कृष्णशरणाष्टकम् ३ Shri Krishnasharana Ashtakam

स्वामिनी चिन्तया चित्तखेदखिन्नमुखाम्बुजः ।निमीलन्नेत्रयुगलः श्रीकृष्णः शरणं मम ॥ १॥

svāminī cintayā cittakhedakhinnamukhāmbujaḥ |nimīlannetrayugalaḥ śrīkṛṣṇaḥ śaraṇaṃ mama || 1||

मनोजभावभरितो भावयन्मनसा रतिम् ।मीलनव्याकुलमनाः श्रीकृष्णः शरणं मम ॥ २॥

manojabhāvabharito bhāvayanmanasā ratim |mīlanavyākulamanāḥ śrīkṛṣṇaḥ śaraṇaṃ mama || 2||

निश्वासशुष्यद्वदनो मधुराधरपल्लवः ।मुरली नादनिरतः श्रीकृष्णः शरणं मम ॥ ३॥

niśvāsaśuṣyadvadano madhurādharapallavaḥ |muralī nādanirataḥ śrīkṛṣṇaḥ śaraṇaṃ mama || 3||

निकुञ्जमन्दिरान्तस्थ सुमपल्लवतल्पकृत् ।प्रतीक्षमाण स्वप्राप्तिं श्रीकृष्णः शरणं मम ॥ ४॥

nikuñjamandirāntastha sumapallavatalpakṛt |pratīkṣamāṇa svaprāptiṃ śrīkṛṣṇaḥ śaraṇaṃ mama || 4||

वियोग भाव विहसद्वदनाम्बुज सुन्दरः ।आकर्णयन्नलिरुतं श्रीकृष्णः शरणं मम ॥ ५॥

viyoga bhāva vihasadvadanāmbuja sundaraḥ |ākarṇayannalirutaṃ śrīkṛṣṇaḥ śaraṇaṃ mama || 5||

मुञ्चन्न शूणि विलुठन् गायन्मत्त इव क्वचित् ।नृत्यन् रसासक्तमनाः श्रीकृष्णः शरणं मम ॥ ६॥

muñcanna śūṇi viluṭhan gāyanmatta iva kvacit |nṛtyan rasāsaktamanāḥ śrīkṛṣṇaḥ śaraṇaṃ mama || 6||

शयान एकतस्तल्पे स्वप्नसम्बन्ध सिद्धये ।प्रबोध पश्चात्तप्तोयः श्रीकृष्णः शरणं मम ॥ ७॥

śayāna ekatastalpe svapnasambandha siddhaye |prabodha paścāttaptoyaḥ śrīkṛṣṇaḥ śaraṇaṃ mama || 7||

रसात्म रसरीतिज्ञो रसलीलापरायणः ।रसात्मगोपी रसिकः श्रीकृष्णः शरणं मम ॥ ८॥

rasātma rasarītijño rasalīlāparāyaṇaḥ |rasātmagopī rasikaḥ śrīkṛṣṇaḥ śaraṇaṃ mama || 8||

इति श्रीकृष्णशरणाष्टकं सम्पूर्णम् ।

iti śrīkṛṣṇaśaraṇāṣṭakaṃ sampūrṇam |