श्रीकृष्णदण्डकम् Shri Krishnastavatmaka Dandakam

वृन्दावने शिशिरमन्दानिलाचलितकुन्दादिसूनसुविकासेवन्दिबहुमुनिपरिषदिन्द्रमुखविबुधवरवृन्दपशुपशुपमिळिताशे ।मणिपल्लवस्तबकसुरशाखिमूलगतकनकारविन्दपुटदेशेपरिलसितमसितनवजलदकुलतुलितरुचिमुरमथनवपुरिदमुपासे ॥ १॥

vṛndāvane śiśiramandānilācalitakundādisūnasuvikāsevandibahumunipariṣadindramukhavibudhavaravṛndapaśupaśupamiḷitāśe |maṇipallavastabakasuraśākhimūlagatakanakāravindapuṭadeśeparilasitamasitanavajaladakulatulitarucimuramathanavapuridamupāse || 1||

व्यालोलपिञ्छवलयालम्बिसंयमितलोलम्बनीलकचपाशंबालशशिरुचिरतरफालतलधृततिलकमालसिततिलकुसुमनासम् ।मृदुगण्डसञ्चलित मणिकुण्डलं चटुलकरुणावलोकनविलासंमधुरलसदधरपुटपरिनिहितकळमुरळिदशनरुचिविशदमृदुहासम् ॥ २॥

vyālolapiñchavalayālambisaṃyamitalolambanīlakacapāśaṃbālaśaśirucirataraphālataladhṛtatilakamālasitatilakusumanāsam |mṛdugaṇḍasañcalita maṇikuṇḍalaṃ caṭulakaruṇāvalokanavilāsaṃmadhuralasadadharapuṭaparinihitakaḷamuraḷidaśanaruciviśadamṛduhāsam || 2||

ताराळिताररुचिहारावलीवलयितोरोविलोलवनमालंताररवमणिवलयहारिपृथुभुजयुगळदूरलसद मलनजखालम् ।तरळाङ्गुलीगळितमुरळीनिनादरसशिशिरीकृताशमनुवेलंतनुविलसदुदरतलमनुपमितजघनभरपरिघटिततटिदुपमचेलम् ॥ ३॥

tārāḷitārarucihārāvalīvalayitorovilolavanamālaṃtāraravamaṇivalayahāripṛthubhujayugaḷadūralasada malanajakhālam |taraḷāṅgulīgaḷitamuraḷīninādarasaśiśirīkṛtāśamanuvelaṃtanuvilasadudaratalamanupamitajaghanabharaparighaṭitataṭidupamacelam || 3||

शिञ्ञानहेममणिकाञ्चीकलापगुणसञ्जातभङ्गि परिपिङ्गंचारुपृथुमसृणलसदूरुयुगमुपलसितजानुयुगमतिसुभगजङ्घम् ।मणिनूपुराकलितचरणाम्बुजोल्लसितनखपङ्क्तिकान्तिजितशङ्खंव्यतिनिहितपदयुगळमरुणतरचरणतलमुरुमहिमनिलयमकळङ्कम् ॥ ४॥

śiññānahemamaṇikāñcīkalāpaguṇasañjātabhaṅgi paripiṅgaṃcārupṛthumasṛṇalasadūruyugamupalasitajānuyugamatisubhagajaṅgham |maṇinūpurākalitacaraṇāmbujollasitanakhapaṅktikāntijitaśaṅkhaṃvyatinihitapadayugaḷamaruṇataracaraṇatalamurumahimanilayamakaḷaṅkam || 4||

इति श्रीकृष्णस्तवात्मकं दण्डकं सम्पूर्णम् ।

iti śrīkṛṣṇastavātmakaṃ daṇḍakaṃ sampūrṇam |