रामस्तोत्रम् ०६ Shri Ramastotram by Hanuman (2)

कोन्वीश ते पादरसोबभाजांसुदुर्लभोऽर्थेषु चतुर्ष्वपीह ।तथाऽपि नाहं प्रवृणोमि भूमन्भवत्पदाम्भोजनिषेवणादृते ॥ १॥

konvīśa te pādarasobabhājāṃsudurlabho'rtheṣu caturṣvapīha |tathā'pi nāhaṃ pravṛṇomi bhūmanbhavatpadāmbhojaniṣevaṇādṛte || 1||

त्वमेव साक्षात्परमः स्वतन्त्रस्त्वमेव साक्षादखिलोरुशक्तिः ।त्वमेव चागण्यगुणार्णवः सदारमाविरिञ्चादिभिरप्यशेषैः ॥ २॥

tvameva sākṣātparamaḥ svatantrastvameva sākṣādakhiloruśaktiḥ |tvameva cāgaṇyaguṇārṇavaḥ sadāramāviriñcādibhirapyaśeṣaiḥ || 2||

समेत्य सर्वेऽपि सदा वदन्तोऽप्यनन्तकालाच्च न वै समाप्नुयुः ।गुणांस्त्वदीयान् परिपूर्णसौख्यज्ञानात्मकस्त्वं हि सदाऽतिशुद्धः ॥ ३॥

sametya sarve'pi sadā vadanto'pyanantakālācca na vai samāpnuyuḥ |guṇāṃstvadīyān paripūrṇasaukhyajñānātmakastvaṃ hi sadā'tiśuddhaḥ || 3||

यस्ते कथासेवक एव सर्वदा सदारतिस्त्वय्यचलैकभक्तिः ।स जीवमानो न परः कथञ्चित्तज्जीवनं मेऽस्त्वधिकं समस्तात् ॥ ४॥

yaste kathāsevaka eva sarvadā sadāratistvayyacalaikabhaktiḥ |sa jīvamāno na paraḥ kathañcittajjīvanaṃ me'stvadhikaṃ samastāt || 4||

प्रवर्धतां भक्तिरलं क्षणे क्षणेत्वयीश मे ह्रासविवर्जिता सदा ।अनुग्रहस्ते मयि चैवमेवनिरूपधौ तौ मम सर्वकामः ॥ ५॥

pravardhatāṃ bhaktiralaṃ kṣaṇe kṣaṇetvayīśa me hrāsavivarjitā sadā |anugrahaste mayi caivamevanirūpadhau tau mama sarvakāmaḥ || 5||

इतीरितस्तस्य ददौ स तद्।ह्द्वयंपदं विधातुः सकलैश्च शोभनम् ।समाश्लिषच्चैनमथार्द्रया धियायथोचितं सर्वजनानपूजयत् ॥ ६॥

itīritastasya dadau sa tad|hdvayaṃpadaṃ vidhātuḥ sakalaiśca śobhanam |samāśliṣaccainamathārdrayā dhiyāyathocitaṃ sarvajanānapūjayat || 6||

॥ इति श्रीहनुमत्कृतं श्रीरामस्तोत्रं सम्पूर्णम् ॥

|| iti śrīhanumatkṛtaṃ śrīrāmastotraṃ sampūrṇam ||