भगवत्समाश्रय Bhagavatsamashraya

सर्ववेदैकवेद्यं च सर्ववेदविदं विभुम् ।भगवन्तं श्रये रामं सर्ववेदैकरक्षकम् ॥ १॥

sarvavedaikavedyaṃ ca sarvavedavidaṃ vibhum |bhagavantaṃ śraye rāmaṃ sarvavedaikarakṣakam || 1||

चिदचिद्देहिनं नित्यं चिदचित्तत्त्वधारकम् ।भगवन्तं श्रये रामं चिदचित्तत्त्वशेषिणम् ॥ २॥

cidaciddehinaṃ nityaṃ cidacittattvadhārakam |bhagavantaṃ śraye rāmaṃ cidacittattvaśeṣiṇam || 2||

सर्वज्ञं सर्वकर्तारं सर्ववीजं तथैव च ।भगवन्तं श्रये रामं परमब्रह्मसंज्ञकम् ॥ ३॥

sarvajñaṃ sarvakartāraṃ sarvavījaṃ tathaiva ca |bhagavantaṃ śraye rāmaṃ paramabrahmasaṃjñakam || 3||

अद्वितीयकृतिं तद्वदद्वितीयाकृतिं प्रभुम् ।भगवन्तं श्रये राममद्वितीयं परेश्वरम् ॥ ४॥

advitīyakṛtiṃ tadvadadvitīyākṛtiṃ prabhum |bhagavantaṃ śraye rāmamadvitīyaṃ pareśvaram || 4||

सर्वदा सर्वकार्येषु सर्वेषां च सहायकम् ।भगवन्तं श्रये रामं कल्याणगुणसागरम् ॥ ५॥

sarvadā sarvakāryeṣu sarveṣāṃ ca sahāyakam |bhagavantaṃ śraye rāmaṃ kalyāṇaguṇasāgaram || 5||

रमणीयं च सर्वेभ्यः सर्वेभ्यो बलशालिनम् ।भगवन्तं श्रये रामं सर्वेषां रक्षकं परम् ॥ ६॥

ramaṇīyaṃ ca sarvebhyaḥ sarvebhyo balaśālinam |bhagavantaṃ śraye rāmaṃ sarveṣāṃ rakṣakaṃ param || 6||

अमोघं स्तवनं यस्य यस्यामोघं च दर्शनम् ।भगवन्तं श्रये रामं सर्वोपास्यं तमार्तिहम् ॥ ७॥

amoghaṃ stavanaṃ yasya yasyāmoghaṃ ca darśanam |bhagavantaṃ śraye rāmaṃ sarvopāsyaṃ tamārtiham || 7||

प्रेरकं सर्वभूतानां सुहृदं मुक्तिदं तथा ।भगवन्तं श्रये रामं भक्त्या लभ्यं परात्परम् ॥ ८॥

prerakaṃ sarvabhūtānāṃ suhṛdaṃ muktidaṃ tathā |bhagavantaṃ śraye rāmaṃ bhaktyā labhyaṃ parātparam || 8||

श्रियानन्दार्यशिष्य श्रीहर्यानन्दार्यनिर्मितः ।भूयात् समाश्रयश्चैष भवपाथोधितारकः ॥ ९॥

śriyānandāryaśiṣya śrīharyānandāryanirmitaḥ |bhūyāt samāśrayaścaiṣa bhavapāthodhitārakaḥ || 9||

इति प्रतिपक्षिभयङ्कर जगद्गुरु श्रीहर्यानन्दाचार्यसिद्धशिरोमणि कृतो भगवत्समाश्रयः सम्पूर्णः ।

iti pratipakṣibhayaṅkara jagadguru śrīharyānandācāryasiddhaśiromaṇi kṛto bhagavatsamāśrayaḥ sampūrṇaḥ |