कृष्णवरदाष्टकम् Shri Krishnavarada Ashtakam

परमानन्दसर्वस्वं पाशुपाल्यपरिष्कृतंचिरमास्वादयन्ती मे जृम्यतां चेतसिस्थितिः । (चेतस)दूरदूरमुपारुह्य पततामपि चान्तरासकृदाक्रन्दनेनैव वरदः करदो भवेत् ॥ १॥

paramānandasarvasvaṃ pāśupālyapariṣkṛtaṃciramāsvādayantī me jṛmyatāṃ cetasisthitiḥ | (cetasa)dūradūramupāruhya patatāmapi cāntarāsakṛdākrandanenaiva varadaḥ karado bhavet || 1||

मम चेतसि माद्यतो मुरारेःमधुरस्मेरमुपाध्वमाननेन्दुम् ।कमनीयतनोः कटाक्षलक्ष्मींकन्ययापि (कलयापि) प्रणतेनु(षु) कामधेनोः ॥ २॥

mama cetasi mādyato murāreḥmadhurasmeramupādhvamānanendum |kamanīyatanoḥ kaṭākṣalakṣmīṃkanyayāpi (kalayāpi) praṇatenu(ṣu) kāmadhenoḥ || 2||

वरदस्य वयं कटाक्षलक्ष्मींवरयामः परमेण चापलेन ।सकृदप्युपगम्य सम्मुखंसहसा वर्षति योषितोऽपि कामम् ॥ ३॥

varadasya vayaṃ kaṭākṣalakṣmīṃvarayāmaḥ parameṇa cāpalena |sakṛdapyupagamya sammukhaṃsahasā varṣati yoṣito'pi kāmam || 3||

जृम्भतां वो हृदये ? ? जगत्त्त्रयीसुन्दराः कटाक्षभराः ।अम्भोदान् गगनचरानाह्वयमानस्य बालस्य ॥ ४॥

jṛmbhatāṃ vo hṛdaye ? ? jagatttrayīsundarāḥ kaṭākṣabharāḥ |ambhodān gaganacarānāhvayamānasya bālasya || 4||

जृम्भन्तां वः करिगिरिजुषः कटाक्षच्छटा विभोर्मनसि ।अम्भोधरमधःकृत्वा हषान् (हर्षात्स्वै) स्वरं शयानस्य ॥ ५॥

jṛmbhantāṃ vaḥ karigirijuṣaḥ kaṭākṣacchaṭā vibhormanasi |ambhodharamadhaḥkṛtvā haṣān (harṣātsvai) svaraṃ śayānasya || 5||

ब्रजजनवनितामदान्धकेलिकलहकटाक्षावलक्षविभ्रमो वः ।विहरतु हृदये विलाससिन्धुर्मुहुरबिलङ्गितमुग्धशैशवश्रीः ॥ ६॥

brajajanavanitāmadāndhakelikalahakaṭākṣāvalakṣavibhramo vaḥ |viharatu hṛdaye vilāsasindhurmuhurabilaṅgitamugdhaśaiśavaśrīḥ || 6||

वरवितरणकेलिधन्यधन्यामधुरतराः करुणाकटाक्षलक्ष्म्याः ।करिगिरिसुकृताङ्कुरस्य कस्याभिनववारिवहस्य विभ्रतां वः ॥ ७॥

varavitaraṇakelidhanyadhanyāmadhuratarāḥ karuṇākaṭākṣalakṣmyāḥ |karigirisukṛtāṅkurasya kasyābhinavavārivahasya vibhratāṃ vaḥ || 7||

इत्यष्टकं पुष्टरसानुबन्धंविनोदगोष्ठीसमये वियुङ्क्ताम् ।व्रजाङ्गनानां कुचयोः करीन्द्रशैलस्य मौलौ च मुहुर्विहर्ता ॥ ८॥

ityaṣṭakaṃ puṣṭarasānubandhaṃvinodagoṣṭhīsamaye viyuṅktām |vrajāṅganānāṃ kucayoḥ karīndraśailasya maulau ca muhurvihartā || 8||

श्रीकृष्णलीलाशुकवाङ्मयीभिरेवंविधाभिर्विबुधाहताभिः ।पुष्णन्तु धन्याः पुनरुक्तहर्षमायूंषि पीयूषतरङ्गिणीभिः ॥ ९॥

śrīkṛṣṇalīlāśukavāṅmayībhirevaṃvidhābhirvibudhāhatābhiḥ |puṣṇantu dhanyāḥ punaruktaharṣamāyūṃṣi pīyūṣataraṅgiṇībhiḥ || 9||

इति कृष्णलीलाशुकमहाकविमुनिविरचितं श्रीकृष्णवरदाष्टकं सम्पूर्णम् ।

iti kṛṣṇalīlāśukamahākavimuniviracitaṃ śrīkṛṣṇavaradāṣṭakaṃ sampūrṇam |