शङ्कराचार्यस्तुतिः Shri Shankaracharya Stuti

श्रीमद्भगवत्पूज्यपदेश्वर । वैदिकमार्गस्थापक शङ्कर ।शिवावतार श्रीमच्छङ्कर । किङ्कर हरहर त्राहि यतीश्वर ॥ १॥

śrīmadbhagavatpūjyapadeśvara | vaidikamārgasthāpaka śaṅkara |śivāvatāra śrīmacchaṅkara | kiṅkara harahara trāhi yatīśvara || 1||

शिवसद्गुरुगृहावतीर्ण मोहान्तक जनशिक्षक तारक दान्त ।खण्डितपण्डितसंहतिमण्डित । मण्डनपण्डितदुर्मतशान्त ।श्रीमद्भगवत्पूज्यपदेश्वर । (किङ्कर हरहर त्राहि यतीश्वर) ॥ २॥

śivasadgurugṛhāvatīrṇa mohāntaka janaśikṣaka tāraka dānta |khaṇḍitapaṇḍitasaṃhatimaṇḍita | maṇḍanapaṇḍitadurmataśānta |śrīmadbhagavatpūjyapadeśvara | (kiṅkara harahara trāhi yatīśvara) || 2||

विजितासङ्गतशास्त्रासम्मतसौगतबौद्धादिकराद्धान्त ।प्रस्थानत्रयभाष्यकृदद्वयमतसंस्थापक दृढमतसिद्धान्त ॥ ३॥

vijitāsaṅgataśāstrāsammatasaugatabauddhādikarāddhānta |prasthānatrayabhāṣyakṛdadvayamatasaṃsthāpaka dṛḍhamatasiddhānta || 3||

वृषभूकमठान्यो दिक्षु मठान् । कृत्वा चतुरस्तत्र चतुरः ।सुरेश्वरार्यप्रमुखान् चतुरानयोजयद्यो शिष्यांश्चतुरः ॥ ४॥

vṛṣabhūkamaṭhānyo dikṣu maṭhān | kṛtvā caturastatra caturaḥ |sureśvarāryapramukhān caturānayojayadyo śiṣyāṃścaturaḥ || 4||

श्रीमत्परमहंसपरिव्राजकश्रीमच्छङ्कराचार्यमशोकम् ।वासुदेवयतिर्भक्त्या नमति । स्तुत्वा यथामति पावितलोकम् ॥ ५॥

śrīmatparamahaṃsaparivrājakaśrīmacchaṅkarācāryamaśokam |vāsudevayatirbhaktyā namati | stutvā yathāmati pāvitalokam || 5||

इति श्रीवासुदेवानन्दसरस्वतीविरचिता श्रीशङ्कराचार्यस्तुतिः सम्पूर्णा ।

iti śrīvāsudevānandasarasvatīviracitā śrīśaṅkarācāryastutiḥ sampūrṇā |