नित्यमष्टमूर्त्यर्चने रता ॥ ७०॥

āsvādya śivanaivedyaṃ jalamannaṃ phalādikam |devī hṛṣṭatarā nityamaṣṭamūrtyarcane ratā || 70||

स्वतपोत्धं कष्टजालं जहौ लिङ्गसमर्चनात् ॥ ७१॥

svatapotdhaṃ kaṣṭajālaṃ jahau liṅgasamarcanāt || 71||

देव्या कैलासमौलौ सततपरिचितापारपूजाप्रभावैःतुष्टश्चैवाम्बिकेशो गुणगणसहितः (गणगणसहितः)प्रदुरासीन्महेशः (प्रादुरासीन्महेशः)।देवीं वीक्ष्य मुदाह गाढभुजकैरालिङ्ग्य धन्येऽम्बिकेको वेत्ति प्रभवं (प्रसभं) ममेष्टद महालिङ्गार्चनायाः फलम् ॥ ७२॥

devyā kailāsamaulau satataparicitāpārapūjāprabhāvaiḥtuṣṭaścaivāmbikeśo guṇagaṇasahitaḥ (gaṇagaṇasahitaḥ)pradurāsīnmaheśaḥ (prādurāsīnmaheśaḥ)|devīṃ vīkṣya mudāha gāḍhabhujakairāliṅgya dhanye'mbikeko vetti prabhavaṃ (prasabhaṃ) mameṣṭada mahāliṅgārcanāyāḥ phalam || 72||

॥ इति शिवरहस्यान्तर्गते भवाख्ये गौरीकृता अम्बिकेशशिवस्तुतिः ॥॥ श्रीशिवरहस्यम् । भवाख्यः द्वितीयांशः । अध्यायः ५ । ५४५९, ६०७२॥

|| iti śivarahasyāntargate bhavākhye gaurīkṛtā ambikeśaśivastutiḥ |||| śrīśivarahasyam | bhavākhyaḥ dvitīyāṃśaḥ | adhyāyaḥ 5 | 5459, 6072||

– ॥ श्रीशिवरहस्यम् ।भवाख्यः द्वितीयांशः ।अध्यायः ५ ।५४-५९, ६०-७२॥

– || śrīśivarahasyam |bhavākhyaḥ dvitīyāṃśaḥ |adhyāyaḥ 5 | 54-59, 60-72||