राधाप्रार्थना Shriradhaprarthana Uddhavakrita

उद्धव उवाच ।चेतनं कुरु कल्याणि जगन्मातर्नमोऽस्तुते ।त्वमेव प्राक्तनं सर्वं कृष्णं द्रक्ष्यसि साम्प्रतम् ॥ १॥

uddhava uvāca |cetanaṃ kuru kalyāṇi jaganmātarnamo'stute |tvameva prāktanaṃ sarvaṃ kṛṣṇaṃ drakṣyasi sāmpratam || 1||

त्वत्तो विश्वं पवित्रं च त्वत्पादरजसा मही ।सुपवित्रं त्वद्वदनं पुण्यवत्यश्च गोपिकाः ॥ २॥

tvatto viśvaṃ pavitraṃ ca tvatpādarajasā mahī |supavitraṃ tvadvadanaṃ puṇyavatyaśca gopikāḥ || 2||

लोकास्त्वामेव गायन्ति गीतैर्मङ्गलसंस्तवैः ।त्वत्सुकीर्तिं च वेदाश्च सनकाद्याश्च संततम् ॥ ३॥

lokāstvāmeva gāyanti gītairmaṅgalasaṃstavaiḥ |tvatsukīrtiṃ ca vedāśca sanakādyāśca saṃtatam || 3||

कृतपापहरां पुण्यां तीर्थपुजां च निर्मलाम् ।हरिभक्तिप्रदां भद्रां सर्वविघ्नविनाशिनीम् ॥ ४॥

kṛtapāpaharāṃ puṇyāṃ tīrthapujāṃ ca nirmalām |haribhaktipradāṃ bhadrāṃ sarvavighnavināśinīm || 4||

त्वमेव राधा त्वं कृष्णस्त्वं पुमान् प्रकृतिः परा ।राधामाधवयोर्भेदो न पुराणे श्रुतौ तथा ॥ ५ ॥

tvameva rādhā tvaṃ kṛṣṇastvaṃ pumān prakṛtiḥ parā |rādhāmādhavayorbhedo na purāṇe śrutau tathā || 5 ||

॥ इति श्रीब्रह्मवैवर्ते पुराणे श्रीकृष्णजन्मखण्डेउद्धवकृता श्रीराधा प्रार्थना सम्पूर्णा ॥

|| iti śrībrahmavaivarte purāṇe śrīkṛṣṇajanmakhaṇḍeuddhavakṛtā śrīrādhā prārthanā sampūrṇā ||