पादुकापञ्चकम् Shri Ramastambhanacharyapranitam Paduka Panchakam

प्रणम्य राघवं रामानन्दाचार्यं तथा गुरुम् ।पापापहारकं कुर्वे पादुकापञ्चकं शुभम् ॥ १॥

praṇamya rāghavaṃ rāmānandācāryaṃ tathā gurum |pāpāpahārakaṃ kurve pādukāpañcakaṃ śubham || 1||

श्रीयुतजानकीनाथप्रपन्नत्राणदीक्षिताम् ।भरताराधितां वन्दे भरताग्रजपादुकाम् ॥ २॥

śrīyutajānakīnāthaprapannatrāṇadīkṣitām |bharatārādhitāṃ vande bharatāgrajapādukām || 2||

वन्दितां मुनिभिर्देवैः पद्मजेन्द्रशिवादिभिः ।भरताराधितां वन्दे भरताग्रजपादुकाम् ॥ ३॥

vanditāṃ munibhirdevaiḥ padmajendraśivādibhiḥ |bharatārādhitāṃ vande bharatāgrajapādukām || 3||

भुक्तिदां भुक्तिकामानां मुक्तिदां मुक्तिकामिनाम् ।भरताराधितां वन्दे भरताग्रजपादुकाम् ॥ ४॥

bhuktidāṃ bhuktikāmānāṃ muktidāṃ muktikāminām |bharatārādhitāṃ vande bharatāgrajapādukām || 4||

शरण्यामशरण्यानां करुणावरुणालयम् ।भरताराधितां वन्दे भरताग्रजपादुकाम् ॥ ५॥

śaraṇyāmaśaraṇyānāṃ karuṇāvaruṇālayam |bharatārādhitāṃ vande bharatāgrajapādukām || 5||

सर्वपापहरां चाथ सर्वकर्मफलप्रदाम् ।भरताराधितां वन्दे भरताग्रजपादुकाम् ॥ ६॥

sarvapāpaharāṃ cātha sarvakarmaphalapradām |bharatārādhitāṃ vande bharatāgrajapādukām || 6||

श्रीरामस्तम्भनाचार्यद्वाराचार्येण निर्मितम् ।पादुकापञ्चकं भूयात् पठतां मङ्गलप्रदम् ॥ ७॥

śrīrāmastambhanācāryadvārācāryeṇa nirmitam |pādukāpañcakaṃ bhūyāt paṭhatāṃ maṅgalapradam || 7||

इति श्रीरामस्तम्भनाचार्यप्रणीतं पादुकापञ्चकं सम्पूर्णम् ।

iti śrīrāmastambhanācāryapraṇītaṃ pādukāpañcakaṃ sampūrṇam |