कृष्णस्तवनकवचम् Shri Krishnastavana Kavacham

अथैकोनचत्त्वारिंशः पटलःआनन्दभैरवी उवाचअथ नाथ प्रवक्ष्येऽहं संसारसाधनोत्तमम् ।येन साधनमात्रेण योगी भवति तत्क्षणात् ॥ ३९१॥

athaikonacattvāriṃśaḥ paṭalaḥānandabhairavī uvācaatha nātha pravakṣye'haṃ saṃsārasādhanottamam |yena sādhanamātreṇa yogī bhavati tatkṣaṇāt || 391||

अनायासेन सिद्धिः स्याद् यद्यन्मनसि वर्तते ।त्रैलोक्यं मोहयेत्क्षिप्रं त्रैलोक्यं वशमानयेत् ॥ ३९२॥

anāyāsena siddhiḥ syād yadyanmanasi vartate |trailokyaṃ mohayetkṣipraṃ trailokyaṃ vaśamānayet || 392||

रामेण सहितं नित्यं जगतां साक्षिणं वरम् ।जामदग्न्यकराम्भोजसेवितं सर्वसेवितम् ॥ ३९३॥

rāmeṇa sahitaṃ nityaṃ jagatāṃ sākṣiṇaṃ varam |jāmadagnyakarāmbhojasevitaṃ sarvasevitam || 393||

अनन्तसत्त्वनिलयं वासुकी सङ्गमाकुलम् ।अष्टहस्ताग्रसुश्रीदं नानालङ्कारशोभितम् ॥ ३९४॥

anantasattvanilayaṃ vāsukī saṅgamākulam |aṣṭahastāgrasuśrīdaṃ nānālaṅkāraśobhitam || 394||

स्वाधिष्ठानगतं ध्यात्वा शीतलो जायते वशी ।तत्स्तोत्रं शृणु मे नाथ यत्पाठात् सिद्धिमाप्नुयात् ॥ ३९५॥

svādhiṣṭhānagataṃ dhyātvā śītalo jāyate vaśī |tatstotraṃ śṛṇu me nātha yatpāṭhāt siddhimāpnuyāt || 395||

श्रीकृष्णस्तोत्रंब्रह्मादयः सुराधीशा मुनयः क्रतुरक्षकाः ।एतत् स्तोत्रं पुरा कृत्वा जीवन्मुक्तो महीतले ॥ ३९६॥

śrīkṛṣṇastotraṃbrahmādayaḥ surādhīśā munayaḥ kraturakṣakāḥ |etat stotraṃ purā kṛtvā jīvanmukto mahītale || 396||

अतः श्रीकालिकानाथ स्तोत्रं शृणु महत्फलम् ॥ ३९७॥

ataḥ śrīkālikānātha stotraṃ śṛṇu mahatphalam || 397||

श्रीविष्णोरद्भुतकर्मणो ब्रह्मर्षिस्त्रिष्टुप्छन्दःश्रीविष्णुः श्रीकृष्णः श्रीनारायणो देवतासर्वस्तोत्रसारकवचमन्त्रसिद्।ह्ध्यर्थे विनियोगः ॥श्री कृष्णं जगतामधीशमनघं ध्यानात्सिद्धिप्रदंगोविन्दं भवसिन्धुपारकरणं सन्तारणं कारणम् ।श्री विष्णुं वनमालिनं नरहरिं नारायणं गोकुलंयोगेन्द्रं नरनाथमादिपुरुषं वृन्दावने भावयेत् ॥ ३९८॥

śrīviṣṇoradbhutakarmaṇo brahmarṣistriṣṭupchandaḥśrīviṣṇuḥ śrīkṛṣṇaḥ śrīnārāyaṇo devatāsarvastotrasārakavacamantrasid|hdhyarthe viniyogaḥ ||śrī kṛṣṇaṃ jagatāmadhīśamanaghaṃ dhyānātsiddhipradaṃgovindaṃ bhavasindhupārakaraṇaṃ santāraṇaṃ kāraṇam |śrī viṣṇuṃ vanamālinaṃ narahariṃ nārāyaṇaṃ gokulaṃyogendraṃ naranāthamādipuruṣaṃ vṛndāvane bhāvayet || 398||

मोक्षश्रीसहितं कृतान्तविकृतं धर्मार्णवं सुन्दरंश्रीरामं बलरामभावविमलं नित्याकुलं सत्कुलम् ।श्रीश्यामं कनकादिहारविलसत्लम्बोदरं श्रीधरंतं वन्दे हरिमीश्वरं गुणवतीमायाश्रयं स्वाश्रयम् ॥ ३९९॥

mokṣaśrīsahitaṃ kṛtāntavikṛtaṃ dharmārṇavaṃ sundaraṃśrīrāmaṃ balarāmabhāvavimalaṃ nityākulaṃ satkulam |śrīśyāmaṃ kanakādihāravilasatlambodaraṃ śrīdharaṃtaṃ vande harimīśvaraṃ guṇavatīmāyāśrayaṃ svāśrayam || 399||

वैकुण्ठेशमशेषदोषरहितं सायुज्यमोक्षात्मकंनानारत्नविनिर्मिता मम पूजा राजेन्द्रचूडामणिम् ।शोभामण्डलमण्डितं सुरतरुच्छायाकरं योगिनंविद्यागोपसुतावृतं गुणमयं वाक्सिद्धये भावयेत् ॥ ३९१०॥

vaikuṇṭheśamaśeṣadoṣarahitaṃ sāyujyamokṣātmakaṃnānāratnavinirmitā mama pūjā rājendracūḍāmaṇim |śobhāmaṇḍalamaṇḍitaṃ suratarucchāyākaraṃ yoginaṃvidyāgopasutāvṛtaṃ guṇamayaṃ vāksiddhaye bhāvayet || 3910||

स्वाधिष्ठाननिकेतनं परजनं विद्याधनं मायिनंश्रीनाथं कुलयोगिनं त्रिभुवनोल्लासैकबीजं प्रभुम् ।संसारोत्सवभावलाभनिरतं सर्वादिदेशं सुखंवन्देऽहं वरसर्पशत्रुसफले पृष्ठे स्थिरानन्ददम् ॥ ३९११॥

svādhiṣṭhānaniketanaṃ parajanaṃ vidyādhanaṃ māyinaṃśrīnāthaṃ kulayoginaṃ tribhuvanollāsaikabījaṃ prabhum |saṃsārotsavabhāvalābhanirataṃ sarvādideśaṃ sukhaṃvande'haṃ varasarpaśatrusaphale pṛṣṭhe sthirānandadam || 3911||

भावाष्टं भवभावयोगजडितं जाड्यापहं भास्वरंनित्यं शुद्धगुणं गभीरधिषणामोदैकहेतुं पतिम् ।कीर्तिक्षेमकरं महाभयहरं कामाधिदैवं शिवंतत्तत्षड्दलमध्यगेहरुचिरानन्दैकदेशास्पदम् ॥ ३९१२॥

bhāvāṣṭaṃ bhavabhāvayogajaḍitaṃ jāḍyāpahaṃ bhāsvaraṃnityaṃ śuddhaguṇaṃ gabhīradhiṣaṇāmodaikahetuṃ patim |kīrtikṣemakaraṃ mahābhayaharaṃ kāmādhidaivaṃ śivaṃtattatṣaḍdalamadhyageharucirānandaikadeśāspadam || 3912||

वन्दे श्रीपतिमच्युतं नरहरिं दैत्यारिशिक्ष्याकुलंगन्धर्वप्रभृतेः सुगायनरतं वंशीधरं भावदम् ।रत्नानामधिपं गतिस्थमचलं गोवर्धनाधारणंविश्वामित्रतपोधनादि मुनिभिः संसेवितं तैजसम् ॥ ३९१३॥

vande śrīpatimacyutaṃ narahariṃ daityāriśikṣyākulaṃgandharvaprabhṛteḥ sugāyanarataṃ vaṃśīdharaṃ bhāvadam |ratnānāmadhipaṃ gatisthamacalaṃ govardhanādhāraṇaṃviśvāmitratapodhanādi munibhiḥ saṃsevitaṃ taijasam || 3913||

वन्दे गोविन्दपादाम्बुजमजमजितं राजितं भक्तिमार्गेसत्त्वोत्पन्नं प्रभुत्वं परगणनमितं चारुमञ्जीरहारम् ।हंसाकारं धवलगरुडानन्दपृष्ठे निमग्नंबन्धूकारक्तसारान्वितचरणतलं सर्वदाशान्तरालम् ॥ ३९१४॥

vande govindapādāmbujamajamajitaṃ rājitaṃ bhaktimārgesattvotpannaṃ prabhutvaṃ paragaṇanamitaṃ cārumañjīrahāram |haṃsākāraṃ dhavalagaruḍānandapṛṣṭhe nimagnaṃbandhūkāraktasārānvitacaraṇatalaṃ sarvadāśāntarālam || 3914||

राकिण्याः प्रेमसिद्धं नववयसिगतं गीतवाद्यादिरागंरागोत्पन्नं सुफलगुणदं गोकुलानन्दचन्द्रम् ।वाणीलक्ष्मीप्रियं तं त्रिभुवनसुजनाह्लादकर्तारमाद्यंवन्दे सिद्धान्तसारं गतिनतिरहितं सारसङ्केतिताप्तम् ॥ ३९१५॥

rākiṇyāḥ premasiddhaṃ navavayasigataṃ gītavādyādirāgaṃrāgotpannaṃ suphalaguṇadaṃ gokulānandacandram |vāṇīlakṣmīpriyaṃ taṃ tribhuvanasujanāhlādakartāramādyaṃvande siddhāntasāraṃ gatinatirahitaṃ sārasaṅketitāptam || 3915||

कामं कामात्मकं तं विधुगतशिरसं कृष्णसम्बोधनान्तंबीजं कामं पुनस्तत् पुरुषसुरतरुं भावयित्वा भजेऽहम् ।श्रीकृष्णं कृष्णकृष्णं निरवधिसुखदं सुप्रकाशं प्रसन्नंस्वाधिष्ठानाख्यपद्मे मनसि गतो भवे सिद्धिस्थलस्थम् ॥ ३९१६॥

kāmaṃ kāmātmakaṃ taṃ vidhugataśirasaṃ kṛṣṇasambodhanāntaṃbījaṃ kāmaṃ punastat puruṣasurataruṃ bhāvayitvā bhaje'ham |śrīkṛṣṇaṃ kṛṣṇakṛṣṇaṃ niravadhisukhadaṃ suprakāśaṃ prasannaṃsvādhiṣṭhānākhyapadme manasi gato bhave siddhisthalastham || 3916||

आकाशे चारुपद्मे रसभयवलगं रक्तवर्णं प्रकाण्डंआत्मारामं नरेन्द्रं सकलरतिकरं कंसहन्तारमादिम् ।आद्यन्तस्थानहीनं विधिहरगमनं सेन्द्रनीलामलाभंभावोत्साहं त्रिसर्गस्थितिपरममरं भावये भावसिद्।ह्ध्यै ॥ ३९१७॥

ākāśe cārupadme rasabhayavalagaṃ raktavarṇaṃ prakāṇḍaṃātmārāmaṃ narendraṃ sakalaratikaraṃ kaṃsahantāramādim |ādyantasthānahīnaṃ vidhiharagamanaṃ sendranīlāmalābhaṃbhāvotsāhaṃ trisargasthitiparamamaraṃ bhāvaye bhāvasid|hdhyai || 3917||

सर्वेषां ज्ञानदानं रसदलकमले सर्वदा त्वं करोषिआत्मानन्दं सुधादिप्रियधनगुणिनामेकयोगप्रधानम् ।मायापूर्णः प्रचयनवरसः प्रीतिदेशः प्रभेकःश्रीराजाख्यः प्रपूर्णः मयि धनरहिते दृष्टिपातं भवादौ ॥ ३९१८॥

sarveṣāṃ jñānadānaṃ rasadalakamale sarvadā tvaṃ karoṣiātmānandaṃ sudhādipriyadhanaguṇināmekayogapradhānam |māyāpūrṇaḥ pracayanavarasaḥ prītideśaḥ prabhekaḥśrīrājākhyaḥ prapūrṇaḥ mayi dhanarahite dṛṣṭipātaṃ bhavādau || 3918||

काली श्रीकुण्डलिन्याः परगृहनिरतं भावकब्रह्मरूपम् ।मुक्तिच्छत्रं पुरेशं निजधनसुखं भार्यया क्रीडयन्तम् ।सभाक्षेत्रं नेत्रं नयमानमयमत्पुरसंस्थाभिषेकम् ॥ ३९१९॥

kālī śrīkuṇḍalinyāḥ paragṛhanirataṃ bhāvakabrahmarūpam |mukticchatraṃ pureśaṃ nijadhanasukhaṃ bhāryayā krīḍayantam |sabhākṣetraṃ netraṃ nayamānamayamatpurasaṃsthābhiṣekam || 3919||

ध्यात्वाऽहं प्रणमामि सूक्ष्मकमले लोकाधिपं व्याधिपंवैकुण्ठं कृष्णमीडे कुरुभवविभवक्षेमहन्तारमन्तम् ।शान्तानां ज्ञानगम्यं स्वनयनकमले पालयन्तं त्रिमार्गंवज्रारिं पूतनारिं द्वयवकनरकध्वान्तसंहारसूरम् ॥ ३९२०॥

dhyātvā'haṃ praṇamāmi sūkṣmakamale lokādhipaṃ vyādhipaṃvaikuṇṭhaṃ kṛṣṇamīḍe kurubhavavibhavakṣemahantāramantam |śāntānāṃ jñānagamyaṃ svanayanakamale pālayantaṃ trimārgaṃvajrāriṃ pūtanāriṃ dvayavakanarakadhvāntasaṃhārasūram || 3920||

मान्यं लोकेषु सर्वेष्वतिशयमनसं केवलं निर्मलञ्चओङ्कारं कारणाख्यं सुगतिमतिमतां मातृकामन्त्रसिद्धम् ।सिद्धानामादिसिद्धं सुररिपुशमनं कालरूपं रिपूणां वर् सुररिपुममलंमूलोर्ध्वे षड्दलान्ते मनसि सुविमले पूरयित्वा मुकुन्दम् ॥ ३९२१॥

mānyaṃ lokeṣu sarveṣvatiśayamanasaṃ kevalaṃ nirmalañcaoṅkāraṃ kāraṇākhyaṃ sugatimatimatāṃ mātṛkāmantrasiddham |siddhānāmādisiddhaṃ suraripuśamanaṃ kālarūpaṃ ripūṇāṃ var suraripumamalaṃmūlordhve ṣaḍdalānte manasi suvimale pūrayitvā mukundam || 3921||

नित्यं सम्भावयेऽहं निजतनुसमता सिद्धये पूजयामि ।त्वं साक्षादखिलेश्वरः प्रियकरः श्रीलोकहस्तार्चितः ।क्षोणीशः प्रलयात्मकः प्रतिगुणी ज्ञानी त्वमेको महान् ॥ ३९२२॥

nityaṃ sambhāvaye'haṃ nijatanusamatā siddhaye pūjayāmi |tvaṃ sākṣādakhileśvaraḥ priyakaraḥ śrīlokahastārcitaḥ |kṣoṇīśaḥ pralayātmakaḥ pratiguṇī jñānī tvameko mahān || 3922||

यद्येवं मम पामरस्य कलुषं श्रीधर्महीनान्दितंकृत्वा पादतले यदीह नियतं व्यारक्ष रक्षात्मगम् ।राधाकृष्णपदामलाम्बुजतलं चैतन्यमुक्त्याकुलंसर्वत्रादिगमागमं त्रिगमनं निर्वाणमोक्षाश्रयम् ॥ ३९२३॥

yadyevaṃ mama pāmarasya kaluṣaṃ śrīdharmahīnānditaṃkṛtvā pādatale yadīha niyataṃ vyārakṣa rakṣātmagam |rādhākṛṣṇapadāmalāmbujatalaṃ caitanyamuktyākulaṃsarvatrādigamāgamaṃ trigamanaṃ nirvāṇamokṣāśrayam || 3923||

बालं वैरिविनाशनं सुखमयं कैवल्यमोक्षास्पदंदैवं देवगणार्चितं रसदले चारोपयामि प्रभो ।निर्द्दिष्टं भुवनाश्रयं यतिपतिं निर्वाणमोक्षस्थितंनिर्वाणादिकमोदने प्रचपलं श्रीचञ्चलासङ्कुलम् ॥ ३९२४॥

bālaṃ vairivināśanaṃ sukhamayaṃ kaivalyamokṣāspadaṃdaivaṃ devagaṇārcitaṃ rasadale cāropayāmi prabho |nirddiṣṭaṃ bhuvanāśrayaṃ yatipatiṃ nirvāṇamokṣasthitaṃnirvāṇādikamodane pracapalaṃ śrīcañcalāsaṅkulam || 3924||

वन्देऽहं परमेश्वरं सकलदैत्यानां बलप्राणहम् ।हंसारूढनिरक्षणं क्षणगतं वाणीपतिं भूपतिम् ।वाञ्छाकल्पलतापतिं कुलपतिं विद्यापतिं गोपतिम् ॥ ३९२५॥

vande'haṃ parameśvaraṃ sakaladaityānāṃ balaprāṇaham |haṃsārūḍhanirakṣaṇaṃ kṣaṇagataṃ vāṇīpatiṃ bhūpatim |vāñchākalpalatāpatiṃ kulapatiṃ vidyāpatiṃ gopatim || 3925||

श्रीविद्यापतिमादिदेवपुरुषं विश्वेश्वरप्रेमगम् ।श्रीकुम्भोद्भवकालसत्त्वनिकरं त्वां भास्करं भावये ।सिद्धानामभिचिह्नयोगनिरतं रक्ष त्वमादौ हि माम् ॥ ३९२६॥

śrīvidyāpatimādidevapuruṣaṃ viśveśvarapremagam |śrīkumbhodbhavakālasattvanikaraṃ tvāṃ bhāskaraṃ bhāvaye |siddhānāmabhicihnayoganirataṃ rakṣa tvamādau hi mām || 3926||

प्रभो निःसङ्केतं गुणमणिमतं श्रेयसि मतम् ।मतामन्तः सुस्थं विगलितमहाप्रेमसुरसम् ।मुदा वन्दे कृष्णं हरकरतलाम्भोजयजितम् ॥ ३९२७॥

prabho niḥsaṅketaṃ guṇamaṇimataṃ śreyasi matam |matāmantaḥ susthaṃ vigalitamahāpremasurasam |mudā vande kṛṣṇaṃ harakaratalāmbhojayajitam || 3927||

प्रभापुञ्जं रामाश्रयपदमदं कामकुशलंमहामन्त्रच्छायां रजनिमिलितं ध्वान्तजडितम् ।त्रिकोणस्थं कुस्थं कुगतिसुगतिं कारणगतिंप्रलीनं संस्थानं जगति जगतां धर्ममुदयम् ॥ ३९२८॥

prabhāpuñjaṃ rāmāśrayapadamadaṃ kāmakuśalaṃmahāmantracchāyāṃ rajanimilitaṃ dhvāntajaḍitam |trikoṇasthaṃ kusthaṃ kugatisugatiṃ kāraṇagatiṃpralīnaṃ saṃsthānaṃ jagati jagatāṃ dharmamudayam || 3928||

रमेशं वाणीशं विधिगतपदं शम्भुनिगतंत्रिकालं योगानां नयनकमलं शब्दनिरतम् ।कुलानन्दं गोपीजनहृदयगं गोपियजितंविधानं त्वामिन्द्रं गुरुतरमुपेन्द्रं हरिरिपुम् ॥ ३९२९॥

rameśaṃ vāṇīśaṃ vidhigatapadaṃ śambhunigataṃtrikālaṃ yogānāṃ nayanakamalaṃ śabdaniratam |kulānandaṃ gopījanahṛdayagaṃ gopiyajitaṃvidhānaṃ tvāmindraṃ gurutaramupendraṃ hariripum || 3929||

मुदा त्वां वन्देऽहं चपलं तां मे नवहवे ।कुलालापश्रद्धामयमखिलसिद्धिप्रदमनम् ।मलातीतं नीतं सुरनरसतां शास्त्रभवनम् ॥ ३९३०॥

mudā tvāṃ vande'haṃ capalaṃ tāṃ me navahave |kulālāpaśraddhāmayamakhilasiddhipradamanam |malātītaṃ nītaṃ suranarasatāṃ śāstrabhavanam || 3930||

विनोदं नारीणां हृदयरसिकं शोकरहितम् ।विराजं यज्ञानां हितमतिगुणं यामि शरणम् ॥ ३९३१॥

vinodaṃ nārīṇāṃ hṛdayarasikaṃ śokarahitam |virājaṃ yajñānāṃ hitamatiguṇaṃ yāmi śaraṇam || 3931||

एतत्सम्बन्धमात्री मम कुलशिरसि स्थायिनं पातु नित्यंगोपीनां प्राणनाथः प्रतिदिनमनिशं भालदेशं प्रपायात् ।भालाधोदेशसंस्थं समवतु सहसा राजराजेश्वरेशःगोपान्वन्वो सुरेशः स्थित्यन्तशास्त्रनेत्रंसुखमखिलभवः कण्ठच्छत्राभिसंस्थम् ॥ ३९३२॥ (सुखमखिलमयः)

etatsambandhamātrī mama kulaśirasi sthāyinaṃ pātu nityaṃgopīnāṃ prāṇanāthaḥ pratidinamaniśaṃ bhāladeśaṃ prapāyāt |bhālādhodeśasaṃsthaṃ samavatu sahasā rājarājeśvareśaḥgopānvanvo sureśaḥ sthityantaśāstranetraṃsukhamakhilabhavaḥ kaṇṭhacchatrābhisaṃstham || 3932|| (sukhamakhilamayaḥ)

पृष्ठस्थं पातु शौरिः प्रतिदिनममरो लिङ्गबाह्यं कटिस्थंशम्भुप्रेमाभिलाषी मम तु कुलपदं गुह्यदेशं प्रपायात् ।आनन्दोद्रेककारी सकलतनुगतं पातु नित्यं मुरारिःदैत्यारिश्चोरुमूलं नृहरिरवतु मे जङ्घया पादपद्मम् ॥ ३९३३॥ (नरहरिवताजङ्घ्या)

pṛṣṭhasthaṃ pātu śauriḥ pratidinamamaro liṅgabāhyaṃ kaṭisthaṃśambhupremābhilāṣī mama tu kulapadaṃ guhyadeśaṃ prapāyāt |ānandodrekakārī sakalatanugataṃ pātu nityaṃ murāriḥdaityāriścorumūlaṃ nṛhariravatu me jaṅghayā pādapadmam || 3933|| (naraharivatājaṅghyā)

एतत्स्तोत्रं पठेद्विद्वान् नियतो भक्तिमान् शुचिः ।स्थिरो भवति मासेन षड्दले सर्वसिद्धिभाक् ॥ ३९३४॥

etatstotraṃ paṭhedvidvān niyato bhaktimān śuciḥ |sthiro bhavati māsena ṣaḍdale sarvasiddhibhāk || 3934||

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणेषट्चक्रप्रकाशे भैरवभैरवीसंवादे श्रीकृष्णस्तवनकवचंनामैकोनचत्वारिंशत्तमः पटलः ॥ ३९॥

iti śrīrudrayāmale uttaratantre mahātantroddīpane siddhamantraprakaraṇeṣaṭcakraprakāśe bhairavabhairavīsaṃvāde śrīkṛṣṇastavanakavacaṃnāmaikonacatvāriṃśattamaḥ paṭalaḥ || 39||

ऱुद्रयमल उत्तरतन्त्र।

rudrayamala uttaratantra|