अयोध्यापञ्चकम् Shri Ayodhya Panchakam

!! श्री जानकीवल्लभो विजयते !!याऽयोध्या जगती तलेतु मनुना वैकुण्ठतो ह्यानितायाचित्वा निजसृष्टिपालनपरं वैकुण्ठनाथं प्रभुम् ।या वै भूमितले निधाय विमला चेक्ष्वाकवे चार्पितासाऽयोध्या परमात्मनो विजयते धाम्नां परा मुक्तिदा ॥ १॥

!! śrī jānakīvallabho vijayate !!yā'yodhyā jagatī taletu manunā vaikuṇṭhato hyānitāyācitvā nijasṛṣṭipālanaparaṃ vaikuṇṭhanāthaṃ prabhum |yā vai bhūmitale nidhāya vimalā cekṣvākave cārpitāsā'yodhyā paramātmano vijayate dhāmnāṃ parā muktidā || 1||

या चक्रोपरि राजते च सततं वैकुण्ठनाथस्य वैया वै मानवलोकमेत्य सकलान् दात्री सदा वाञ्छितान् ।या तीर्थानि पुनाति सन्ततमहो वर्वर्त्ति तीर्थोपरिसाऽयोध्या परमात्मनो विजयते धाम्नां परा मुक्तिदा ॥ २॥

yā cakropari rājate ca satataṃ vaikuṇṭhanāthasya vaiyā vai mānavalokametya sakalān dātrī sadā vāñchitān |yā tīrthāni punāti santatamaho varvartti tīrthoparisā'yodhyā paramātmano vijayate dhāmnāṃ parā muktidā || 2||

यस्यां वैष्णव सज्जनाः सुरसिकाः स्वाचारनिष्ठाः सदालीला धाम सुनाम रूप दयिताः श्रीरामचन्द्रेरताः ।यस्यां श्रीरघुवंशजः परिकरैः सार्द्धं सदा राजतेसाऽयोध्या परमात्मनो विजयते धाम्नां परा मुक्तिदा ॥ ३॥

yasyāṃ vaiṣṇava sajjanāḥ surasikāḥ svācāraniṣṭhāḥ sadālīlā dhāma sunāma rūpa dayitāḥ śrīrāmacandreratāḥ |yasyāṃ śrīraghuvaṃśajaḥ parikaraiḥ sārddhaṃ sadā rājatesā'yodhyā paramātmano vijayate dhāmnāṃ parā muktidā || 3||

यस्यां तीर्थशतं सदा निवसति ह्यानन्ददं पावनंयस्या दर्शन लालसा मुनिवरा ध्यानेरताः सर्वदा ।यस्या भूमि रजस्त्वजादि विवुधा वाञ्छन्ति स्वामीष्टदंसाऽयोध्या परमात्मनो विजयते धाम्नां परा मुक्तिदा ॥ ४॥

yasyāṃ tīrthaśataṃ sadā nivasati hyānandadaṃ pāvanaṃyasyā darśana lālasā munivarā dhyāneratāḥ sarvadā |yasyā bhūmi rajastvajādi vivudhā vāñchanti svāmīṣṭadaṃsā'yodhyā paramātmano vijayate dhāmnāṃ parā muktidā || 4||

यस्यां भाति प्रमोदकाननवरं रामस्य लीलास्थलंयत्र श्रीसरिताम्बरा च सरयू रत्नाचलः शोभते ।ध्येया ब्रह्ममहेशविष्णुमुनिभिर्हृआनन्ददा सर्वदासाऽयोध्या परमात्मनो विजयते धाम्नां परा मुक्तिदा ॥ ५॥

yasyāṃ bhāti pramodakānanavaraṃ rāmasya līlāsthalaṃyatra śrīsaritāmbarā ca sarayū ratnācalaḥ śobhate |dhyeyā brahmamaheśaviṣṇumunibhirhṛānandadā sarvadāsā'yodhyā paramātmano vijayate dhāmnāṃ parā muktidā || 5||

यः श्लोकपञ्चकमिदं मनुजः पठेतध्यात्वाहृदि प्रतिदिनं रघुनन्दनाङ्घ्रिम् ।हित्वा बहूनि दुरितानि पुरार्जितानिप्राप्नोत्वभीष्टधनधर्ममथापवर्गम् ॥ ६॥

yaḥ ślokapañcakamidaṃ manujaḥ paṭhetadhyātvāhṛdi pratidinaṃ raghunandanāṅghrim |hitvā bahūni duritāni purārjitāniprāpnotvabhīṣṭadhanadharmamathāpavargam || 6||

इति ब्रह्मचारी श्री भगीरथरामजी विरचितंश्रीअयोध्या पञ्चकं सम्पूर्णम् ।अयोध्यादर्पणे भाग १

iti brahmacārī śrī bhagīratharāmajī viracitaṃśrīayodhyā pañcakaṃ sampūrṇam |ayodhyādarpaṇe bhāga 1