राधिकाष्टकम् (कृष्णदासकविविरचितम्) Shri Radhikashtakam by shrikrishnadasakavi

श्रीकृष्णदासकविराजविरचितम् ।कुङ्कुमाक्तकाञ्चनाब्ज गर्वहारि गौरभापीतनाञ्चिताब्जगन्धकीर्तिनिन्दसौरभा ।वल्लवेशसूनु सर्ववाञ्छितार्थसाधिकामह्यमात्मपादपद्मदास्यदाऽस्तु राधिका ॥ १॥

śrīkṛṣṇadāsakavirājaviracitam |kuṅkumāktakāñcanābja garvahāri gaurabhāpītanāñcitābjagandhakīrtinindasaurabhā |vallaveśasūnu sarvavāñchitārthasādhikāmahyamātmapādapadmadāsyadā'stu rādhikā || 1||

कौरविन्दकान्तनिन्दचित्रपत्रशाटिकाकृष्णमत्तभृङ्गकेलि फुल्लपुष्पवाटिका ।कृष्णनित्यसङ्गमार्थपद्मबन्धुराधिकामह्यमात्मपादपद्मदास्यदाऽस्तु राधिका ॥ २॥

kauravindakāntanindacitrapatraśāṭikākṛṣṇamattabhṛṅgakeli phullapuṣpavāṭikā |kṛṣṇanityasaṅgamārthapadmabandhurādhikāmahyamātmapādapadmadāsyadā'stu rādhikā || 2||

सौकुमार्यसृष्टपल्लवालिकीर्तिनिग्रहाचन्द्रचन्दनोत्पलेन्दुसेव्यशीतविग्रहा ।स्वाभिमर्शवल्लवीशकामतापबाधिकामह्यमात्मपादपद्मदास्यदाऽस्तु राधिका ॥ ३॥

saukumāryasṛṣṭapallavālikīrtinigrahācandracandanotpalendusevyaśītavigrahā |svābhimarśavallavīśakāmatāpabādhikāmahyamātmapādapadmadāsyadā'stu rādhikā || 3||

विश्ववन्द्ययौवताभिवन्दतापि या रमारूपनव्ययौवनादिसम्पदा न यत्समा ।शीलहार्दलीलया च सा यतोऽस्ति नाधिकामह्यमात्मपादपद्मदास्यदास्तु राधिका ॥ ४॥

viśvavandyayauvatābhivandatāpi yā ramārūpanavyayauvanādisampadā na yatsamā |śīlahārdalīlayā ca sā yato'sti nādhikāmahyamātmapādapadmadāsyadāstu rādhikā || 4||

रासलास्यगीतनर्मसत्कलालिपण्डिताप्रेमरम्यरूपवेशसद्गुणालिमण्डिता ।विश्वनव्यगोपयोषिदालितोऽपि याऽधिकामह्यमात्मपादपद्मदास्यदाऽस्तु राधिका ॥ ५॥

rāsalāsyagītanarmasatkalālipaṇḍitāpremaramyarūpaveśasadguṇālimaṇḍitā |viśvanavyagopayoṣidālito'pi yā'dhikāmahyamātmapādapadmadāsyadā'stu rādhikā || 5||

नित्यनव्यरूपकेलिकृष्णभावसम्पदाकृष्णरागबन्धगोपयौवतेषु कम्पदा ।कृष्णरूपवेशकेलिलग्नसत्समाधिकामह्यमात्मपादपद्मदास्यदाऽस्तु राधिका ॥ ६॥

nityanavyarūpakelikṛṣṇabhāvasampadākṛṣṇarāgabandhagopayauvateṣu kampadā |kṛṣṇarūpaveśakelilagnasatsamādhikāmahyamātmapādapadmadāsyadā'stu rādhikā || 6||

स्वेदकम्पकण्टकाश्रुगद्गदादिसञ्चितामर्षहर्षवामतादि भावभूषणाञ्चिता ।कृष्णनेत्रतोषिरत्नमण्डनालिदाधिकामह्यमात्मपादपद्मदास्यदाऽस्तु राधिका ॥ ७॥

svedakampakaṇṭakāśrugadgadādisañcitāmarṣaharṣavāmatādi bhāvabhūṣaṇāñcitā |kṛṣṇanetratoṣiratnamaṇḍanālidādhikāmahyamātmapādapadmadāsyadā'stu rādhikā || 7||

या क्षणार्धकृष्णविप्रयोगसन्ततोदितानेकदैन्यचापलादिभाववृन्दमोदिता ।यत्नलब्धकृष्णसङ्गनिर्गताखिलाधिकामह्यमात्मपादपद्मदास्यदाऽस्तु राधिका ॥ ८॥

yā kṣaṇārdhakṛṣṇaviprayogasantatoditānekadainyacāpalādibhāvavṛndamoditā |yatnalabdhakṛṣṇasaṅganirgatākhilādhikāmahyamātmapādapadmadāsyadā'stu rādhikā || 8||

अष्टकेन यस्त्वनेन नौति कृष्णवल्लभांदर्शनेऽपि शैलजादियोषिदालिदुर्लभाम् ।कृष्णसङ्गनन्दतात्मदास्यसीधुभाजनंतं करोति नन्दतालिसञ्चयाशु सा जनम् ॥ ९॥

aṣṭakena yastvanena nauti kṛṣṇavallabhāṃdarśane'pi śailajādiyoṣidālidurlabhām |kṛṣṇasaṅganandatātmadāsyasīdhubhājanaṃtaṃ karoti nandatālisañcayāśu sā janam || 9||

इति श्रीकृष्णदासकविराजविरचितं श्रीराधिकाष्टकं सम्पूर्णम् ।

iti śrīkṛṣṇadāsakavirājaviracitaṃ śrīrādhikāṣṭakaṃ sampūrṇam |