शिक्षाचिन्तामणिः Shri Ramastambhanacharyapranita Shikshachintamanih

प्रणम्य भाष्यकृद्रामानन्दं रामं गुरुं तथा ।शिक्षाचिन्तामणिं कुर्वे मुमुक्षूणां हितावहम् ॥ १॥

praṇamya bhāṣyakṛdrāmānandaṃ rāmaṃ guruṃ tathā |śikṣācintāmaṇiṃ kurve mumukṣūṇāṃ hitāvaham || 1||

ज्ञानदाता गुरुर्लोके वैष्णवो ज्ञानवर्धकाः ।ज्ञानस्य विषयो रामस्तत्कैङ्कर्यं फलं मतम् ॥ २॥

jñānadātā gururloke vaiṣṇavo jñānavardhakāḥ |jñānasya viṣayo rāmastatkaiṅkaryaṃ phalaṃ matam || 2||

रामकैङ्कर्यसीमा तु वैष्णवसेवनं किल ।आचार्यविषये यस्य विश्वासश्च कृतज्ञता ॥ ३॥

rāmakaiṅkaryasīmā tu vaiṣṇavasevanaṃ kila |ācāryaviṣaye yasya viśvāsaśca kṛtajñatā || 3||

मङ्गलाशासनं योगे वियोगे चातिभीरुता ।गतिचिन्ताऽनुभवेच्छा स ज्ञानी परिकीर्त्तितः ॥ ४॥

maṅgalāśāsanaṃ yoge viyoge cātibhīrutā |gaticintā'nubhavecchā sa jñānī parikīrttitaḥ || 4||

अर्थोन्मुखो भवेद्धीनो बन्धुना गुरुणा तथा ।विषयप्रवणो हीनो लज्जयाथ भयेन च ॥ ५॥

arthonmukho bhaveddhīno bandhunā guruṇā tathā |viṣayapravaṇo hīno lajjayātha bhayena ca || 5||

विवेकनियती न स्तो बुभुक्षापीडितस्य हि ।विषयिणां सुखं चाथ स्वापः संयमिनां न हि ॥ ६॥

vivekaniyatī na sto bubhukṣāpīḍitasya hi |viṣayiṇāṃ sukhaṃ cātha svāpaḥ saṃyamināṃ na hi || 6||

श्रीरामस्तम्भनाचार्यद्वारपीठेशनिर्मितः ।शिक्षाचिन्तामणिर्भूयाल्लोककल्याणकारकः ॥ ७॥

śrīrāmastambhanācāryadvārapīṭheśanirmitaḥ |śikṣācintāmaṇirbhūyāllokakalyāṇakārakaḥ || 7||

इति श्रीरामस्तम्भनाचार्यप्रणीता शिक्षाचिन्तामणिः सम्पूर्णा ।

iti śrīrāmastambhanācāryapraṇītā śikṣācintāmaṇiḥ sampūrṇā |