शारदामातृषोडशिका Shri Sharadamatri Sho.dashika

श्रीरामश्यामागतदेहाऽतुल्यकन्यकाभावदर्शिनीसुस्निग्धज्येष्ठ स्वसृरूपा प्रायशोऽखिलग्रामवासिनाम् ।जायाऽपि ब्रह्मव्रतनिष्ठा भर्तृदिव्यभावप्रकाशिनीदेवी त्वं माता सकलानां सङ्घपालिकां पापहारिणी ॥ १॥

śrīrāmaśyāmāgatadehā'tulyakanyakābhāvadarśinīsusnigdhajyeṣṭha svasṛrūpā prāyaśo'khilagrāmavāsinām |jāyā'pi brahmavrataniṣṭhā bhartṛdivyabhāvaprakāśinīdevī tvaṃ mātā sakalānāṃ saṅghapālikāṃ pāpahāriṇī || 1||

साक्षान्माया मायाविष्टाऽसामान्याऽपि त्वं सामान्या ।विद्यान्यूर्ना ग्राम्याऽपि त्वं ब्रह्मज्ञानादर्शप्राणा ॥ २॥

sākṣānmāyā māyāviṣṭā'sāmānyā'pi tvaṃ sāmānyā |vidyānyūrnā grāmyā'pi tvaṃ brahmajñānādarśaprāṇā || 2||

शारदे ! सारदात्री त्वं सदा विश्वार्तिहारिणी ।गूढरूपे ! महादेवि ! कस्त्वां स्तोतुमिहाऽर्हति ॥ ३॥

śārade ! sāradātrī tvaṃ sadā viśvārtihāriṇī |gūḍharūpe ! mahādevi ! kastvāṃ stotumihā'rhati || 3||

दीनवेशा पतिप्राणा सर्वंसहा धरेव तु ।राजराजेश्वरी हि त्वं कस्त्वां स्तोतुमिहाऽर्हति ॥ ४॥

dīnaveśā patiprāṇā sarvaṃsahā dhareva tu |rājarājeśvarī hi tvaṃ kastvāṃ stotumihā'rhati || 4||

अजनयन्त्यापि स्वीयान् मानवीव तु गर्भजान् ।जननी सर्वजीवानां कस्त्वां स्तोतुमिहाऽर्हति ॥ ५॥

ajanayantyāpi svīyān mānavīva tu garbhajān |jananī sarvajīvānāṃ kastvāṃ stotumihā'rhati || 5||

गलितस्नेहधाराऽपि बगलारूपधारिणी ।धृतजिह्वा प्रमत्तस्य कस्त्वां स्तोतुमिहाऽर्हति ॥ ६॥

galitasnehadhārā'pi bagalārūpadhāriṇī |dhṛtajihvā pramattasya kastvāṃ stotumihā'rhati || 6||

अकिञ्चनाऽपि मातस्त्वं त्यक्तवित्तैषणा स्वतः ।दर्शितत्यागनिष्ठाहो कस्त्वां स्तोतुमिहाऽर्हति ॥ ७॥

akiñcanā'pi mātastvaṃ tyaktavittaiṣaṇā svataḥ |darśitatyāganiṣṭhāho kastvāṃ stotumihā'rhati || 7||

नारीरूपधराऽपित्वं पुंस्त्रीधर्मोपदेशिनी ।कामिनीत्यागवक्त्री च कस्त्वां स्तोतुमिहाऽर्हति ॥ ८॥

nārīrūpadharā'pitvaṃ puṃstrīdharmopadeśinī |kāminītyāgavaktrī ca kastvāṃ stotumihā'rhati || 8||

भार्याऽपि स्वामिनं देवं काली'ति संलपन्त्यभूः ।प्रयाणसमये मातः! कस्त्वां स्तोतुमिहार्हति ॥ ९॥

bhāryā'pi svāminaṃ devaṃ kālī'ti saṃlapantyabhūḥ |prayāṇasamaye mātaḥ! kastvāṃ stotumihārhati || 9||

योगाश्रमे स्वयं मातरभ्यर्च्याऽहो निजाकृतिम् ।नाथालेख्येन साकन्त्वभेदकाष्ठां परां गताः ॥ १०॥

yogāśrame svayaṃ mātarabhyarcyā'ho nijākṛtim |nāthālekhyena sākantvabhedakāṣṭhāṃ parāṃ gatāḥ || 10||

शक्तिमता यथा शक्तिस्तादात्म्यरूपतः स्थिता ।तथा त्वं रामकृष्णेण कस्त्वां स्तोतुमिहाऽर्हति ॥ ११॥

śaktimatā yathā śaktistādātmyarūpataḥ sthitā |tathā tvaṃ rāmakṛṣṇeṇa kastvāṃ stotumihā'rhati || 11||

भार्या देवीश्वरी माता श्रीरामकृष्ण देवतः ।अमेय भावरूपा त्वं कस्त्वां स्तोतुमिहाऽर्हति ॥ १२॥

bhāryā devīśvarī mātā śrīrāmakṛṣṇa devataḥ |ameya bhāvarūpā tvaṃ kastvāṃ stotumihā'rhati || 12||

हे मातः शारदे! श्री रामकृष्णपूजिते!मां रक्षाऽनाथकं दीनार्तसेवकं भवे ।संसारव्याकुलं भीतं चिरं भवाऽर्णवे ।मग्नं मोहप्रदे याचे कृपालवं नु ते ॥ १३॥

he mātaḥ śārade! śrī rāmakṛṣṇapūjite!māṃ rakṣā'nāthakaṃ dīnārtasevakaṃ bhave |saṃsāravyākulaṃ bhītaṃ ciraṃ bhavā'rṇave |magnaṃ mohaprade yāce kṛpālavaṃ nu te || 13||

त्वं दुर्गा कालिका चण्डी महासरस्वतीदेवी विद्या परासृष्टिस्थिति प्रणाशकृत् ।आद्या शक्तिः रथो धात्री महारमाऽसि मेतत्त्वं को वेत्ति ते श्रीरामकृष्ण एव वै ॥ १४॥

tvaṃ durgā kālikā caṇḍī mahāsarasvatīdevī vidyā parāsṛṣṭisthiti praṇāśakṛt |ādyā śaktiḥ ratho dhātrī mahāramā'si metattvaṃ ko vetti te śrīrāmakṛṣṇa eva vai || 14||

ॐऐंह्रींबीजप्रतिपाद्ये ! सर्वदेवदेवीस्वरूपिणी !मातस्त्वं को नु प्रणमेन्न क्षौणिमण्डले मङ्गलक्रमः ।वक्तुं नालं कोऽपि सुमेधास्ते विचित्रलीलासुवैभवंकालग्रस्तं माऽतिविमूढं रक्षदेवि ! सर्वार्थ साधिके ॥ १५॥

oṃaiṃhrīṃbījapratipādye ! sarvadevadevīsvarūpiṇī !mātastvaṃ ko nu praṇamenna kṣauṇimaṇḍale maṅgalakramaḥ |vaktuṃ nālaṃ ko'pi sumedhāste vicitralīlāsuvaibhavaṃkālagrastaṃ mā'tivimūḍhaṃ rakṣadevi ! sarvārtha sādhike || 15||

नूमः सर्वाधारां प्रणतजनसंसारतरणींजगन्मातृत्वे वै फलहरण काल्यर्चन तिथौ ।स्तुतां देवीं पत्या निखिल मनुजानां पर हितेरतां दिव्याचारां सकल वरदां शारदामणिम् ॥ १६॥

nūmaḥ sarvādhārāṃ praṇatajanasaṃsārataraṇīṃjaganmātṛtve vai phalaharaṇa kālyarcana tithau |stutāṃ devīṃ patyā nikhila manujānāṃ para hiteratāṃ divyācārāṃ sakala varadāṃ śāradāmaṇim || 16||

इति श्रीजगन्नाथदेवशर्मणा विरचिता श्रीश्रीशारदामातृषोडशिका समाप्ता ।

iti śrījagannāthadevaśarmaṇā viracitā śrīśrīśāradāmātṛṣoḍaśikā samāptā |