मीनाक्षीस्तुतिः Shri Minakshi Stuti

अद्राक्षं बहुभाग्यतो गुरुवरैः सम्पूज्यमानां मुदापुल्लन्मल्लिमुखप्रसूननिवहैर्हालास्यनाथप्रियाम् ।वीणावेणुमृदङ्गवाद्यमुदितामेणाङ्क बिम्बाननांकाणादादिसमस्तशास्त्रमतिताम् शोणाधरां श्यामलाम् ॥ १॥

adrākṣaṃ bahubhāgyato guruvaraiḥ sampūjyamānāṃ mudāpullanmallimukhaprasūnanivahairhālāsyanāthapriyām |vīṇāveṇumṛdaṅgavādyamuditāmeṇāṅka bimbānanāṃkāṇādādisamastaśāstramatitām śoṇādharāṃ śyāmalām || 1||

मातङ्गकुम्भविजयीस्तनभारभुग्नमध्यां मदारुणविलोचनवश्यकान्ताम् ।ताम्राधरस्फुरितहासविधूततारराजप्रवालसुषुमां भज मीननेत्राम् ॥ २॥

mātaṅgakumbhavijayīstanabhārabhugnamadhyāṃ madāruṇavilocanavaśyakāntām |tāmrādharasphuritahāsavidhūtatārarājapravālasuṣumāṃ bhaja mīnanetrām || 2||

आपादमस्तकदयारसपूरपूर्णांशापायुधोत्तमसमर्चितपादपद्माम् ।चापयितेक्षुममलीमसचित्ततायैनीपाटविविहर्णां भज मीननेत्रम् ॥ ३॥

āpādamastakadayārasapūrapūrṇāṃśāpāyudhottamasamarcitapādapadmām |cāpayitekṣumamalīmasacittatāyainīpāṭaviviharṇāṃ bhaja mīnanetram || 3||

कन्दर्प वैर्यपि यया सविलास हासनेत्रावलोकन वशीकृत मानसोऽभूत् ।तां सर्वदा सकल मोहन रूप वेषांमोहान्धकार हरणां भज मीननेत्राम् ॥ ४॥

kandarpa vairyapi yayā savilāsa hāsanetrāvalokana vaśīkṛta mānaso'bhūt |tāṃ sarvadā sakala mohana rūpa veṣāṃmohāndhakāra haraṇāṃ bhaja mīnanetrām || 4||

अद्यापि यत्पुरगतः सकलोऽपि जन्तुःक्षुत्तृड् व्यथा विरहितः प्रसुवेव बालः ।सम्पोश्यते करुणया भजकार्ति हन्त्रींभक्त्याऽन्वहं तां हृदय भज मीननेत्राम् ॥ ५॥

adyāpi yatpuragataḥ sakalo'pi jantuḥkṣuttṛḍ vyathā virahitaḥ prasuveva bālaḥ |sampośyate karuṇayā bhajakārti hantrīṃbhaktyā'nvahaṃ tāṃ hṛdaya bhaja mīnanetrām || 5||

हालास्यनाथ दयिते करुणा पयोधेबालं विलोल मनसं करुणैक पात्रम् ।वीक्षस्व मां लघु दयार्मिल दृष्टपादैर्मातर्न मेऽस्ति भुवने गतिरन्द्रा त्वम् ॥ ६॥

hālāsyanātha dayite karuṇā payodhebālaṃ vilola manasaṃ karuṇaika pātram |vīkṣasva māṃ laghu dayārmila dṛṣṭapādairmātarna me'sti bhuvane gatirandrā tvam || 6||

श्रुत्युक्त कर्म निवहाकरणाद्विशुद्धिःचित्तस्य नास्ति मम चञ्चलता निवृत्तैः ।कुर्यां किमम्ब मनसा सकलाघ शान्त्यैःमातस्तवदङ्घ्रि भजनं सततं दयस्व ॥ ७॥

śrutyukta karma nivahākaraṇādviśuddhiḥcittasya nāsti mama cañcalatā nivṛttaiḥ |kuryāṃ kimamba manasā sakalāgha śāntyaiḥmātastavadaṅghri bhajanaṃ satataṃ dayasva || 7||

त्वद्रूपदेशिकवरैः सततं विभाव्यंचिद्रूपमादि निधनन्तर हीनमम्ब ।भद्रावहं प्रणमतां सकलाघ हन्तृत्वद्रूपमेव मम हृत्कमले विभातु ॥ ८॥

tvadrūpadeśikavaraiḥ satataṃ vibhāvyaṃcidrūpamādi nidhanantara hīnamamba |bhadrāvahaṃ praṇamatāṃ sakalāgha hantṛtvadrūpameva mama hṛtkamale vibhātu || 8||

॥ इति श्री जगद्गुरु शृङ्गगिरि चन्द्रशेखरभारतिस्वामिगळ्विरचितं मीनाक्षीस्तुतिः सम्पूर्णम् ॥

|| iti śrī jagadguru śṛṅgagiri candraśekharabhāratisvāmigaḷviracitaṃ mīnākṣīstutiḥ sampūrṇam ||