कृष्णनारायणनामसहस्रस्तोत्रम् Shri Krishnanarayananamasahasra Stotram

(श्रीपुरुषोत्तमसामाख्यमनादिश्रीकृष्णनारायणनामसहस्रस्तोत्रम्)अस्य श्रीमत्कृष्णनारायणनामस्तवस्य तु ।ऋषिः सर्वेश्वरो लक्ष्मि त्वहं श्रीपुरुषोत्तमः ॥ १५॥

(śrīpuruṣottamasāmākhyamanādiśrīkṛṣṇanārāyaṇanāmasahasrastotram)asya śrīmatkṛṣṇanārāyaṇanāmastavasya tu |ṛṣiḥ sarveśvaro lakṣmi tvahaṃ śrīpuruṣottamaḥ || 15||

छन्दोऽनुष्टुप् परो देवोऽनादिकृष्णनरायणः ।आक्षराख्यो महामुक्तो मुक्तानीशो हि बीजकम् ॥ १६॥

chando'nuṣṭup paro devo'nādikṛṣṇanarāyaṇaḥ |ākṣarākhyo mahāmukto muktānīśo hi bījakam || 16||

श्रीभूलीलारमाराधालक्ष्मीमाणिक्य एव च ।शक्तयो हृदयं श्रीमत्पुरुषोत्तम साम च ॥ १७॥

śrībhūlīlāramārādhālakṣmīmāṇikya eva ca |śaktayo hṛdayaṃ śrīmatpuruṣottama sāma ca || 17||

गोपालकम्भराबालः कीलकं चाऽस्त्रमाच्युतम् ।पद्मावतीरमापद्मास्वामिने च वषट् नमः ॥ १८॥

gopālakambharābālaḥ kīlakaṃ cā'stramācyutam |padmāvatīramāpadmāsvāmine ca vaṣaṭ namaḥ || 18||

शूलमीनध्वजधनुर्बाणध्रोऽस्त्राय फट् स्वाहा ।सर्वबाधानिवृत्त्यर्थं जपेऽस्य विनियोजनम् ॥ १९॥

śūlamīnadhvajadhanurbāṇadhro'strāya phaṭ svāhā |sarvabādhānivṛttyarthaṃ jape'sya viniyojanam || 19||

ब्रह्मलोके विराजन्तं जुष्टं ब्रह्मिष्ठमण्डलैः ।ब्रह्मप्रियास्वामिनं तं ध्याये सर्वान्तरस्थितम् ॥ २०॥

brahmaloke virājantaṃ juṣṭaṃ brahmiṣṭhamaṇḍalaiḥ |brahmapriyāsvāminaṃ taṃ dhyāye sarvāntarasthitam || 20||

दिव्ये लोमशक्षेत्रे वै विहरन्तं मनोहरम् ।मन्दहासं पूर्णकामं कान्तं कृष्णं विचिन्तये ॥ २१॥

divye lomaśakṣetre vai viharantaṃ manoharam |mandahāsaṃ pūrṇakāmaṃ kāntaṃ kṛṣṇaṃ vicintaye || 21||

पुष्टं प्रियं कामदं च दुःखहं सुखदं प्रभुम् ।चत्वारिंशदूर्ध्वशतकान्तं स्मरामि मोक्षदम् ॥ २२॥

puṣṭaṃ priyaṃ kāmadaṃ ca duḥkhahaṃ sukhadaṃ prabhum |catvāriṃśadūrdhvaśatakāntaṃ smarāmi mokṣadam || 22||

भुक्तिदं मुक्तिदं चेष्टप्रदं सर्वप्रदं हरिम् ।अनादिश्रीकृष्णनारायणं पतिं भजामि च ॥ २३॥

bhuktidaṃ muktidaṃ ceṣṭapradaṃ sarvapradaṃ harim |anādiśrīkṛṣṇanārāyaṇaṃ patiṃ bhajāmi ca || 23||

किरीटकुण्डलभूषाभूषितं रूपसुन्दरम् ।आकर्षकं श्वेतवर्णं बालकृष्णं नमाम्यहम् ॥ २४॥

kirīṭakuṇḍalabhūṣābhūṣitaṃ rūpasundaram |ākarṣakaṃ śvetavarṇaṃ bālakṛṣṇaṃ namāmyaham || 24||

कोट्यर्बुदाब्जशक्तीनां पतिं चात्मपतिं विभुम् ।पीताम्बरं सतां श्रेष्ठं सेवे चात्मनिवेदनैः ॥ २५॥

koṭyarbudābjaśaktīnāṃ patiṃ cātmapatiṃ vibhum |pītāmbaraṃ satāṃ śreṣṭhaṃ seve cātmanivedanaiḥ || 25||

नमोऽनन्तस्वरूपाय सर्वपादाक्षिवर्तिने ।सहस्रनामबोध्याय काममायेश्वरात्मने ॥ २६॥

namo'nantasvarūpāya sarvapādākṣivartine |sahasranāmabodhyāya kāmamāyeśvarātmane || 26||

ॐ प्रमात्मा परमात्मा परब्रह्म परेश्वर ।पुरुषोत्तम ईशेशश्चाक्षराधिपतिः प्रभुः ॥ २७॥

oṃ pramātmā paramātmā parabrahma pareśvara |puruṣottama īśeśaścākṣarādhipatiḥ prabhuḥ || 27||

मुक्तेश्वरोऽवतारेशो मुक्तानीशो महाप्रभुः ।अनादिश्रीकृष्णनारायणः श्रीकृष्णनन्दनः ॥ २८॥

mukteśvaro'vatāreśo muktānīśo mahāprabhuḥ |anādiśrīkṛṣṇanārāyaṇaḥ śrīkṛṣṇanandanaḥ || 28||

बाह्यमूर्तिश्चात्मवृत्तिः सर्वज्ञः श्रीहरिर्विभुः ।अक्षरो ब्रह्म भगवान् वासुदेवो नरायणः ॥ २९॥

bāhyamūrtiścātmavṛttiḥ sarvajñaḥ śrīharirvibhuḥ |akṣaro brahma bhagavān vāsudevo narāyaṇaḥ || 29||

नारायणः स्वयञ्ज्योतिर्बालकृष्णश्चिदम्बरः ।धामेशः शाश्वतानन्दोऽवतारी परमेश्वरः ॥ ३०॥

nārāyaṇaḥ svayañjyotirbālakṛṣṇaścidambaraḥ |dhāmeśaḥ śāśvatānando'vatārī parameśvaraḥ || 30||

गोमान् दिव्यगुणागारः श्यामसुन्दर आन्तरः ।सन् सनातन आनन्दश्चिच्चिदात्मा जडान्वितः ॥ ३१॥

gomān divyaguṇāgāraḥ śyāmasundara āntaraḥ |san sanātana ānandaściccidātmā jaḍānvitaḥ || 31||

ऋद्धिमान् भूतिमान् राजा सङ्कर्षणो नियामकः ।गोपालो गाङ्गतो गोभृद्गोपीनाथो गवेश्वरः ॥ ३२॥

ṛddhimān bhūtimān rājā saṅkarṣaṇo niyāmakaḥ |gopālo gāṅgato gobhṛdgopīnātho gaveśvaraḥ || 32||

पार्षदः परिषत्पूज्यः पर्षत् पारिषदेश्वरः ।दिव्यः शान्तः शान्तिदश्च सत्त्वः सत्त्वप्रकर्षवान् ॥ ३३॥

pārṣadaḥ pariṣatpūjyaḥ parṣat pāriṣadeśvaraḥ |divyaḥ śāntaḥ śāntidaśca sattvaḥ sattvaprakarṣavān || 33||

स्तवः श्लोकः स्मृतिः शब्दः कविर्वेदो विधिः प्रधीः ।आसनं चाधिकरणं धृतिर्धैर्यं क्षमा यमः ॥ ३४॥

stavaḥ ślokaḥ smṛtiḥ śabdaḥ kavirvedo vidhiḥ pradhīḥ |āsanaṃ cādhikaraṇaṃ dhṛtirdhairyaṃ kṣamā yamaḥ || 34||

प्रद्युम्नो द्योतमानश्च द्यौः कान्तः कमलापतिः ।अनिरुद्धोऽच्युतो भूमा महाकालो महेश्वरः ॥ ३५॥

pradyumno dyotamānaśca dyauḥ kāntaḥ kamalāpatiḥ |aniruddho'cyuto bhūmā mahākālo maheśvaraḥ || 35||

महाविष्णुर्मध्यविष्णुर्विष्णुर्व्यापक ऊर्ध्वदृक् ।वैराजः कारणं कर्ता कृतिः कार्यं नृपो जपः ॥ ३६॥

mahāviṣṇurmadhyaviṣṇurviṣṇurvyāpaka ūrdhvadṛk |vairājaḥ kāraṇaṃ kartā kṛtiḥ kāryaṃ nṛpo japaḥ || 36||

कपिः खपश्चेन्द्रियार्थ ऋषीकेशः समाधिमान् ।योगी योगश्चक्रवर्ती चक्री शङ्खी गदी ध्वजी ॥ ३७॥

kapiḥ khapaścendriyārtha ṛṣīkeśaḥ samādhimān |yogī yogaścakravartī cakrī śaṅkhī gadī dhvajī || 37||

रथी क्षत्री च नक्षत्री वृत्तिश्चावृत्तिरुज्जयी ।अव्याकृतश्च सूत्रात्मा तुर्यपदं सुखास्पदम् ॥ ३८॥

rathī kṣatrī ca nakṣatrī vṛttiścāvṛttirujjayī |avyākṛtaśca sūtrātmā turyapadaṃ sukhāspadam || 38||

सदाशिवश्च देवश्च शिवः संहारधर्मवान् ।धाता पोष्टा विधाता च पिता माता सुहृत्सखा ॥ ३९॥

sadāśivaśca devaśca śivaḥ saṃhāradharmavān |dhātā poṣṭā vidhātā ca pitā mātā suhṛtsakhā || 39||

प्राणनाथः सहायश्च स्वामी धानी धनी मखी ।कोशो विश्वं महाभूतो भावः सम्भावनाधिपः ॥ ४०॥

prāṇanāthaḥ sahāyaśca svāmī dhānī dhanī makhī |kośo viśvaṃ mahābhūto bhāvaḥ sambhāvanādhipaḥ || 40||

गतिः कान्तिः पावनश्च चिदाभासः फलं फली ।अन्तर्यामी पुरुषश्च क्षेत्रज्ञः क्षेत्रमार्त्तिहा ॥ ४१॥

gatiḥ kāntiḥ pāvanaśca cidābhāsaḥ phalaṃ phalī |antaryāmī puruṣaśca kṣetrajñaḥ kṣetramārttihā || 41||

साक्षी प्रधानपुरुषः प्रकृतीशो गुणाधिपः ।गोलोकेशोऽमृतधामा वैकुण्ठेशो रमापतिः ॥ ४२॥

sākṣī pradhānapuruṣaḥ prakṛtīśo guṇādhipaḥ |golokeśo'mṛtadhāmā vaikuṇṭheśo ramāpatiḥ || 42||

राधापतिः श्रीनिवासो दामोदरो विभावसुः ।प्रभाजापो वामनश्च त्रिक्रमो भूरिविक्रमः ॥ ४३॥

rādhāpatiḥ śrīnivāso dāmodaro vibhāvasuḥ |prabhājāpo vāmanaśca trikramo bhūrivikramaḥ || 43||

केशवः कपिलः काशी नृसिंहो मापतिर्निधिः ।श्रीशः स्थाणुः सतीशश्च शशी विद्युद्ध्रुवो रविः ॥ ४४॥

keśavaḥ kapilaḥ kāśī nṛsiṃho māpatirnidhiḥ |śrīśaḥ sthāṇuḥ satīśaśca śaśī vidyuddhruvo raviḥ || 44||

ब्रह्माऽर्यमा विष्णुरातो हरो वैष्णवसात्त्वतः ।साधुर्यतिर्ब्रह्मचारी भर्ता धर्ताऽमरोऽमृतम् ॥ ४५॥

brahmā'ryamā viṣṇurāto haro vaiṣṇavasāttvataḥ |sādhuryatirbrahmacārī bhartā dhartā'maro'mṛtam || 45||

विभवः सम्भवो भूश्च पुष्कलो भूयसीप्रदः ।स्वरो रागो मूर्छना च वादश्चालाप उत्सवः ॥ ४६॥

vibhavaḥ sambhavo bhūśca puṣkalo bhūyasīpradaḥ |svaro rāgo mūrchanā ca vādaścālāpa utsavaḥ || 46||

सवः सत्रं मखो यज्वा यज्ञो वह्निः प्रहव्यभुक् ।दत्तात्रेयो महामत्स्यः पद्मनाभोऽब्जनेत्रकः ॥ ४७॥

savaḥ satraṃ makho yajvā yajño vahniḥ prahavyabhuk |dattātreyo mahāmatsyaḥ padmanābho'bjanetrakaḥ || 47||

कञ्जहस्ततलः शार्ङ्गी विश्वकर्मा सुराधिपः ।श्वेतक्रोडो वृषभश्च वृषजन्मा वृषाकपिः ॥ ४८॥

kañjahastatalaḥ śārṅgī viśvakarmā surādhipaḥ |śvetakroḍo vṛṣabhaśca vṛṣajanmā vṛṣākapiḥ || 48||

सूतो वक्ता गुरुः शास्त्रं महाचार्यो मनुर्मधुः ।ईश्वरोऽध्यापकः शास्ता न्यायो नेता च नीतिमान् ॥ ४९॥

sūto vaktā guruḥ śāstraṃ mahācāryo manurmadhuḥ |īśvaro'dhyāpakaḥ śāstā nyāyo netā ca nītimān || 49||

तर्कश्च निर्णयो ज्येष्ठ ईशानश्च पुरातनः ।सनातनश्च सन्न्यासी मुनिर्व्रती च तापसः ॥ ५०॥

tarkaśca nirṇayo jyeṣṭha īśānaśca purātanaḥ |sanātanaśca sannyāsī munirvratī ca tāpasaḥ || 50||

हिरण्यगर्भो हरिणीकान्तः कमलपत्तलः ।विद्वान् विद्याधरो वाग्मी वाणीशो वर्णिशीलभृत् ॥ ५१॥

hiraṇyagarbho hariṇīkāntaḥ kamalapattalaḥ |vidvān vidyādharo vāgmī vāṇīśo varṇiśīlabhṛt || 51||

गृही गृहपतिर्गोप्ता वप्ता श्रीवत्सलाञ्च्छनः ।व्यासोऽनादिप्रकर्षश्च द्रष्टा श्रीकृष्णचन्द्रकः ॥ ५२॥

gṛhī gṛhapatirgoptā vaptā śrīvatsalāñcchanaḥ |vyāso'nādiprakarṣaśca draṣṭā śrīkṛṣṇacandrakaḥ || 52||

काम्भरेयश्च मेधावी प्रजापतिर्दिवस्पतिः ।दिक्पतिः श्रीपतिर्लक्ष्मीपतिर्ब्रह्मपतिर्नतिः ॥ ५३॥

kāmbhareyaśca medhāvī prajāpatirdivaspatiḥ |dikpatiḥ śrīpatirlakṣmīpatirbrahmapatirnatiḥ || 53||

कृतज्ञः शरणं विप्रो विवाहो वररूपवान् ।वरहारश्च संवर्तो मण्डपोऽनङ्ग उत्तमः ॥ ५४॥

kṛtajñaḥ śaraṇaṃ vipro vivāho vararūpavān |varahāraśca saṃvarto maṇḍapo'naṅga uttamaḥ || 54||

सर्वगर्भो नरो वीर्यी प्रजात्मा वत्सरः सरः ।दिवा द्युमणिरिष्टेष्टः सन्धिर्दण्डः सुखं शमः ॥ ५५॥

sarvagarbho naro vīryī prajātmā vatsaraḥ saraḥ |divā dyumaṇiriṣṭeṣṭaḥ sandhirdaṇḍaḥ sukhaṃ śamaḥ || 55||

दानं दाता स्वत्वरूपस्त्यागः स्नेहः सुमङ्गलम् ।शकुनं शकुनी पत्त्री हंसः शुकः कणः कृषिः ॥ ५६॥

dānaṃ dātā svatvarūpastyāgaḥ snehaḥ sumaṅgalam |śakunaṃ śakunī pattrī haṃsaḥ śukaḥ kaṇaḥ kṛṣiḥ || 56||

स्फुरणं च प्रमा कूर्मो रामो रैवत आत्मवित् ।पृथुः पर्शुधरः खड्गी धन्वी रणी रथीषुधिः ॥ ५७॥

sphuraṇaṃ ca pramā kūrmo rāmo raivata ātmavit |pṛthuḥ parśudharaḥ khaḍgī dhanvī raṇī rathīṣudhiḥ || 57||

लक्ष्यं क्रमः प्रत्ययश्च सिद्धोऽजः शाश्वतः शुभः ।स्वप्रकाशो वसुः सत्यः समदर्शी समायनः ॥ ५८॥

lakṣyaṃ kramaḥ pratyayaśca siddho'jaḥ śāśvataḥ śubhaḥ |svaprakāśo vasuḥ satyaḥ samadarśī samāyanaḥ || 58||

भोगी शुक्लोऽर्जुनो दक्षः प्रत्ययः प्रत्यगात्मवान् ।आमोघः सर्वयोनिश्च परमहंस आर्थिकः ॥ ५९॥

bhogī śuklo'rjuno dakṣaḥ pratyayaḥ pratyagātmavān |āmoghaḥ sarvayoniśca paramahaṃsa ārthikaḥ || 59||

निर्वाणपादः सुषिरः शिराव्याप्तः पृथुश्रवाः ।सौम्यो रौद्रो निग्रहात्मा स्वारोहः सर्वगः प्रभुः ॥ ६०॥

nirvāṇapādaḥ suṣiraḥ śirāvyāptaḥ pṛthuśravāḥ |saumyo raudro nigrahātmā svārohaḥ sarvagaḥ prabhuḥ || 60||

वित्तिर्वेद्यस्वरूपश्च वेत्ता वेदनिधिर्विधिः ।विश्वक्सेनः सुसंस्थानोऽध्यक्षोऽपरोक्षगोचरः ॥ ६१॥

vittirvedyasvarūpaśca vettā vedanidhirvidhiḥ |viśvaksenaḥ susaṃsthāno'dhyakṣo'parokṣagocaraḥ || 61||

कृतोऽकृतस्त्रियुगश्च लोकोऽलोको रमायनः ।व्यूहोंऽशो विभवश्चार्चात्मकः स्वरूप ऊर्जितः ॥ ६२॥

kṛto'kṛtastriyugaśca loko'loko ramāyanaḥ |vyūhoṃ'śo vibhavaścārcātmakaḥ svarūpa ūrjitaḥ || 62||

सहनः स्थावरो भोक्ता फलदः सृजियत्नवान् ।अमोघो गदहा व्याघ्रो गिरीशो गिरिधारकः ॥ ६३॥

sahanaḥ sthāvaro bhoktā phaladaḥ sṛjiyatnavān |amogho gadahā vyāghro girīśo giridhārakaḥ || 63||

अनिर्वाच्यः सुवाच्यश्च महीध्रो माणिकीधरः ।सन्मूर्तिः पार्श्वतिकेशो गोविन्दो गरुडध्वजः ॥ ६४॥

anirvācyaḥ suvācyaśca mahīdhro māṇikīdharaḥ |sanmūrtiḥ pārśvatikeśo govindo garuḍadhvajaḥ || 64||

ऋषभो गरुडः कल्किः कुमारो बुद्धिसर्जनः ।हयशीर्षाः स्वर्णवर्णः सुरर्षिः पद्मजापतिः ॥ ६५॥

ṛṣabho garuḍaḥ kalkiḥ kumāro buddhisarjanaḥ |hayaśīrṣāḥ svarṇavarṇaḥ surarṣiḥ padmajāpatiḥ || 65||

मुक्तापतिर्भूपतिश्च मुक्तपती रमावसुः ।विश्वावसुः सिंहरूपो निमिषश्च बृहस्पतिः ॥ ६६॥

muktāpatirbhūpatiśca muktapatī ramāvasuḥ |viśvāvasuḥ siṃharūpo nimiṣaśca bṛhaspatiḥ || 66||

मरुद्वनं मनस्तेजोऽम्बरं दिगम्बरः श्रुतिः ।त्रिपात्पादः सर्वपाच्च प्रपाता मृदुवर्तनः ॥ ६७॥

marudvanaṃ manastejo'mbaraṃ digambaraḥ śrutiḥ |tripātpādaḥ sarvapācca prapātā mṛduvartanaḥ || 67||

मिष्टः सम्भ्रमणः शेषः स्वागतं सन्नवार्तिकः ।असङ्ख्याक्षः शिष्टधर्मा धर्मवर्मा प्रसिद्धिमान् ॥ ६८॥

miṣṭaḥ sambhramaṇaḥ śeṣaḥ svāgataṃ sannavārtikaḥ |asaṅkhyākṣaḥ śiṣṭadharmā dharmavarmā prasiddhimān || 68||

नारायणीनिवहश्च शिवराज्ञीसतीपतिः ।माधवीशो भार्गवीशस्तूलसीनायको बृहत् ॥ ६९॥

nārāyaṇīnivahaśca śivarājñīsatīpatiḥ |mādhavīśo bhārgavīśastūlasīnāyako bṛhat || 69||

देही देहीश्वरो रत्नं पुण्ड्रं पुण्ड्रधरः पुमान् ।विधृतिः सर्वसेतुश्च नाको जलान् शिखी स्मृतिः ॥ ७०॥

dehī dehīśvaro ratnaṃ puṇḍraṃ puṇḍradharaḥ pumān |vidhṛtiḥ sarvasetuśca nāko jalān śikhī smṛtiḥ || 70||

संस्कारो गुरुता मानं सामान्यं वरदो वहः ।प्रतिष्ठा स्कन्नभावश्च धुर्वहो यानमग्रणीः ॥ ७१॥

saṃskāro gurutā mānaṃ sāmānyaṃ varado vahaḥ |pratiṣṭhā skannabhāvaśca dhurvaho yānamagraṇīḥ || 71||

देवो मेरुर्गरुत्माँश्च प्राज्ञ आर्षश्चतुर्मुखः ।कृपस्तीर्थं सावनश्च मेघो वार्धिः रसः शयः ॥ ७२॥

devo merurgarutmām̐śca prājña ārṣaścaturmukhaḥ |kṛpastīrthaṃ sāvanaśca megho vārdhiḥ rasaḥ śayaḥ || 72||

भद्रः सुतः शूरवीरस्तारकः स्थविरो युवा ।अर्कः प्लक्षः शरभश्च गजो गजाननो मृगः ॥ ७३॥

bhadraḥ sutaḥ śūravīrastārakaḥ sthaviro yuvā |arkaḥ plakṣaḥ śarabhaśca gajo gajānano mṛgaḥ || 73||

समयो हेतुरुदरं भाग्यं तारस्तमः कला ।आवेशः प्रणवो बीजं प्रयोजनं धनं क्षमः ॥ ७४॥

samayo heturudaraṃ bhāgyaṃ tārastamaḥ kalā |āveśaḥ praṇavo bījaṃ prayojanaṃ dhanaṃ kṣamaḥ || 74||

ऋतुर्यूपो वत्सलश्च धनेशः सोमपः पुरुः ।स्थूलः सूक्ष्मश्च लिङ्गं च सुपर्णोऽनशनो मृधः ॥ ७५॥

ṛturyūpo vatsalaśca dhaneśaḥ somapaḥ puruḥ |sthūlaḥ sūkṣmaśca liṅgaṃ ca suparṇo'naśano mṛdhaḥ || 75||

कीशो जयो भागवतः सात्त्वतो यन्त्रचेतनः ।मन्त्रो मुकुन्दो विश्वासः पत्नीव्रतः प्रदक्षिणम् ॥ ७६॥

kīśo jayo bhāgavataḥ sāttvato yantracetanaḥ |mantro mukundo viśvāsaḥ patnīvrataḥ pradakṣiṇam || 76||

जीवोऽनन्तोऽन्तकश्चार्हौ नन्दो दाता गुहा गृहम् ।कलशः पिप्पलो वृन्दाद्रुमः कल्पलताशयः ॥ ७७॥

jīvo'nanto'ntakaścārhau nando dātā guhā gṛham |kalaśaḥ pippalo vṛndādrumaḥ kalpalatāśayaḥ || 77||

स्तम्भो वास्तुर्महाकुण्डश्चायुधं कम्बलः करः ।कारुः शिल्पी वात्स्य आप्तस्त्वष्टा स्तरः प्ररोचनः ॥ ७८॥

stambho vāsturmahākuṇḍaścāyudhaṃ kambalaḥ karaḥ |kāruḥ śilpī vātsya āptastvaṣṭā staraḥ prarocanaḥ || 78||

अशोकः खदिरो बिल्वो वटः पलाश आमलः ।उदुम्बरः कदलीशः पूगो राजेश्वरो रतिः ॥ ७९॥

aśokaḥ khadiro bilvo vaṭaḥ palāśa āmalaḥ |udumbaraḥ kadalīśaḥ pūgo rājeśvaro ratiḥ || 79||

दम्पती कुमुदो मोदो नन्दनः श्रीधरः स्मरः ।शृङ्गारो दास्यदो नेमिर्बिन्दुर्भस्म भ्रमिर्महः ॥ ८०॥

dampatī kumudo modo nandanaḥ śrīdharaḥ smaraḥ |śṛṅgāro dāsyado nemirbindurbhasma bhramirmahaḥ || 80||

केशवः कामकृज्जिष्णुर्ब्रह्मण्यो वासुकिः प्रियः ।लेखो बिम्बः प्रतिबिम्बो निरोधो दीर्घिका पयः ॥ ८१॥

keśavaḥ kāmakṛjjiṣṇurbrahmaṇyo vāsukiḥ priyaḥ |lekho bimbaḥ pratibimbo nirodho dīrghikā payaḥ || 81||

प्रपा पानं पिशङ्गश्च पिङ्गाक्षो गायको गयः ।नर्तको नटको मायी मन्त्री तन्त्री जितेन्द्रियः ॥ ८२॥

prapā pānaṃ piśaṅgaśca piṅgākṣo gāyako gayaḥ |nartako naṭako māyī mantrī tantrī jitendriyaḥ || 82||

कल्पमणिर्महावीर्यं महद्रजोऽग्र्यपूरुषः ।साधुजनः स्त्रीजनश्चाऽव्ययो वधूजनात्मकः ॥ ८३॥

kalpamaṇirmahāvīryaṃ mahadrajo'gryapūruṣaḥ |sādhujanaḥ strījanaścā'vyayo vadhūjanātmakaḥ || 83||

स्तन्यपः साध्यदेवश्च धर्मजन्यो वृषासुतः ।ऋतम्भरश्चमत्कारः स्वाहाकारश्च कर्मठः ॥ ८४॥

stanyapaḥ sādhyadevaśca dharmajanyo vṛṣāsutaḥ |ṛtambharaścamatkāraḥ svāhākāraśca karmaṭhaḥ || 84||

आरार्त्रिकं चाऽभिषेको मुकुटः कण्ठिकाप्रियः ।सिन्दूरकः कुङ्कुमं च दूर्वा व्रीहिर्यवस्तिलः ॥ ८५॥

ārārtrikaṃ cā'bhiṣeko mukuṭaḥ kaṇṭhikāpriyaḥ |sindūrakaḥ kuṅkumaṃ ca dūrvā vrīhiryavastilaḥ || 85||

नागवल्ली चेक्षुदण्डः श्रीफलो भक्तिवर्धनः ।पूगीफलस्वरूपश्च सुगन्धः श्रेय आरमः ॥ ८६॥

nāgavallī cekṣudaṇḍaḥ śrīphalo bhaktivardhanaḥ |pūgīphalasvarūpaśca sugandhaḥ śreya āramaḥ || 86||

श्रीमयः श्रीकृतवेषः श्र्यङ्गः श्र्यानन्दसम्प्रदः ।श्रीतिलकः श्रीकृतोरुः श्रीशयः श्रीकथाश्रयः ॥ ८७॥

śrīmayaḥ śrīkṛtaveṣaḥ śryaṅgaḥ śryānandasampradaḥ |śrītilakaḥ śrīkṛtoruḥ śrīśayaḥ śrīkathāśrayaḥ || 87||

श्रीसेवः श्रीसमवायः श्र्यशनः श्रीसमाधिमान् ।लक्ष्मीलक्ष्मा महालक्ष्मीभवो लक्ष्मीविभावनः ॥ ८८॥

śrīsevaḥ śrīsamavāyaḥ śryaśanaḥ śrīsamādhimān |lakṣmīlakṣmā mahālakṣmībhavo lakṣmīvibhāvanaḥ || 88||

लक्ष्मीपार्श्वो महालक्ष्मीगर्भो लक्ष्मीधराऽधरः ।ब्रह्मज्ञो ब्रह्मपरमो ब्रह्मजपोऽनृणी मणिः ॥ ८९॥

lakṣmīpārśvo mahālakṣmīgarbho lakṣmīdharā'dharaḥ |brahmajño brahmaparamo brahmajapo'nṛṇī maṇiḥ || 89||

अतिथिः पूर्णचन्द्रश्च देवयानो नभोगतिः ।जगद्गुरुर्जयानाथो ललिताकान्त एकलः ॥ ९०॥

atithiḥ pūrṇacandraśca devayāno nabhogatiḥ |jagadgururjayānātho lalitākānta ekalaḥ || 90||

स्तुतिर्जपः स्थितिः स्थैर्यं सत्ता भूतिर्विभूतिमान् ।हर्षः पञ्चात्मकः साक्षी सारः स्नेहः सुसम्पवान् ॥ ९१॥

stutirjapaḥ sthitiḥ sthairyaṃ sattā bhūtirvibhūtimān |harṣaḥ pañcātmakaḥ sākṣī sāraḥ snehaḥ susampavān || 91||

काषायवेषो दीप्तात्मा पञ्चाग्नितापसो नगः ।नागो निराशो नप्ता च कामफलं कुमारकः ॥ ९२॥

kāṣāyaveṣo dīptātmā pañcāgnitāpaso nagaḥ |nāgo nirāśo naptā ca kāmaphalaṃ kumārakaḥ || 92||

स्वस्तिकः प्रतिभारूपः प्रतिज्ञात्मा प्रमापकः ।सहजः स्वभवः शङ्कुः कुशः शालशिलः शिवः ॥ ९३॥

svastikaḥ pratibhārūpaḥ pratijñātmā pramāpakaḥ |sahajaḥ svabhavaḥ śaṅkuḥ kuśaḥ śālaśilaḥ śivaḥ || 93||

चैत्यो गर्तश्च हुङ्कारो जघनं वीथिरज्वरः ।उद्गीथश्चोपनिषच्च पुराणपुरुषः शनीः ॥ ९४॥

caityo gartaśca huṅkāro jaghanaṃ vīthirajvaraḥ |udgīthaścopaniṣacca purāṇapuruṣaḥ śanīḥ || 94||

सत्परः सन्निवासश्च श्रीद्रुमोऽसुरनाशकः ।कुञ्चिकात्मा ब्रह्मरन्ध्रं ब्रह्मह्रदो महाध्रुवः ॥ ९५॥

satparaḥ sannivāsaśca śrīdrumo'suranāśakaḥ |kuñcikātmā brahmarandhraṃ brahmahrado mahādhruvaḥ || 95||

परिधिः किरणं केशः पञ्चशिखः परासनः ।प्रवर्ग्यश्च महोपायो विशिष्टो विद्रुमो वशः ॥ ९६॥

paridhiḥ kiraṇaṃ keśaḥ pañcaśikhaḥ parāsanaḥ |pravargyaśca mahopāyo viśiṣṭo vidrumo vaśaḥ || 96||

मोदकस्तण्डुलश्चापामार्गो देवाधिदैवतम् ।देवानीकतिलकश्च महाश्वपट्टसारसः ॥ ९७॥

modakastaṇḍulaścāpāmārgo devādhidaivatam |devānīkatilakaśca mahāśvapaṭṭasārasaḥ || 97||

जामाता धर्मवृद्धश्च सङ्कल्पो मधुपर्ककः ।सर्वतोभद्ररूपश्च पीठो वेदिर्बलिर्जलम् ॥ ९८॥

jāmātā dharmavṛddhaśca saṅkalpo madhuparkakaḥ |sarvatobhadrarūpaśca pīṭho vedirbalirjalam || 98||

स्थण्डिलो मणिक्षेत्रेशः पाद्मक्षेत्रमहेश्वरः ।लोमशानन्ददः पत्नीव्रतवंशप्रभाकरः ॥ ९९॥

sthaṇḍilo maṇikṣetreśaḥ pādmakṣetramaheśvaraḥ |lomaśānandadaḥ patnīvratavaṃśaprabhākaraḥ || 99||

इन्द्रद्युम्नस्थलीरक्षो नारसिंहवनेश्वरः ।व्याघ्रारण्यनिवासश्च रुक्माङ्गदेष्टसम्प्रदः ॥ १००॥

indradyumnasthalīrakṣo nārasiṃhavaneśvaraḥ |vyāghrāraṇyanivāsaśca rukmāṅgadeṣṭasampradaḥ || 100||

प्राभासिकः प्रभानुश्च सोमक्षेत्रप्रपोषकः ।सामपद्मनिशानाथोऽनादिकृष्णः प्रजापतिः ॥ १०१॥

prābhāsikaḥ prabhānuśca somakṣetraprapoṣakaḥ |sāmapadmaniśānātho'nādikṛṣṇaḥ prajāpatiḥ || 101||

वसन्तश्च किशोरश्च महेन्द्रः शम्प्रदः सहः ।मङ्गलेशो मानसेशो रेवेशो विरजापतिः ॥ १०२॥

vasantaśca kiśoraśca mahendraḥ śampradaḥ sahaḥ |maṅgaleśo mānaseśo reveśo virajāpatiḥ || 102||

रतीशो गोमतीशश्च कामदुघेश्वरोऽतुलः ।एकादशीपतिः स्वर्णरेखाकान्तो ह्यमूर्तकः ॥ १०३॥

ratīśo gomatīśaśca kāmadugheśvaro'tulaḥ |ekādaśīpatiḥ svarṇarekhākānto hyamūrtakaḥ || 103||

नन्दिनीशश्च दोलेशः पुष्पं कलावतीपतिः ।बदरीशश्च पम्पेशो दर्पहा बान्धवो धवः ॥ १०४॥

nandinīśaśca doleśaḥ puṣpaṃ kalāvatīpatiḥ |badarīśaśca pampeśo darpahā bāndhavo dhavaḥ || 104||

भक्तवत्सल उन्नेता मानकृल्लोकधृग्धरः ।धन्यश्चतुर्भुजो दुर्गस्तन्तुकृत् सुकृतं कृती ॥ १०५॥

bhaktavatsala unnetā mānakṛllokadhṛgdharaḥ |dhanyaścaturbhujo durgastantukṛt sukṛtaṃ kṛtī || 105||

सुन्दरश्चाश्वमेधश्च पर्जन्यश्चामृतापतिः ।सुलभोऽदुर्लभोऽश्वत्थो रक्षोहा दैत्यनाशनः ॥ १०६॥

sundaraścāśvamedhaśca parjanyaścāmṛtāpatiḥ |sulabho'durlabho'śvattho rakṣohā daityanāśanaḥ || 106||

सप्ताश्वः सप्तजिह्वश्च प्राग्वंशश्च प्रभातकः ।आश्रमश्च यमः सूर्यचन्द्रनेत्रस्त्रिनेत्रकः ॥ १०७॥

saptāśvaḥ saptajihvaśca prāgvaṃśaśca prabhātakaḥ |āśramaśca yamaḥ sūryacandranetrastrinetrakaḥ || 107||

वियन्नाभिर्भूचरणोऽनिलाऽसुर्दिक्छ्रवा द्युकः ।अग्न्याननश्च बस्त्यब्धिः सर्ववर्ष्मा रमोऽरमः ॥ १०८॥

viyannābhirbhūcaraṇo'nilā'surdikchravā dyukaḥ |agnyānanaśca bastyabdhiḥ sarvavarṣmā ramo'ramaḥ || 108||

घनश्यामो हितस्तथ्यो ब्रह्मधामा स्वधामवान् ।नित्यश्च चेतनश्चान्तर्यामी विशेषवित्तिमान् ॥ १०९॥

ghanaśyāmo hitastathyo brahmadhāmā svadhāmavān |nityaśca cetanaścāntaryāmī viśeṣavittimān || 109||

कार्यकारणरूपश्चायोजको धृतिमान् पदी ।प्रत्ययितः श्रुतिगम्यो वाक्यकृत्सङ्ख्यितोऽव्ययः ॥ ११०॥

kāryakāraṇarūpaścāyojako dhṛtimān padī |pratyayitaḥ śrutigamyo vākyakṛtsaṅkhyito'vyayaḥ || 110||

स्वस्तिदाता स्वस्तिकर्ता स्वस्तिरूपः प्रशस्तिमान् ।सृष्ट्यधिष्ठानमुत्तुङ्गो गोलकः कं च खं खगः ॥ १११॥

svastidātā svastikartā svastirūpaḥ praśastimān |sṛṣṭyadhiṣṭhānamuttuṅgo golakaḥ kaṃ ca khaṃ khagaḥ || 111||

मध्यावस्थो मध्यवासः सन्ध्यांशोऽभिजिदात्मकः ।अमृतश्च शुभो लाभः क्षेमकृत् सिद्धिनायकः ॥ ११२॥

madhyāvastho madhyavāsaḥ sandhyāṃśo'bhijidātmakaḥ |amṛtaśca śubho lābhaḥ kṣemakṛt siddhināyakaḥ || 112||

धन्वन्तरिर्नलो नालः प्रवाहो दधिमण्डपः ।पुत्रः स्वर्गश्चाशीरात्मा प्रलयो वैष्णवार्चितः ॥ ११३॥

dhanvantarirnalo nālaḥ pravāho dadhimaṇḍapaḥ |putraḥ svargaścāśīrātmā pralayo vaiṣṇavārcitaḥ || 113||

नवनीतोऽपवर्गश्च हृद्दीपः परमार्थदः ।कालमायापापकर्मयमदूतभयापहा ॥ ११४॥

navanīto'pavargaśca hṛddīpaḥ paramārthadaḥ |kālamāyāpāpakarmayamadūtabhayāpahā || 114||

द्वारं द्वारी चन्द्रशालो घृताशी चाऽद्वितीयकः ।बहुप्रजोऽप्रजो जाग्रत् प्राजननोऽन्तरङ्गकः ॥ ११५॥

dvāraṃ dvārī candraśālo ghṛtāśī cā'dvitīyakaḥ |bahuprajo'prajo jāgrat prājanano'ntaraṅgakaḥ || 115||

ग्रन्थो ग्रन्थिर्नागरश्च सीमान्तः सीमवर्जितः ।अबाध्यश्चाऽपरिच्छिन्नोऽविवर्तोऽपरिणामकः ॥ ११६॥

grantho granthirnāgaraśca sīmāntaḥ sīmavarjitaḥ |abādhyaścā'paricchinno'vivarto'pariṇāmakaḥ || 116||

अवच्छेदक ऐश्वर्यं लक्षणं लक्ष्यमीशनीः ।ईतिः कवलमन्नं च सनातनतमः सनः ॥ ११७॥

avacchedaka aiśvaryaṃ lakṣaṇaṃ lakṣyamīśanīḥ |ītiḥ kavalamannaṃ ca sanātanatamaḥ sanaḥ || 117||

वंशी कदम्बकः कीलः समाजः सार्थ आदरः ।उदारो द्व्यात्मकः श्रेष्ठी त्रियुगो युगलात्मकः ॥ ११८॥

vaṃśī kadambakaḥ kīlaḥ samājaḥ sārtha ādaraḥ |udāro dvyātmakaḥ śreṣṭhī triyugo yugalātmakaḥ || 118||

स्त्रीपतिः स्वपतिः प्राप्तिस्तादात्म्यं निर्मितिः कृतिः ।तत्त्वं स्वत्वमभिप्रायश्चेष्टोद्भवश्च भावनः ॥ ११९॥

strīpatiḥ svapatiḥ prāptistādātmyaṃ nirmitiḥ kṛtiḥ |tattvaṃ svatvamabhiprāyaśceṣṭodbhavaśca bhāvanaḥ || 119||

उदयोऽयः प्रमेधश्च सुषुम्णामूर्तिदर्शनः ।दानं दमो दया दिष्टं दितिर्दर्वी च दोहनम् ॥ १२०॥

udayo'yaḥ pramedhaśca suṣumṇāmūrtidarśanaḥ |dānaṃ damo dayā diṣṭaṃ ditirdarvī ca dohanam || 120||

वक्ता वाचयिता लेखयिताऽध्यापक ऊहवान् ।वाङ्मनोऽगोचरः पुण्यं पुण्यश्रुतिजपार्हणः ॥ १२१॥

vaktā vācayitā lekhayitā'dhyāpaka ūhavān |vāṅmano'gocaraḥ puṇyaṃ puṇyaśrutijapārhaṇaḥ || 121||

जीवनं मन्दहासः सत्पथाचारः पणो रणः ।आत्मजश्चागमेयश्च नैगमेयो ह्यनावरः ॥ १२२॥

jīvanaṃ mandahāsaḥ satpathācāraḥ paṇo raṇaḥ |ātmajaścāgameyaśca naigameyo hyanāvaraḥ || 122||

असङ्ख्यश्चैकसङ्ख्यश्च निर्भयो भयनाशकः ।आध्वरो हवनादश्च भावादनो भवापहः ॥ १२३॥

asaṅkhyaścaikasaṅkhyaśca nirbhayo bhayanāśakaḥ |ādhvaro havanādaśca bhāvādano bhavāpahaḥ || 123||

ऊर्ध्ववीर्योऽप्रस्खलनो विघ्नहा च नरोत्तमः ।दुःस्वप्ननाशकः शान्तिप्रदः प्रमोदकारकः ॥ १२४॥

ūrdhvavīryo'praskhalano vighnahā ca narottamaḥ |duḥsvapnanāśakaḥ śāntipradaḥ pramodakārakaḥ || 124||

आकर्षकोऽक्षयपात्रं पर्यवसानमौरसः ।व्याहृतिर्व्यवहारश्च स्फुर्तिश्चेकाक्षरो ध्वनिः ॥ १२५॥

ākarṣako'kṣayapātraṃ paryavasānamaurasaḥ |vyāhṛtirvyavahāraśca sphurtiścekākṣaro dhvaniḥ || 125||

भुक्तिदो मुक्तिदः पापक्षालनः पुण्यदः प्रथः ।ख्यात्यात्मा सर्वसेनश्च दिक्तारो नाद ईपतिः ॥ १२६॥

bhuktido muktidaḥ pāpakṣālanaḥ puṇyadaḥ prathaḥ |khyātyātmā sarvasenaśca diktāro nāda īpatiḥ || 126||

स्फोटो नौका फलं पुष्पं पिष्टं सदसदात्मकः ।ब्रह्मसूत्रं कङ्कणं च सद्धेतुः सर्वहेतिमान् ॥ १२७॥

sphoṭo naukā phalaṃ puṣpaṃ piṣṭaṃ sadasadātmakaḥ |brahmasūtraṃ kaṅkaṇaṃ ca saddhetuḥ sarvahetimān || 127||

मूलं मूलोत्तरं मूलादिमः सर्वान्तसंस्थितः ।आलयश्च तलं सर्वोदरः सर्वशरीरकः ॥ १२८॥

mūlaṃ mūlottaraṃ mūlādimaḥ sarvāntasaṃsthitaḥ |ālayaśca talaṃ sarvodaraḥ sarvaśarīrakaḥ || 128||

अन्वयो व्यतिरेकश्च नित्ययुक्तो नमःपुरः ।सम्पन्नो विकसद्भावो विश्वसद्भाव ओन्नमः ॥ १२९॥

anvayo vyatirekaśca nityayukto namaḥpuraḥ |sampanno vikasadbhāvo viśvasadbhāva onnamaḥ || 129||

इतीदं पावनं पुण्यं सर्वबाधाविनाशकम् ।अनादिश्रीकृष्णनारायणनाम्नां सहस्रकम् ॥ १३०॥

itīdaṃ pāvanaṃ puṇyaṃ sarvabādhāvināśakam |anādiśrīkṛṣṇanārāyaṇanāmnāṃ sahasrakam || 130||

पुरुषोत्तमसामाख्यं स्तोत्रं लक्ष्मि मयोदितम् ।श्रोतुर्वक्तुः कीर्तयितुर्मन्तुर्नश्यत्यघानि वै ॥ १३१॥

puruṣottamasāmākhyaṃ stotraṃ lakṣmi mayoditam |śroturvaktuḥ kīrtayiturmanturnaśyatyaghāni vai || 131||

इहाऽमुत्र न बाधा स्याद्विघ्ननाशो द्रुतं भवेत् ।विप्रो विद्वान् ब्रह्मवित्स्याच्छूरः क्षत्रो जयी भवेत् ॥ १३२॥

ihā'mutra na bādhā syādvighnanāśo drutaṃ bhavet |vipro vidvān brahmavitsyācchūraḥ kṣatro jayī bhavet || 132||

धनी श्रेष्ठी वैश्यवर्णो भवेच्छूद्रः सुखी भवेत् ।ब्रह्मचारी चमत्कारी गृही स्त्रीसम्पदन्वितः ॥ १३३॥

dhanī śreṣṭhī vaiśyavarṇo bhavecchūdraḥ sukhī bhavet |brahmacārī camatkārī gṛhī strīsampadanvitaḥ || 133||

वनी वन्यर्द्धिसम्पन्नो भवेत् साधुः प्रशान्तिमान् ।विन्देद्धर्मं धर्मरुचिश्चार्थेच्छुरर्थवान् भवेत् ॥ १३४॥

vanī vanyarddhisampanno bhavet sādhuḥ praśāntimān |vindeddharmaṃ dharmaruciścārthecchurarthavān bhavet || 134||

कामेच्छुः कामसम्पत्तिं मुमुक्षुर्मोक्षमृच्छति ।राज्यार्थी राज्यमाविन्देत्प्रजार्थी तु प्रजां लभेत् ॥ १३५॥

kāmecchuḥ kāmasampattiṃ mumukṣurmokṣamṛcchati |rājyārthī rājyamāvindetprajārthī tu prajāṃ labhet || 135||

पुत्रार्थी पुत्रमृच्छेद्वै भार्यार्थी स्त्रीं लभेन्नवाम् ।कन्यार्थी कन्यकामृच्छेत् पत्यर्थिका पतिं लभेत् ॥ १३६॥

putrārthī putramṛcchedvai bhāryārthī strīṃ labhennavām |kanyārthī kanyakāmṛcchet patyarthikā patiṃ labhet || 136||

विद्यार्थी प्राप्नुयाद्विद्यां धनार्थी धनमाप्नुयात् ।वृत्त्यर्थी वृत्तिमान् स्याच्च भोगार्थी भोगवान् भवेत् ॥ १३७॥

vidyārthī prāpnuyādvidyāṃ dhanārthī dhanamāpnuyāt |vṛttyarthī vṛttimān syācca bhogārthī bhogavān bhavet || 137||

इष्टार्थी चेष्टमृच्छेच्च गृहार्थी गृहमाप्नुयात् ।नित्यं प्रातः पठेद्भक्त्या शुद्धान्तःकरणस्तु यः ॥ १३८॥

iṣṭārthī ceṣṭamṛcchecca gṛhārthī gṛhamāpnuyāt |nityaṃ prātaḥ paṭhedbhaktyā śuddhāntaḥkaraṇastu yaḥ || 138||

प्रधानतां यशः ख्यातिं श्रियं श्रेयश्च विन्दति ।भयं नैव भवत्यस्य तेजो वीर्यं च वर्धते ॥ १३९॥

pradhānatāṃ yaśaḥ khyātiṃ śriyaṃ śreyaśca vindati |bhayaṃ naiva bhavatyasya tejo vīryaṃ ca vardhate || 139||

नीरोगो जायते पाठात्पुष्टो बली गुणी भवेत् ।रूपवान् जायते रम्यः काम्यो भवति पाठनात् ॥ १४०॥

nīrogo jāyate pāṭhātpuṣṭo balī guṇī bhavet |rūpavān jāyate ramyaḥ kāmyo bhavati pāṭhanāt || 140||

बन्धनं शीर्यते वक्तुर्भयं नश्यति सर्वथा ।आपत्तयो विनश्यन्ति नश्यन्ति शत्रवोऽपि च ॥ १४१॥

bandhanaṃ śīryate vakturbhayaṃ naśyati sarvathā |āpattayo vinaśyanti naśyanti śatravo'pi ca || 141||

दुर्गाणि सुगमान्येव भवन्ति स्तुवतः खलु ।पुरुषोत्तमशरणः स्यात्पुरुषोत्तमभक्तिमान् ॥ १४२॥

durgāṇi sugamānyeva bhavanti stuvataḥ khalu |puruṣottamaśaraṇaḥ syātpuruṣottamabhaktimān || 142||

मायाञ्जनरहितात्मा लभते पुरुषोत्तमम् ।मद्भक्तस्याऽशुभं नास्ति संसारस्य भयं न च ॥ १४३॥

māyāñjanarahitātmā labhate puruṣottamam |madbhaktasyā'śubhaṃ nāsti saṃsārasya bhayaṃ na ca || 143||

दुरीतं जन्म मृत्युश्च व्याधिर्जरा न रुग्णता ।मोघताऽभिभवो नैव मद्भक्तस्य प्रजायते ॥ १४४॥

durītaṃ janma mṛtyuśca vyādhirjarā na rugṇatā |moghatā'bhibhavo naiva madbhaktasya prajāyate || 144||

एतत्पाठाद्भवेदात्मसुखं शान्तिः सुसम्पदः ।स्मृद्धिः श्रीः कीर्तिरौदार्यं प्राधान्यं पुष्टिरीशिता ॥ १४५॥

etatpāṭhādbhavedātmasukhaṃ śāntiḥ susampadaḥ |smṛddhiḥ śrīḥ kīrtiraudāryaṃ prādhānyaṃ puṣṭirīśitā || 145||

मुक्ता ईशाः पितरश्च सिद्धा देवा महर्षयः ।एतत्स्तोत्रजपेनैव सिद्धिं परमिकां ययुः ॥ १४६॥

muktā īśāḥ pitaraśca siddhā devā maharṣayaḥ |etatstotrajapenaiva siddhiṃ paramikāṃ yayuḥ || 146||

आयुष्मान् भवते श्रुत्वा निष्पापः पठनाद्भवेत् ।श्रद्धाभक्तियुतो वक्ता प्रेत्य चेह प्रमोदते ॥ १४७॥

āyuṣmān bhavate śrutvā niṣpāpaḥ paṭhanādbhavet |śraddhābhaktiyuto vaktā pretya ceha pramodate || 147||

मयाऽनादिकृष्णनारायणेन ते प्रभाषितम् ।लक्ष्मि स्तोत्रं मत्परं तत्पाठान्मत्परमो भवेत् ॥ १४८॥

mayā'nādikṛṣṇanārāyaṇena te prabhāṣitam |lakṣmi stotraṃ matparaṃ tatpāṭhānmatparamo bhavet || 148||

अपि श्लोकैकपाठेन पाठोऽस्यापि कृतो भवेत् ।शृणु लक्ष्मि चमत्कारमयं श्लोकं वदामि ते ॥ १४९॥

api ślokaikapāṭhena pāṭho'syāpi kṛto bhavet |śṛṇu lakṣmi camatkāramayaṃ ślokaṃ vadāmi te || 149||

नमामि सृष्टित्रयसंविधायिनेभजामि कोट्यर्बुदशक्तिशालिने ।ध्यायामि चात्मान्तरसन्नियामिनेअर्पयामिसर्वत्वमथाऽऽत्मवेदिने ॥ १५०॥

namāmi sṛṣṭitrayasaṃvidhāyinebhajāmi koṭyarbudaśaktiśāline |dhyāyāmi cātmāntarasanniyāminearpayāmisarvatvamathā''tmavedine || 150||

नमोऽनन्तस्वरूपाय नमोऽसङ्ख्यप्रमूर्तये ।नमो युगलरूपाय नमः श्रीपरमात्मने ॥ १५१॥

namo'nantasvarūpāya namo'saṅkhyapramūrtaye |namo yugalarūpāya namaḥ śrīparamātmane || 151||

नमोऽनादिकृष्णनारायणाय स्वामिने नमः ।नमः श्रीकम्भरालक्ष्मीगोपालजनुषे नमः ॥ १५२॥

namo'nādikṛṣṇanārāyaṇāya svāmine namaḥ |namaḥ śrīkambharālakṣmīgopālajanuṣe namaḥ || 152||

नमोऽनाथाधिनाथाय नमः कान्ताकृपालवे ।नमो धर्माधिगोप्त्रे ते बालकृष्णाय ते नमः ॥ १५३॥

namo'nāthādhināthāya namaḥ kāntākṛpālave |namo dharmādhigoptre te bālakṛṣṇāya te namaḥ || 153||

शिवराज्ञीस्वामिने ते नारायणीश्वराय च ।रमापद्मावतीशाय नारायणाय ते नमः ॥ १५४॥

śivarājñīsvāmine te nārāyaṇīśvarāya ca |ramāpadmāvatīśāya nārāyaṇāya te namaḥ || 154||

नमो ब्रह्मप्रियेशाय श्रीकृष्णाय च ते नमः ।सर्वज्ञदेशिकेशायाचार्येश्वराय ते नमः ॥ १५५॥

namo brahmapriyeśāya śrīkṛṣṇāya ca te namaḥ |sarvajñadeśikeśāyācāryeśvarāya te namaḥ || 155||

स्तवश्चायं पठितश्चार्पितस्त्वयि फलाप्तये ।सर्वदस्त्वं पाहि कृष्णनारायण नमो नमः ॥ १५६॥

stavaścāyaṃ paṭhitaścārpitastvayi phalāptaye |sarvadastvaṃ pāhi kṛṣṇanārāyaṇa namo namaḥ || 156||

सहस्रपाठतश्चाऽस्य पुरश्चरणमाचरेत् ।महाऽऽपदो विनश्यन्ति महासौख्यं भवेद्ध्रुवम् ॥ १५७॥

sahasrapāṭhataścā'sya puraścaraṇamācaret |mahā''pado vinaśyanti mahāsaukhyaṃ bhaveddhruvam || 157||

विज्ञानं सर्वतत्त्वानां वर्धतेऽस्य प्रपाठनात् ।सार्वज्ञ्यकल्पता स्याच्च कृष्णस्य करुणाकणात् ॥ १५८॥

vijñānaṃ sarvatattvānāṃ vardhate'sya prapāṭhanāt |sārvajñyakalpatā syācca kṛṣṇasya karuṇākaṇāt || 158||

राजा प्रधानः पृथिवीप्रधानःस्वर्गप्रधानो धनदप्रधानः ।विद्याप्रधानोऽर्हणताप्रधानोभवेत् स्तवस्याऽस्य सुपाठकृज्जनः ॥ १५९॥

rājā pradhānaḥ pṛthivīpradhānaḥsvargapradhāno dhanadapradhānaḥ |vidyāpradhāno'rhaṇatāpradhānobhavet stavasyā'sya supāṭhakṛjjanaḥ || 159||

नित्यमेकप्रपाठेन सर्वकामसमृद्धिमान् ।जायते मे कृपालेशाल्लक्ष्मि तद्गृहमावस ॥ १६०॥

nityamekaprapāṭhena sarvakāmasamṛddhimān |jāyate me kṛpāleśāllakṣmi tadgṛhamāvasa || 160||

इति श्रीलक्ष्मीनारायणीयसंहितायाः द्वापरयुगसन्तानात्मकस्य तृतीयखण्डे१०८अध्यायान्तर्गतं पुरुषोत्तमसामाख्यं श्रीपुरुषोत्तमसामाख्यमनादिश्रीकृष्णनारायणनामसहस्रस्तोत्रं सम्पूर्णम् ।लक्ष्मीनारायणीयसंहिता । खण्ड ३। अध्याय १०८/१५१६०॥लक्ष्मीनारायणीयसंहिता । खण्ड ३। अध्याय १०८/१५-१६०॥

iti śrīlakṣmīnārāyaṇīyasaṃhitāyāḥ dvāparayugasantānātmakasya tṛtīyakhaṇḍe108adhyāyāntargataṃ puruṣottamasāmākhyaṃ śrīpuruṣottamasāmākhyamanādiśrīkṛṣṇanārāyaṇanāmasahasrastotraṃ sampūrṇam |lakṣmīnārāyaṇīyasaṃhitā | khaṇḍa 3| adhyāya 108/15160||lakṣmīnārāyaṇīyasaṃhitā | khaṇḍa 3| adhyāya 108/15-160||