मीनाक्षी सुन्दरेश्वरस्तोत्रम् Shri Minakshi Sundareshvara Stotram

सुवर्णपद्मिनीतटान्तदिव्यहर्म्यवासिनेसुपर्णवाहनप्रियाय सूर्यकोटितेजसे ।अपर्णया विहारिणे फणाधरेन्द्रधारिणेसदा नमश्शिवाय ते सदाशिवाय शंभवे ॥ १ ॥

suvarṇapadminītaṭāntadivyaharmyavāsinesuparṇavāhanapriyāya sūryakoṭitejase |aparṇayā vihāriṇe phaṇādharendradhāriṇesadā namaśśivāya te sadāśivāya śaṃbhave || 1 ||

सुतुङ्गभङ्गजान्हुजासुधांशुखण्डमौलयेपतङ्गपङ्कजासुहृत्कृपीटयोनिचक्षुषे ।भुजङ्गराजकुण्डलाय पुण्यशालिबन्धवेसदा नमश्शिवाय ते सदाशिवाय शंभवे ॥ २ ॥

sutuṅgabhaṅgajānhujāsudhāṃśukhaṇḍamaulayepataṅgapaṅkajāsuhṛtkṛpīṭayonicakṣuṣe |bhujaṅgarājakuṇḍalāya puṇyaśālibandhavesadā namaśśivāya te sadāśivāya śaṃbhave || 2 ||

चतुर्मुखाननारविन्दवेदगीतमूर्तयेचतुर्भुजानुजाशरीरशोभमानमूर्तये ।चतुर्विधार्थदानशौण्डताण्डवस्वरूपिनेसदा नमश्शिवाय ते सदाशिवाय शंभवे ॥ ३ ॥

caturmukhānanāravindavedagītamūrtayecaturbhujānujāśarīraśobhamānamūrtaye |caturvidhārthadānaśauṇḍatāṇḍavasvarūpinesadā namaśśivāya te sadāśivāya śaṃbhave || 3 ||

शरन्निशाकरप्रकाशमन्दहासमञ्जुलाधरप्रवालभासमानवक्त्रमण्डलश्रिये ।करस्फुरत्कपालमुक्तविष्णुरक्तपायिनेसदा नमश्शिवाय ते सदाशिवाय शंभवे ॥ ४ ॥

śaranniśākaraprakāśamandahāsamañjulādharapravālabhāsamānavaktramaṇḍalaśriye |karasphuratkapālamuktaviṣṇuraktapāyinesadā namaśśivāya te sadāśivāya śaṃbhave || 4 ||

सहस्रपुण्डरीकपूजनैकशून्यदर्शनासहस्वनेत्रकल्पितार्चनाच्युताय भक्तितः ।सहस्रभानुमण्डलप्रकाशचक्रदायिनेसदा नमश्शिवाय ते सदाशिवाय शंभवे ॥ ५ ॥

sahasrapuṇḍarīkapūjanaikaśūnyadarśanāsahasvanetrakalpitārcanācyutāya bhaktitaḥ |sahasrabhānumaṇḍalaprakāśacakradāyinesadā namaśśivāya te sadāśivāya śaṃbhave || 5 ||

रसारथाय रम्यपत्रभृद्रथाङ्गपाणयेरसाधरेन्द्रचापशिञ्जिनीकृतानिलाशिने ।स्वसारथीकृताजनुन्नवेदरूपवाजिनेसदा नमश्शिवाय ते सदाशिवाय शंभवे ॥ ६ ॥

rasārathāya ramyapatrabhṛdrathāṅgapāṇayerasādharendracāpaśiñjinīkṛtānilāśine |svasārathīkṛtājanunnavedarūpavājinesadā namaśśivāya te sadāśivāya śaṃbhave || 6 ||

अतिप्रगल्भवीरभद्रसिंहनादगर्जितश्रुतिप्रभीतदक्षयागभोगिनाकसद्मनाम् ।गतिप्रदाय गर्जिताखिलप्रपञ्चसाक्षिणेसदा नमश्शिवाय ते सदा शिवाय शंभवे ॥ ७ ॥

atipragalbhavīrabhadrasiṃhanādagarjitaśrutiprabhītadakṣayāgabhoginākasadmanām |gatipradāya garjitākhilaprapañcasākṣiṇesadā namaśśivāya te sadā śivāya śaṃbhave || 7 ||

मृकण्डुसूनुरक्षणावधूतदण्डपाणयेसुगण्डमण्डलस्फुरत्प्रभाजितामृतांशवे ।अखण्डभोगसम्पदर्थिलोकभावितात्मनेसदा नमश्शिवाय ते सदा शिवाय शंभवे ॥ ८ ॥

mṛkaṇḍusūnurakṣaṇāvadhūtadaṇḍapāṇayesugaṇḍamaṇḍalasphuratprabhājitāmṛtāṃśave |akhaṇḍabhogasampadarthilokabhāvitātmanesadā namaśśivāya te sadā śivāya śaṃbhave || 8 ||

मधुरिपुविधिशक्रमुख्यदेवैरपि नियमार्चितपादपङ्कजाय ।कनकगिरिशरासनाय तुभ्यं रजतसभापतये नमः शिवाय ॥ ९ ॥

madhuripuvidhiśakramukhyadevairapi niyamārcitapādapaṅkajāya |kanakagiriśarāsanāya tubhyaṃ rajatasabhāpataye namaḥ śivāya || 9 ||

हालास्यनाथाय महेश्वराय हालाहलालङ्कृतकन्धराय ।मीनेक्षनायाः पतये शिवाय नमो नमः सुन्दरताण्डवाय ॥ १० ॥

hālāsyanāthāya maheśvarāya hālāhalālaṅkṛtakandharāya |mīnekṣanāyāḥ pataye śivāya namo namaḥ sundaratāṇḍavāya || 10 ||

त्वया कृतमिदं स्तोत्रं यः पठेद्भक्तिसंयुतः ।तस्याऽऽयुर्दीर्घमारोग्यं सम्पदश्च ददाम्यहम् ॥ ११ ॥

tvayā kṛtamidaṃ stotraṃ yaḥ paṭhedbhaktisaṃyutaḥ |tasyā''yurdīrghamārogyaṃ sampadaśca dadāmyaham || 11 ||