मीनाक्षीषोडशोपचारस्तुतिः Shri Minakshi Shodashopachara Stuti

इक्षुकोदण्ड पुष्पेषु पाशाङ्कुशकरोज्ज्वलाम् ।उद्यत्सूर्यनिभां वन्दे महात्रिपुरसुन्दरीम् ॥ १॥

ikṣukodaṇḍa puṣpeṣu pāśāṅkuśakarojjvalām |udyatsūryanibhāṃ vande mahātripurasundarīm || 1||

श्रीमत्सुन्दरनाथस्य देवीं शफरलोचनाम् ।कलये हृदये नित्यं कदम्बवनवासिनीम् ॥ २॥

śrīmatsundaranāthasya devīṃ śapharalocanām |kalaye hṛdaye nityaṃ kadambavanavāsinīm || 2||

बालार्कारुणपद्मपीठनिलयां वामादिशक्त्यावृतांएलागन्धि सुकुन्तलां द्विनयनां हेमाम्बरालङ्कृताम् ।वामे लम्बित दोर्लतां सुचरणां दक्षेधृतेन्दीवरांश्यामाभां शरदिन्दुचारुवदनां वन्दे सुमीनेक्षणाम् ॥ ३॥

bālārkāruṇapadmapīṭhanilayāṃ vāmādiśaktyāvṛtāṃelāgandhi sukuntalāṃ dvinayanāṃ hemāmbarālaṅkṛtām |vāme lambita dorlatāṃ sucaraṇāṃ dakṣedhṛtendīvarāṃśyāmābhāṃ śaradinducāruvadanāṃ vande sumīnekṣaṇām || 3||

आगच्छ वरदे देवि सर्वसम्पत्प्रदायिनि ।पूजां गृहाण सुमुखि नमस्ते शङ्करप्रिये ॥ ४॥

āgaccha varade devi sarvasampatpradāyini |pūjāṃ gṛhāṇa sumukhi namaste śaṅkarapriye || 4||

श्रीमीनाक्षि महाभागे रक्षार्थं मम सर्वदा ।आवाहयाम्यहं देवि सर्वकामार्थसिद्धये ॥ ५॥

śrīmīnākṣi mahābhāge rakṣārthaṃ mama sarvadā |āvāhayāmyahaṃ devi sarvakāmārthasiddhaye || 5||

अनेकरत्नसंयुक्तं नानामणि गणान्वितम् ।कार्तस्वरमयं दिव्यमासनं प्रतिगृह्यताम् ॥ ६॥

anekaratnasaṃyuktaṃ nānāmaṇi gaṇānvitam |kārtasvaramayaṃ divyamāsanaṃ pratigṛhyatām || 6||

गङ्गादि सर्वतीर्थेभ्यो मया प्रार्थनयाऽऽहृतम् ।तोयमेतत्सुखस्पर्शं पाद्यार्थं प्रतिगृह्यताम् ॥ ७॥

gaṅgādi sarvatīrthebhyo mayā prārthanayā''hṛtam |toyametatsukhasparśaṃ pādyārthaṃ pratigṛhyatām || 7||

निधीनां सर्वरत्नानां त्वमनर्घ्यगुणा ह्यसि ।सिंहासन स्थिते देवि गृहाणार्घ्यं नमोऽस्तु ते ॥ ८॥

nidhīnāṃ sarvaratnānāṃ tvamanarghyaguṇā hyasi |siṃhāsana sthite devi gṛhāṇārghyaṃ namo'stu te || 8||

कर्पूरेण सुगन्धेन सुरभि स्वादु शीतलम् ।तोयमाचमनीयार्थं देवि त्वं प्रतिगृह्यताम् ॥ ९॥

karpūreṇa sugandhena surabhi svādu śītalam |toyamācamanīyārthaṃ devi tvaṃ pratigṛhyatām || 9||

मन्दाकिन्याः समानीतैः हेमाम्भोरुह वासितैः ।स्रानं कुरुष्व देवेशि सलिलैश्च सुगन्धिभिः ॥ १०॥

mandākinyāḥ samānītaiḥ hemāmbhoruha vāsitaiḥ |srānaṃ kuruṣva deveśi salilaiśca sugandhibhiḥ || 10||

पट्टकूलयुतं देवि कञ्चुकेन समन्वितम् ।परिदेहि कृपां कृत्वा सर्वसम्पत्प्रदायिनि ॥ ११॥

paṭṭakūlayutaṃ devi kañcukena samanvitam |paridehi kṛpāṃ kṛtvā sarvasampatpradāyini || 11||

स्वर्णसूत्रमयं दिव्यं ब्रह्मणा निर्मितं पुरा ।उपवीतं मया दत्तं गृहाण परमेश्वरि ॥ १२॥

svarṇasūtramayaṃ divyaṃ brahmaṇā nirmitaṃ purā |upavītaṃ mayā dattaṃ gṛhāṇa parameśvari || 12||

श्रीकण्ठचन्दनं दिव्यं गन्धाढ्यं सुमनोहरम् ।विलेपनं च देवेशि चन्दनं प्रतिगृह्यताम् ॥ १३॥

śrīkaṇṭhacandanaṃ divyaṃ gandhāḍhyaṃ sumanoharam |vilepanaṃ ca deveśi candanaṃ pratigṛhyatām || 13||

हरिद्रां कुङ्कुमं चैव सिन्दूरं कज्जलं तथा ।सौभाग्यद्रव्यसंयुक्तं गृहाण परमेश्वरि ॥ १४॥

haridrāṃ kuṅkumaṃ caiva sindūraṃ kajjalaṃ tathā |saubhāgyadravyasaṃyuktaṃ gṛhāṇa parameśvari || 14||

अक्षतान्निर्मलान्शुद्धान् मुक्तामणि समन्वितान् ।गृहाणेमान् महादेवि देहि मे निर्मलां धियम् ॥ १५॥

akṣatānnirmalānśuddhān muktāmaṇi samanvitān |gṛhāṇemān mahādevi dehi me nirmalāṃ dhiyam || 15||

माङ्गल्य मणि संयुक्तं मुक्ताफलसमन्वितम् ।दत्तं मङ्गल सूत्रं ते गृहाण शिववल्लभे ॥ १६॥

māṅgalya maṇi saṃyuktaṃ muktāphalasamanvitam |dattaṃ maṅgala sūtraṃ te gṛhāṇa śivavallabhe || 16||

रत्नताटङ्ककेयूर हार कङ्कणमण्डिते ।भूषणं गृह्यतां देवि नमस्ते पाण्ड्यनन्दिनि ॥ १७॥

ratnatāṭaṅkakeyūra hāra kaṅkaṇamaṇḍite |bhūṣaṇaṃ gṛhyatāṃ devi namaste pāṇḍyanandini || 17||

जाजी पुत्रागमन्दार केतकीचम्पकानि च ।पुष्पाणि तव पूजार्थमर्पयामि सदा शिवे ॥ १८॥

jājī putrāgamandāra ketakīcampakāni ca |puṣpāṇi tava pūjārthamarpayāmi sadā śive || 18||

इति श्रीमीनाक्षीषोडशोपचारस्तुतिः समाप्ता ।

iti śrīmīnākṣīṣoḍaśopacārastutiḥ samāptā |