वेदव्यासाष्टोत्तरनामस्तोत्रम् ४ Shrivedavyasashtottaranamastotram 4

यं वेदशास्त्रपरिनिष्ठितशुद्धबुद्धिंचर्माम्बरं सुरमुनीन्द्रनुतं प्रसन्नम् ।कृष्णत्विषं कनकपिङ्गजटाकलापंव्यासं नमामि शिरसा तिलकं मुनीनाम् ॥अविद्यातिमिरादित्यं ब्रह्मविद्याविशारदम् ।शारदाशङ्करात्मानं भारतीतीर्थमाश्रये ॥ॐ वेदव्यासो विष्णुरूपः पाराशर्यस्तपोनिधिः ।सत्यसन्धः प्रशान्तात्मा वाग्मी सत्यवतीसुतः ॥ १ ॥

yaṃ vedaśāstrapariniṣṭhitaśuddhabuddhiṃcarmāmbaraṃ suramunīndranutaṃ prasannam |kṛṣṇatviṣaṃ kanakapiṅgajaṭākalāpaṃvyāsaṃ namāmi śirasā tilakaṃ munīnām ||avidyātimirādityaṃ brahmavidyāviśāradam |śāradāśaṅkarātmānaṃ bhāratītīrthamāśraye ||oṃ vedavyāso viṣṇurūpaḥ pārāśaryastaponidhiḥ |satyasandhaḥ praśāntātmā vāgmī satyavatīsutaḥ || 1 ||

कृष्णद्वैपायनो दान्तो बादरायणसंज्ञितः ।ब्रह्मसूत्रग्रथितवान् भगवाञ्ज्ञानभास्करः ॥ २ ॥

kṛṣṇadvaipāyano dānto bādarāyaṇasaṃjñitaḥ |brahmasūtragrathitavān bhagavāñjñānabhāskaraḥ || 2 ||

सर्ववेदान्ततत्त्वज्ञः सर्वज्ञो वेदमूर्तिमान् ।वेदशाखाव्यसनकृत्कृतकृत्यो महामुनिः ॥ ३ ॥

sarvavedāntatattvajñaḥ sarvajño vedamūrtimān |vedaśākhāvyasanakṛtkṛtakṛtyo mahāmuniḥ || 3 ||

महाबुद्धिर्महासिद्धिर्महाशक्तिर्महाद्युतिः ।महाकर्मा महाधर्मा महाभारतकल्पकः ॥ ४ ॥

mahābuddhirmahāsiddhirmahāśaktirmahādyutiḥ |mahākarmā mahādharmā mahābhāratakalpakaḥ || 4 ||

महापुराणकृज्ज्ञानी ज्ञानविज्ञानभाजनम् ।चिरञ्जीवी चिदाकारश्चित्तदोषविनाशकः ॥ ५ ॥

mahāpurāṇakṛjjñānī jñānavijñānabhājanam |cirañjīvī cidākāraścittadoṣavināśakaḥ || 5 ||

वासिष्ठः शक्तिपौत्रश्च शुकदेवगुरुर्गुरुः ।आषाढपूर्णिमापूज्यः पूर्णचन्द्रनिभानः ॥ ६ ॥

vāsiṣṭhaḥ śaktipautraśca śukadevagururguruḥ |āṣāḍhapūrṇimāpūjyaḥ pūrṇacandranibhānaḥ || 6 ||

विश्वनाथस्तुतिकरो विश्ववन्द्यो जगद्गुरुः ।जितेन्द्रियो जितक्रोधो वैराग्यनिरतः शुचिः ॥ ७ ॥

viśvanāthastutikaro viśvavandyo jagadguruḥ |jitendriyo jitakrodho vairāgyanirataḥ śuciḥ || 7 ||

जैमिन्यादिसदाचार्यः सदाचारसदास्थितः ।स्थितप्रज्ञः स्थिरमतिः समाधिसंस्थिताशयः ॥ ८ ॥

jaiminyādisadācāryaḥ sadācārasadāsthitaḥ |sthitaprajñaḥ sthiramatiḥ samādhisaṃsthitāśayaḥ || 8 ||

प्रशान्तिदः प्रसन्नात्मा शङ्करार्यप्रसादकृत् ।नारायणात्मकः स्तव्यः सर्वलोकहिते रतः ॥ ९ ॥

praśāntidaḥ prasannātmā śaṅkarāryaprasādakṛt |nārāyaṇātmakaḥ stavyaḥ sarvalokahite rataḥ || 9 ||

अचतुर्वदनब्रह्मा द्विभुजापरकेशवः ।अभाललोचनशिवः परब्रह्मस्वरूपकः ॥ १० ॥

acaturvadanabrahmā dvibhujāparakeśavaḥ |abhālalocanaśivaḥ parabrahmasvarūpakaḥ || 10 ||

ब्रह्मण्यो ब्राह्मणो ब्रह्मी ब्रह्मविद्याविशारदः ।ब्रह्मात्मैकत्वविज्ञाता ब्रह्मभूतः सुखात्मकः ॥ ११ ॥

brahmaṇyo brāhmaṇo brahmī brahmavidyāviśāradaḥ |brahmātmaikatvavijñātā brahmabhūtaḥ sukhātmakaḥ || 11 ||

वेदाब्जभास्करो विद्वान् वेदवेदान्तपारगः ।अपान्तरतमोनामा वेदाचार्यो विचारवान् ॥ १२ ॥

vedābjabhāskaro vidvān vedavedāntapāragaḥ |apāntaratamonāmā vedācāryo vicāravān || 12 ||

अज्ञानसुप्तिबुद्धात्मा प्रसुप्तानां प्रबोधकः ।अप्रमत्तोऽप्रमेयात्मा मौनी ब्रह्मपदे रतः ॥ १३ ॥

ajñānasuptibuddhātmā prasuptānāṃ prabodhakaḥ |apramatto'prameyātmā maunī brahmapade rataḥ || 13 ||

पूतात्मा सर्वभूतात्मा भूतिमान्भूमिपावनः ।भूतभव्यभवज्ञाता भूमसंस्थितमानसः ॥ १४ ॥

pūtātmā sarvabhūtātmā bhūtimānbhūmipāvanaḥ |bhūtabhavyabhavajñātā bhūmasaṃsthitamānasaḥ || 14 ||

उत्फुल्लपुण्डरीकाक्षः पुण्डरीकाक्षविग्रहः ।नवग्रहस्तुतिकरः परिग्रहवर्जितः ॥ १५ ॥

utphullapuṇḍarīkākṣaḥ puṇḍarīkākṣavigrahaḥ |navagrahastutikaraḥ parigrahavarjitaḥ || 15 ||

एकान्तवाससुप्रीतः शमादिनिलयो मुनिः ।एकदन्तस्वरूपेण लिपिकारी बृहस्पतिः ॥ १६ ॥

ekāntavāsasuprītaḥ śamādinilayo muniḥ |ekadantasvarūpeṇa lipikārī bṛhaspatiḥ || 16 ||

भस्मरेखाविलिप्ताङ्गो रुद्राक्षावलिभूषितः ।ज्ञानमुद्रालसत्पाणिः स्मितवक्त्रो जटाधरः ॥ १७ ॥

bhasmarekhāviliptāṅgo rudrākṣāvalibhūṣitaḥ |jñānamudrālasatpāṇiḥ smitavaktro jaṭādharaḥ || 17 ||

गभीरात्मा सुधीरात्मा स्वात्मारामो रमापतिः ।महात्मा करुणासिन्धुरनिर्देश्यः स्वराजितः ॥ १८ ॥

gabhīrātmā sudhīrātmā svātmārāmo ramāpatiḥ |mahātmā karuṇāsindhuranirdeśyaḥ svarājitaḥ || 18 ||

इति श्रीयोगानन्दसरस्वतीविरचितंश्रीवेदव्यासाष्टोत्तरशतनामस्तोत्रं सम्पूर्णम् ॥

iti śrīyogānandasarasvatīviracitaṃśrīvedavyāsāṣṭottaraśatanāmastotraṃ sampūrṇam ||