गौरीगिरीशस्तोत्रम् Gaurigirishastotram

श्रीगणेशाय नमः ।चन्द्रार्धप्रविभासिमस्तकतटौ तन्द्राविहीनौ सदाभक्तौधप्रतिपालने निजतनुछायाजितार्कायुतौ ।शृङ्गाद्रिस्थविवाहमण्डपगतौ कारुण्यवारान्निधीकल्याणं तनुतां समस्तजगतां गौरीगिरीशौ मुदा ॥ १॥

śrīgaṇeśāya namaḥ |candrārdhapravibhāsimastakataṭau tandrāvihīnau sadābhaktaudhapratipālane nijatanuchāyājitārkāyutau |śṛṅgādristhavivāhamaṇḍapagatau kāruṇyavārānnidhīkalyāṇaṃ tanutāṃ samastajagatāṃ gaurīgirīśau mudā || 1||

अन्योन्यार्च्चनतत्परौ मधुरवाक्सन्तोषितान्योन्यकौचन्द्रार्धाञ्चितशेखरौ प्रणमतामिष्टार्थदौ सत्वरम् ।शृङ्गाद्रिस्थविवाहमण्डपगतौ शृङ्गारजन्मावनीकल्याणं तनुतां समस्तजगतां गौरीगिरीशौ मुदा ॥ २॥

anyonyārccanatatparau madhuravāksantoṣitānyonyakaucandrārdhāñcitaśekharau praṇamatāmiṣṭārthadau satvaram |śṛṅgādristhavivāhamaṇḍapagatau śṛṅgārajanmāvanīkalyāṇaṃ tanutāṃ samastajagatāṃ gaurīgirīśau mudā || 2||

सौदर्येण परस्परं प्रमुदितावन्योन्यचित्तस्थितौराकाचन्द्रसमानवक्त्रकमलौ पादाब्जकालङ्कृतौ ।शृङ्गाद्रिस्थविवाहमण्डपगतौ गङ्गातटावासिनौकल्याणं तनुतां समस्तजगतां गौरीगिरीशौ मुदा ॥ ३॥

saudaryeṇa parasparaṃ pramuditāvanyonyacittasthitaurākācandrasamānavaktrakamalau pādābjakālaṅkṛtau |śṛṅgādristhavivāhamaṇḍapagatau gaṅgātaṭāvāsinaukalyāṇaṃ tanutāṃ samastajagatāṃ gaurīgirīśau mudā || 3||

सिंहोक्षाग्र्यगती महोन्नतपदं सम्प्रापयन्तौ नतानंहोराशिनिवारणैकनिपुणौ ब्रह्मोग्रविष्ण्वर्चितौ ।शृङ्गाद्रिस्थविवाहमण्डपगतौ गाङ्गेयभूषोज्ज्वलौकल्याणं तनुतां समस्तजगतां गौरीगिरीशौ मुदा ॥ ४॥

siṃhokṣāgryagatī mahonnatapadaṃ samprāpayantau natānaṃhorāśinivāraṇaikanipuṇau brahmograviṣṇvarcitau |śṛṅgādristhavivāhamaṇḍapagatau gāṅgeyabhūṣojjvalaukalyāṇaṃ tanutāṃ samastajagatāṃ gaurīgirīśau mudā || 4||

कस्तूरीघनसारचर्चिततनू प्रत्यूयमानौ सुरैरस्तूक्त्या प्रणतेष्टपूरणकरौ वस्तूपलब्धिप्रदौ ।शृङ्गाद्रिस्थविवामण्डपगतावङ्गावधूतेन्दुभौकल्याणं तनुतां समस्तजगतां गौरीगिरीशौ मुदा ॥ ५॥

kastūrīghanasāracarcitatanū pratyūyamānau surairastūktyā praṇateṣṭapūraṇakarau vastūpalabdhipradau |śṛṅgādristhavivāmaṇḍapagatāvaṅgāvadhūtendubhaukalyāṇaṃ tanutāṃ samastajagatāṃ gaurīgirīśau mudā || 5||

वाणीनिर्जितहंसकोकिलरवौ पाणीकृताम्भोरुहौवेणीकेशविनिर्जिताहिचपलौ क्षोणीसमानक्षमौ ।शृङ्गाद्रिस्थविवाहमण्डपगतौ तुङ्गेष्टजालप्रदौकल्याणं तनुतां समस्तजगतां गैरीगिरीशौ मुदा ॥ ६॥

vāṇīnirjitahaṃsakokilaravau pāṇīkṛtāmbhoruhauveṇīkeśavinirjitāhicapalau kṣoṇīsamānakṣamau |śṛṅgādristhavivāhamaṇḍapagatau tuṅgeṣṭajālapradaukalyāṇaṃ tanutāṃ samastajagatāṃ gairīgirīśau mudā || 6||

कामापत्तिविभूतिकारणदशौ सोमार्धभूषोज्ज्वलौसामाम्नायसुगीयमानचरितौ रामार्चिताङ्घ्रिद्वयौ ।शृङ्गाद्रिस्थविवामण्डपगतौ माणिक्यभूषान्वितौकल्याणं तनुतां समस्तजगतां गौरीगिरीशौ मुदा ॥ ७॥

kāmāpattivibhūtikāraṇadaśau somārdhabhūṣojjvalausāmāmnāyasugīyamānacaritau rāmārcitāṅghridvayau |śṛṅgādristhavivāmaṇḍapagatau māṇikyabhūṣānvitaukalyāṇaṃ tanutāṃ samastajagatāṃ gaurīgirīśau mudā || 7||

दम्भाहङ्कृतिदोषशून्यपुरुषैः सम्भावनीयौ सदाजम्भारातिमुखामरेन्द्रविनुतौ कुभात्मजाद्यर्चितौ ।शृङ्गाद्रिस्थविवाहमण्डपगतौ वाग्दानदीक्षाधरौकल्याणं तनुतां समस्तजगतां गौरीगिरीशौ मुदा ॥ ८॥

dambhāhaṅkṛtidoṣaśūnyapuruṣaiḥ sambhāvanīyau sadājambhārātimukhāmarendravinutau kubhātmajādyarcitau |śṛṅgādristhavivāhamaṇḍapagatau vāgdānadīkṣādharaukalyāṇaṃ tanutāṃ samastajagatāṃ gaurīgirīśau mudā || 8||

शापानुग्रहशक्तिदाननिपुणौ तापापनोदक्षमौसोपानक्रमतोऽधिकारिभिरनुप्राप्यौ क्षमासागरौ ।शृङ्गाद्रिस्थविवाहमण्डपगतौ लावण्यपाथोनिधीकल्याणं तनुतां समस्तजगतां गौरीगिरीशौ मुदा ॥ ९॥

śāpānugrahaśaktidānanipuṇau tāpāpanodakṣamausopānakramato'dhikāribhiranuprāpyau kṣamāsāgarau |śṛṅgādristhavivāhamaṇḍapagatau lāvaṇyapāthonidhīkalyāṇaṃ tanutāṃ samastajagatāṃ gaurīgirīśau mudā || 9||

शोणाम्भोरुहतुल्यपादयुगुलौ बाणार्चनातोषितौवीणाधृङ्मुनिगीयमानविभवौ बालारुणाभाम्बरौ ।शृङ्गाद्रिस्थविवामण्डपगतौ तुल्याधिकैर्वर्जितौकल्याणं तनुतां समस्तजगतां गौरीगिरीशौ मुदा ॥ १०॥

śoṇāmbhoruhatulyapādayugulau bāṇārcanātoṣitauvīṇādhṛṅmunigīyamānavibhavau bālāruṇābhāmbarau |śṛṅgādristhavivāmaṇḍapagatau tulyādhikairvarjitaukalyāṇaṃ tanutāṃ samastajagatāṃ gaurīgirīśau mudā || 10||

इति गौरीगिरीशस्तोत्रं सम्पूर्णम् ॥

iti gaurīgirīśastotraṃ sampūrṇam ||