श्यामदेवाष्टोत्तरशतनामस्तोत्रम् Shrishyamadevashtottarashatanamastotram

अनाद्यन्तो ह्यनन्तश्रीराकाशग इहागमः ।ईतित्राता चोग्रदण्ड ऊतिकृदृणशोधनः ॥ १॥

anādyanto hyanantaśrīrākāśaga ihāgamaḥ |ītitrātā cogradaṇḍa ūtikṛdṛṇaśodhanaḥ || 1||

एकराडैतिहासिक्यमृग्य ओषधिवीर्यदः ।औपनिषदोंऽशुमान् केशप्रियः कल्याणवृत्तिदः ॥ २॥

ekarāḍaitihāsikyamṛgya oṣadhivīryadaḥ |aupaniṣadoṃ'śumān keśapriyaḥ kalyāṇavṛttidaḥ || 2||

कलिकालेऽद्भुताचिन्त्यशक्तिशाली कृतिप्रियः ।खाटूग्रामकृतस्थानः खाटूयात्राजनप्रियः ॥ ३॥

kalikāle'dbhutācintyaśaktiśālī kṛtipriyaḥ |khāṭūgrāmakṛtasthānaḥ khāṭūyātrājanapriyaḥ || 3||

गुणाढ्यो गुणिसंरक्षी ग्रहभीतिविनाशकः ।घटनाप्रियश्चन्द्ररम्यः छत्रधारी जयप्रदः ॥ ४॥

guṇāḍhyo guṇisaṃrakṣī grahabhītivināśakaḥ |ghaṭanāpriyaścandraramyaḥ chatradhārī jayapradaḥ || 4||

झटित्याश्चर्यकारी च टुप्क्रोधी ठाकुरप्रभुः ।डाकिनीत्रासनिर्हारी ढुण्ढारिक्षेत्रमध्यगः ॥ ५॥

jhaṭityāścaryakārī ca ṭupkrodhī ṭhākuraprabhuḥ |ḍākinītrāsanirhārī ḍhuṇḍhārikṣetramadhyagaḥ || 5||

णकारैवदुर्लक्ष्यपदस्तेजस्तपोनिधिः ।तपनीयाभूषणाढ्यो थूत्कारापहतासुरः ॥ ६॥

ṇakāraivadurlakṣyapadastejastaponidhiḥ |tapanīyābhūṣaṇāḍhyo thūtkārāpahatāsuraḥ || 6||

दृढव्रतो दृढप्रेमी दाता दानविधिप्रियः ।धीरो धीरप्रियो धीमान् धीदाता धान्यवर्धनः ॥ ७॥

dṛḍhavrato dṛḍhapremī dātā dānavidhipriyaḥ |dhīro dhīrapriyo dhīmān dhīdātā dhānyavardhanaḥ || 7||

धात्रीप्रियो धैर्यदाता न्यायकारो नतिप्रियः ।पामराणामपि त्राता पापहारी पशुप्रदः ॥ ८॥

dhātrīpriyo dhairyadātā nyāyakāro natipriyaḥ |pāmarāṇāmapi trātā pāpahārī paśupradaḥ || 8||

फाल्गुनेऽफल्गुदाता च बहुबाहुर्भयापहः ।भक्तप्रियो भक्तसखो भक्तभावप्रपोषकः ॥ ९॥

phālgune'phalgudātā ca bahubāhurbhayāpahaḥ |bhaktapriyo bhaktasakho bhaktabhāvaprapoṣakaḥ || 9||

भक्तिदो भक्तवचसां श्रोता च भजनप्रियः ।मितभाषी मृषाद्वेषी यज्ञप्रेमी यमप्रियः ॥ १०॥

bhaktido bhaktavacasāṃ śrotā ca bhajanapriyaḥ |mitabhāṣī mṛṣādveṣī yajñapremī yamapriyaḥ || 10||

रम्यमन्दिरमध्यस्थो लीलया बहुरूपधृक् ।विशालभालतिलकः शरणागतवत्सलः ॥ ११॥

ramyamandiramadhyastho līlayā bahurūpadhṛk |viśālabhālatilakaḥ śaraṇāgatavatsalaḥ || 11||

षट्कर्मविद्यः सन्तानदाता तु हवनप्रियः ।श्रीश्यामदेवो ब्रह्मण्यो बालकेशार्पणप्रियः ॥ १२॥

ṣaṭkarmavidyaḥ santānadātā tu havanapriyaḥ |śrīśyāmadevo brahmaṇyo bālakeśārpaṇapriyaḥ || 12||

दाम्पत्यक्षेमकर्ता च शुभोष्णीषी सदर्थकृत् ।उशीरवासितजलप्रियः केतकिगन्धभूत् ॥ १३॥

dāmpatyakṣemakartā ca śubhoṣṇīṣī sadarthakṛt |uśīravāsitajalapriyaḥ ketakigandhabhūt || 13||

कौसुम्भवर्णवस्त्राढ्यः केसरालेपनप्रियः ।आयताक्षः सुदीप्ताक्षः सुनासा विततश्रवाः ॥ १४॥

kausumbhavarṇavastrāḍhyaḥ kesarālepanapriyaḥ |āyatākṣaḥ sudīptākṣaḥ sunāsā vitataśravāḥ || 14||

शृङ्गारहृद्यो लोकेशो वर्वराकारकेशवान् ।दर्शनीयतमः श्यामः सुललाटः सुविक्रमः ॥ १५॥

śṛṅgārahṛdyo lokeśo varvarākārakeśavān |darśanīyatamaḥ śyāmaḥ sulalāṭaḥ suvikramaḥ || 15||

किरीटी मणिरत्नाढ्यो मकराकृतिकुण्डली ।श्वेतध्वजः स्मितमुखो भक्तानामभयङ्करः ॥ १६॥

kirīṭī maṇiratnāḍhyo makarākṛtikuṇḍalī |śvetadhvajaḥ smitamukho bhaktānāmabhayaṅkaraḥ || 16||

भक्तानां पालनार्थाय नानावेषधरोऽनघः ।सत्यप्रियः प्राणदाता सत्यसख्यः सदावसुः ॥ १७॥

bhaktānāṃ pālanārthāya nānāveṣadharo'naghaḥ |satyapriyaḥ prāṇadātā satyasakhyaḥ sadāvasuḥ || 17||

द्वादशीतिथिसंसेव्यः साज्यचूर्णेलिमप्रियः ।श्रीमद्भागवतास्वादरसिको भूतिवर्धनः ॥ १८॥

dvādaśītithisaṃsevyaḥ sājyacūrṇelimapriyaḥ |śrīmadbhāgavatāsvādarasiko bhūtivardhanaḥ || 18||

॥ फलश्रुतिः ॥अष्टोत्तरशतं नाम्ना प्रभोः श्यामस्य सेव्यताम् ।क्षेमः शिवं रोगदोषनिवृत्तिरनुभूयताम् ॥ १९॥

|| phalaśrutiḥ ||aṣṭottaraśataṃ nāmnā prabhoḥ śyāmasya sevyatām |kṣemaḥ śivaṃ rogadoṣanivṛttiranubhūyatām || 19||

श्रीश्यामकृपया ह्येतन्नाम्नामष्टोत्तरं शतम् ।गोपालचन्द्रमिश्रस्तु लोके प्राचीकशच्छुभम् ॥ २०॥

śrīśyāmakṛpayā hyetannāmnāmaṣṭottaraṃ śatam |gopālacandramiśrastu loke prācīkaśacchubham || 20||

॥ इति श्रीश्यामदेवाष्टोत्तरशतनामस्तोत्रम् ॥

|| iti śrīśyāmadevāṣṭottaraśatanāmastotram ||