भद्राद्रिरामसुप्रभातम् अथवा भद्राचलरामसुप्रभातम् Shri Bhadradri Rama Suprabhata Stotram

वामाङ्कस्थितजानकीपरिलसत्कोदण्डदण्डं करेचक्रं चोर्ध्वकरेण बाहुयुगले शङ्खं शरं दक्षिणे ।बिभ्राणं जलजातपत्रनयनं भद्राद्रिमूर्धस्थितंकेयूरादिविभूषितं रघुपतिं सौमित्रियुक्तं भजे ॥ १॥

vāmāṅkasthitajānakīparilasatkodaṇḍadaṇḍaṃ karecakraṃ cordhvakareṇa bāhuyugale śaṅkhaṃ śaraṃ dakṣiṇe |bibhrāṇaṃ jalajātapatranayanaṃ bhadrādrimūrdhasthitaṃkeyūrādivibhūṣitaṃ raghupatiṃ saumitriyuktaṃ bhaje || 1||

श्रीमच्चन्दनचर्चितोन्नतकुचव्यालोलमालाङ्कितांताटङ्कद्युतिसत्कपोलयुगलां पीताम्बरालङ्कृताम् ।काञ्चीकङ्कणहारनूपुरलसत्कल्याणदामान्वितांश्री वामाङ्कगतां सरोरुहकरां सीतां मृगाक्षीं भजे ॥ २॥

śrīmaccandanacarcitonnatakucavyālolamālāṅkitāṃtāṭaṅkadyutisatkapolayugalāṃ pītāmbarālaṅkṛtām |kāñcīkaṅkaṇahāranūpuralasatkalyāṇadāmānvitāṃśrī vāmāṅkagatāṃ saroruhakarāṃ sītāṃ mṛgākṣīṃ bhaje || 2||

द्विभुजं स्वर्णवपुषं पद्मपत्रनिभेक्षणम् ।धनुर्बाणधरं धीरं रामानुजमहं भजे ॥ ३॥

dvibhujaṃ svarṇavapuṣaṃ padmapatranibhekṣaṇam |dhanurbāṇadharaṃ dhīraṃ rāmānujamahaṃ bhaje || 3||

कौसल्या सुप्रजा राम पूर्वा सन्ध्या प्रवर्तते ।उत्तिष्ठ नरशार्दूल कर्तव्यं दैवमाह्निकम् ॥ ४॥

kausalyā suprajā rāma pūrvā sandhyā pravartate |uttiṣṭha naraśārdūla kartavyaṃ daivamāhnikam || 4||

उत्तिष्ठोत्तिष्ठ गोविन्द उत्तिष्ठ गरुडध्वज ।उत्तिष्ठ कमलाकान्त त्रैलोक्यं मङ्गलं कुरु ॥ ५॥

uttiṣṭhottiṣṭha govinda uttiṣṭha garuḍadhvaja |uttiṣṭha kamalākānta trailokyaṃ maṅgalaṃ kuru || 5||

वन्दे श्रीरघुनन्दनं जनकजानेत्रासिताम्भोरुहंप्रालेयाम्बुमनल्पमञ्जुलगुणं पद्मासनोद्भासिनम् ।चक्राब्जेषुशरासनानि दधतं हस्तारविन्दोत्तमैःश्रीमन्मारुतिपूजिताङ्घ्रियुगलं भद्राद्रिचिन्तामणिम् ॥ ६॥

vande śrīraghunandanaṃ janakajānetrāsitāmbhoruhaṃprāleyāmbumanalpamañjulaguṇaṃ padmāsanodbhāsinam |cakrābjeṣuśarāsanāni dadhataṃ hastāravindottamaiḥśrīmanmārutipūjitāṅghriyugalaṃ bhadrādricintāmaṇim || 6||

श्रीरामचन्द्रवरकौमुदि भक्तलोककल्पाख्यवल्लरिविनतजनैकबन्धो । वरिअतिओन् विनम्रजनैकबन्धोकारुण्यपूरपरिपूरितसत्कटाक्षेभद्राद्रिनाधदयिते तव सुप्रभातम् ॥ ७॥

śrīrāmacandravarakaumudi bhaktalokakalpākhyavallarivinatajanaikabandho | variation vinamrajanaikabandhokāruṇyapūraparipūritasatkaṭākṣebhadrādrinādhadayite tava suprabhātam || 7||

अम्लानभक्तिकुसुमा मलिनाः प्रदीपाःसौधान् जयत्यविरलागुरुधूमराजिः ।नाकं स्वृशन्ति धरणीसुरवेदनादाःभद्राद्रिशेखर विभो तव सुप्रभातम् ॥ ८॥

amlānabhaktikusumā malināḥ pradīpāḥsaudhān jayatyaviralāgurudhūmarājiḥ |nākaṃ svṛśanti dharaṇīsuravedanādāḥbhadrādriśekhara vibho tava suprabhātam || 8||

सान्द्रोडुरम्यसुषमा न विभातिराजादीनो यथा गतवसुर्मलिनान्तरङ्गः ।दैन्यं गता कुमुदिनी प्रियविप्रयोगात्भद्राद्रिशेखर विभो तव सुप्रभातम् ॥ ९॥

sāndroḍuramyasuṣamā na vibhātirājādīno yathā gatavasurmalināntaraṅgaḥ |dainyaṃ gatā kumudinī priyaviprayogātbhadrādriśekhara vibho tava suprabhātam || 9||

पूर्वाद्रिपीठमधितिष्ठति भानुबिम्बंगाढं प्रयाति तिमिरं ककुभः प्रसन्नाः ।त्वत्स्वागतं खगरुतैः कथयन्ति मन्द्रंभद्राद्रिशेखर विभो तव सुप्रभातम् ॥ १०॥

pūrvādripīṭhamadhitiṣṭhati bhānubimbaṃgāḍhaṃ prayāti timiraṃ kakubhaḥ prasannāḥ |tvatsvāgataṃ khagarutaiḥ kathayanti mandraṃbhadrādriśekhara vibho tava suprabhātam || 10||

आदित्यलोलकरलालनजातहर्षासा पद्मिनी त्यजति मा सकृदास्यमुद्राम् ।भृङ्गावली विशति चाटुवचास्सरोजंभद्राद्रिशेखर विभो तव सुप्रभातम् ॥ ११॥

ādityalolakaralālanajātaharṣāsā padminī tyajati mā sakṛdāsyamudrām |bhṛṅgāvalī viśati cāṭuvacāssarojaṃbhadrādriśekhara vibho tava suprabhātam || 11||

प्रालेयबिन्दुनिकरा नवपल्लवेषुबिम्बाधरे स्मितरुचिं तव संवदन्ति ।आयान्ति चक्रमिथुनानि गृहस्थभावं (आयन्ति?)भद्राद्रिशेखर विभो तव सुप्रभातम् ॥ १२॥

prāleyabindunikarā navapallaveṣubimbādhare smitaruciṃ tava saṃvadanti |āyānti cakramithunāni gṛhasthabhāvaṃ (āyanti?)bhadrādriśekhara vibho tava suprabhātam || 12||

आनेतुमास्यपवनं तव सत्सुगन्धीमाल्यानि जातिकुसुमानि सरोरुहाणि ।आमर्दयन् सुरभिगन्धमहो भिवातिभद्राद्रिशेखर विभो तव सुप्रभातम् ॥ १३॥

ānetumāsyapavanaṃ tava satsugandhīmālyāni jātikusumāni saroruhāṇi |āmardayan surabhigandhamaho bhivātibhadrādriśekhara vibho tava suprabhātam || 13||

गोपीकराकलितमन्थनरम्यनादाःगोपालवेणुनिनदेन समं प्रवृत्ताः ।धुन्वन्ति हंसमिथुनानि तुषारपक्षान्भद्राद्रिशेखर विभो तव सुप्रभातम् ॥ १४॥

gopīkarākalitamanthanaramyanādāḥgopālaveṇuninadena samaṃ pravṛttāḥ |dhunvanti haṃsamithunāni tuṣārapakṣānbhadrādriśekhara vibho tava suprabhātam || 14||

स्तम्भे रमा उभयपक्षविनीतनिद्राःकर्षन्ति ते कलितघीङ्कृतिशृङ्खलानि ।वाद्या मुखोष्ममलिनीकृतसैन्धवांशाःभद्राद्रिशेखर विभो तव सुप्रभातम् ॥ १५॥

stambhe ramā ubhayapakṣavinītanidrāḥkarṣanti te kalitaghīṅkṛtiśṛṅkhalāni |vādyā mukhoṣmamalinīkṛtasaindhavāṃśāḥbhadrādriśekhara vibho tava suprabhātam || 15||

श्रीवन्दिनस्तव पठन्ति च मञ्जुकण्ठैःरम्यावधानचरितान्यमृतोपमानि ।मन्द्रं नदन्ति मुरजाश्शुभशङ्खनादैःभद्राद्रिशेखर विभो तव सुप्रभातम् ॥ १६॥

śrīvandinastava paṭhanti ca mañjukaṇṭhaiḥramyāvadhānacaritānyamṛtopamāni |mandraṃ nadanti murajāśśubhaśaṅkhanādaiḥbhadrādriśekhara vibho tava suprabhātam || 16||

उत्तानकेतनरता रवयो महेशाःशुद्धोक्षवाहनगता वसवोऽपि सिद्धाः ।द्वारे वसन्ति तव दर्शनलालसास्तेभद्राद्रिशेखर विभो तव सुप्रभातम् ॥ १७॥

uttānaketanaratā ravayo maheśāḥśuddhokṣavāhanagatā vasavo'pi siddhāḥ |dvāre vasanti tava darśanalālasāstebhadrādriśekhara vibho tava suprabhātam || 17||

चक्राङ्गवाहविधिरेष सुरेश्वरोऽयंदेवर्षिभिर्मुनिगणैस्सह लोकपालैः ।रत्नोपदाञ्जलिभरोऽभिमुखं समास्तेभद्राद्रिशेखर विभो तव सुप्रभातम् ॥ १९॥

cakrāṅgavāhavidhireṣa sureśvaro'yaṃdevarṣibhirmunigaṇaissaha lokapālaiḥ |ratnopadāñjalibharo'bhimukhaṃ samāstebhadrādriśekhara vibho tava suprabhātam || 19||

दातुं भवान् विविधगोधनरत्नपूगान्आलोकनाय मुकुरादि शुभार्थपुञ्जान् ।आदाय देहलितले त्रिदशा निषण्णाःभद्राद्रिशेखर विभो तव सुप्रभातम् ॥ १९॥

dātuṃ bhavān vividhagodhanaratnapūgānālokanāya mukurādi śubhārthapuñjān |ādāya dehalitale tridaśā niṣaṇṇāḥbhadrādriśekhara vibho tava suprabhātam || 19||

गोदावरीविमलवारिसमुद्भवानिनिर्हारिपुष्पविसराणि मुदा हरन्तः ।शुश्रूषया तव बुधाः प्रतिपालयन्तिभद्राद्रिशेखर विभो तव सुप्रभातम् ॥ २०॥

godāvarīvimalavārisamudbhavāninirhāripuṣpavisarāṇi mudā harantaḥ |śuśrūṣayā tava budhāḥ pratipālayantibhadrādriśekhara vibho tava suprabhātam || 20||

एलालवङ्गवरकुङ्कुमकेसराद्यैःपुन्नागनागतुलसीवकुलादिपुष्पैः ।नीतास्सुतीर्थकलशा अभिषेचनायभद्राद्रिशेखर विभो तव सुप्रभातम् ॥ २१॥

elālavaṅgavarakuṅkumakesarādyaiḥpunnāganāgatulasīvakulādipuṣpaiḥ |nītāssutīrthakalaśā abhiṣecanāyabhadrādriśekhara vibho tava suprabhātam || 21||

कस्तूरिकासुरभिचन्दनपद्ममालाःपीताम्बरं च तडिदाभमनल्पमूल्यम् ।सज्जीकृतानि रघुनायक मञ्जुलानिभद्राद्रिशेखर विभो तव सुप्रभातम् ॥ २२॥

kastūrikāsurabhicandanapadmamālāḥpītāmbaraṃ ca taḍidābhamanalpamūlyam |sajjīkṛtāni raghunāyaka mañjulānibhadrādriśekhara vibho tava suprabhātam || 22||

केयूरकङ्कणकलापकिरीटदेवछन्दाङ्गुलीयकमुखा नवरत्नभूषाः ।राजन्ति तावकपुरो रविकान्तिकान्ताःभद्राद्रिशेखर विभो तव सुप्रभातम् ॥ २३॥

keyūrakaṅkaṇakalāpakirīṭadevachandāṅgulīyakamukhā navaratnabhūṣāḥ |rājanti tāvakapuro ravikāntikāntāḥbhadrādriśekhara vibho tava suprabhātam || 23||

गोदावरीसलिलसम्प्लवनिर्मलाङ्गाःदीप्तोर्ध्वपुण्ड्रतुलसीनलिनाक्षमालाः ।श्रीवैष्णवास्तव पठन्ति विबोधगाथाःभद्राद्रिशेखर विभो तव सुप्रभातम् ॥ २४॥

godāvarīsalilasamplavanirmalāṅgāḥdīptordhvapuṇḍratulasīnalinākṣamālāḥ |śrīvaiṣṇavāstava paṭhanti vibodhagāthāḥbhadrādriśekhara vibho tava suprabhātam || 24||

स्वर्लोकवारवनितास्सुरलोकतोऽमीरम्भादयो विमलमङ्गलकुम्भदीपैः ।सङ्घीभवन्ति भवदङ्गणपूर्वभागेभद्राद्रिशेखर विभो तव सुप्रभातम् ॥ २५॥

svarlokavāravanitāssuralokato'mīrambhādayo vimalamaṅgalakumbhadīpaiḥ |saṅghībhavanti bhavadaṅgaṇapūrvabhāgebhadrādriśekhara vibho tava suprabhātam || 25||

सीताप्रवालसुमनोहरपाणियुग्मसंवाहितात्मपदपङ्कजपद्मनेत्र ।सौमित्रिसादरसमर्पितसौम्यशय्याभद्राद्रिशेखर विभो तव सुप्रभातम् ॥ २६॥

sītāpravālasumanoharapāṇiyugmasaṃvāhitātmapadapaṅkajapadmanetra |saumitrisādarasamarpitasaumyaśayyābhadrādriśekhara vibho tava suprabhātam || 26||

श्रीशेषतल्प शरणागतरक्षकार्कवंशे निशाचरवधाय कृतावतार ।पादाब्जरेणुहृतगौतमदारशापभद्राद्रिशेखर विभो तव सुप्रभातम् ॥ २७॥

śrīśeṣatalpa śaraṇāgatarakṣakārkavaṃśe niśācaravadhāya kṛtāvatāra |pādābjareṇuhṛtagautamadāraśāpabhadrādriśekhara vibho tava suprabhātam || 27||

पाठीनकूर्मकिटिमानुषसिंहवेषकुब्जावतार भृगुनन्दन राघवेन्द्र ।तालाङ्ककृष्णयवनान्तकबुद्धरूपभद्राद्रिशेखर विभो तव सुप्रभातम् ॥ २८॥

pāṭhīnakūrmakiṭimānuṣasiṃhaveṣakubjāvatāra bhṛgunandana rāghavendra |tālāṅkakṛṣṇayavanāntakabuddharūpabhadrādriśekhara vibho tava suprabhātam || 28||

ब्रह्मादिसर्वविबुधांस्तव पादभक्तान्सम्फुल्लतामरसभासुरलोचनाद्यैः ।आनन्दयस्व रिपुशोधन चापधारिन्भद्राद्रिशेखर विभो तव सुप्रभातम् ॥ २९॥

brahmādisarvavibudhāṃstava pādabhaktānsamphullatāmarasabhāsuralocanādyaiḥ |ānandayasva ripuśodhana cāpadhārinbhadrādriśekhara vibho tava suprabhātam || 29||

तल्पं विहाय कृपया वरभद्रपीठंआस्थाय पूजनमशेषमिदं गृहीत्वा ।भक्तानशेषभुवनानि च पालयस्वभद्राद्रिशेखर विभो तव सुप्रभातम् ॥ ३०॥

talpaṃ vihāya kṛpayā varabhadrapīṭhaṃāsthāya pūjanamaśeṣamidaṃ gṛhītvā |bhaktānaśeṣabhuvanāni ca pālayasvabhadrādriśekhara vibho tava suprabhātam || 30||

कुन्दसुन्दरदन्तपङ्क्तिविभासमानमुखाम्बुजंनीलनीरदकायशोभितजानकीतडिदुज्ज्वलम् ।शङ्खचक्रशरासनेषुविराजमानकराम्बुजंभद्रभूधरशेखरं प्रणमामि रामसुधाकरम् ॥ ३१॥

kundasundaradantapaṅktivibhāsamānamukhāmbujaṃnīlanīradakāyaśobhitajānakītaḍidujjvalam |śaṅkhacakraśarāsaneṣuvirājamānakarāmbujaṃbhadrabhūdharaśekharaṃ praṇamāmi rāmasudhākaram || 31||

अब्जसम्भवशङ्करादिभिरर्चिताङ्घ्रिपयोरुहंमेरुनन्दनभद्रतापसमानसाब्जदिवाकरम् ।नम्रभक्तजनेष्टदायकपद्मपीठसमास्थितंगौतमीक्षणलालसं प्रणमामि रामसुधाकरम् ॥ ३२॥

abjasambhavaśaṅkarādibhirarcitāṅghripayoruhaṃmerunandanabhadratāpasamānasābjadivākaram |namrabhaktajaneṣṭadāyakapadmapīṭhasamāsthitaṃgautamīkṣaṇalālasaṃ praṇamāmi rāmasudhākaram || 32||

भीतभानुतनूभवार्तिनिवारणातिविशारदंपादनम्रविभीषणाहितवैरिराज्यविभूतिकम् ।भीमरावणमत्तवारणसिंहमुत्तमविग्रहंभद्रभूधरशेखरं प्रणमामि रामसुधाकरम् ॥ ३३॥

bhītabhānutanūbhavārtinivāraṇātiviśāradaṃpādanamravibhīṣaṇāhitavairirājyavibhūtikam |bhīmarāvaṇamattavāraṇasiṃhamuttamavigrahaṃbhadrabhūdharaśekharaṃ praṇamāmi rāmasudhākaram || 33||

घोरसंसृतिदुस्तराम्बुधि कुम्भवसम्भवसन्निभंयोगिवृन्दमनोऽरविन्दसुकेसरोज्ज्वलषट्पदम् ।भक्तलोकविलोचनामृतवर्तिकायितविग्रहंभद्रभूधरशेखरं प्रणमामि रामसुधाकरम् ॥ ३४॥

ghorasaṃsṛtidustarāmbudhi kumbhavasambhavasannibhaṃyogivṛndamano'ravindasukesarojjvalaṣaṭpadam |bhaktalokavilocanāmṛtavartikāyitavigrahaṃbhadrabhūdharaśekharaṃ praṇamāmi rāmasudhākaram || 34||

भूसुताचिररोचिषं वरसत्पथैकविहारिणंतापनाशनदीक्षितं नतचातकावलिरक्षकम् ।चित्रचापकृपाम्बुमण्डलनीलविग्रहभासुरंभद्रभूधरशेखरं प्रणमामि रामपयोधरम् ॥ ३५॥

bhūsutācirarociṣaṃ varasatpathaikavihāriṇaṃtāpanāśanadīkṣitaṃ natacātakāvalirakṣakam |citracāpakṛpāmbumaṇḍalanīlavigrahabhāsuraṃbhadrabhūdharaśekharaṃ praṇamāmi rāmapayodharam || 35||

इति भद्राद्रिराम (भद्राचलराम) सुप्रभातस्तोत्रं सम्पूर्णम् ।

iti bhadrādrirāma (bhadrācalarāma) suprabhātastotraṃ sampūrṇam |