शङ्कराचार्याष्टोत्तरशतनामस्तोत्रम् Shri Shankaracharya Stotra of 108 Names

श्रीशङ्कराचार्यवर्यो ब्रह्मानन्दप्रदायकः ।अज्ञानतिमिरादित्यस्सुज्ञानाम्बुधिचन्द्रमाः ॥ १॥

śrīśaṅkarācāryavaryo brahmānandapradāyakaḥ |ajñānatimirādityassujñānāmbudhicandramāḥ || 1||

वर्णाश्रमप्रतिष्ठाता श्रीमान्मुक्तिप्रदायकः ।शिष्योपदेशनिरतो भक्ताभीष्टप्रदायकः ॥ २॥

varṇāśramapratiṣṭhātā śrīmānmuktipradāyakaḥ |śiṣyopadeśanirato bhaktābhīṣṭapradāyakaḥ || 2||

सूक्ष्मतत्त्वरहस्यज्ञः कार्याकार्यप्रबोधकः ।ज्ञानमुद्राञ्चितकरश्-शिष्यहृत्तापहारकः ॥ ३॥

sūkṣmatattvarahasyajñaḥ kāryākāryaprabodhakaḥ |jñānamudrāñcitakaraś-śiṣyahṛttāpahārakaḥ || 3||

परिव्राजाश्रमोद्धर्ता सर्वतन्त्रस्वतन्त्रधीः ।अद्वैतस्थापनाचार्यस्साक्षाच्छङ्कररूपभृत् ॥ ४॥

parivrājāśramoddhartā sarvatantrasvatantradhīḥ |advaitasthāpanācāryassākṣācchaṅkararūpabhṛt || 4||

षन्मतस्थापनाचार्यस्त्रयीमार्ग प्रकाशकः ।वेदवेदान्ततत्त्वज्ञो दुर्वादिमतखण्डनः ॥ ५॥

ṣanmatasthāpanācāryastrayīmārga prakāśakaḥ |vedavedāntatattvajño durvādimatakhaṇḍanaḥ || 5||

वैराग्यनिरतश्शान्तस्संसारार्णवतारकः ।प्रसन्नवदनाम्भोजः परमार्थप्रकाशकः ॥ ६॥

vairāgyanirataśśāntassaṃsārārṇavatārakaḥ |prasannavadanāmbhojaḥ paramārthaprakāśakaḥ || 6||

पुराणस्मृतिसारज्ञो नित्यतृप्तो महाञ्छुचिः ।नित्यानन्दो निरातङ्को निस्सङ्गो निर्मलात्मकः ॥ ७॥

purāṇasmṛtisārajño nityatṛpto mahāñchuciḥ |nityānando nirātaṅko nissaṅgo nirmalātmakaḥ || 7||

निर्ममो निरहङ्कारो विश्ववन्द्यपदाम्बुजः ।सत्त्वप्रधानस्सद्भावस्सङ्ख्यातीतगुणोज्ज्वलः ॥ ८॥

nirmamo nirahaṅkāro viśvavandyapadāmbujaḥ |sattvapradhānassadbhāvassaṅkhyātītaguṇojjvalaḥ || 8||

अनघस्सारहृदयस्सुधीसारस्वतप्रदः ।सत्यात्मा पुण्यशीलश्च साङ्ख्ययोगविलक्षणः ॥ ९॥ वर् विचक्षणः

anaghassārahṛdayassudhīsārasvatapradaḥ |satyātmā puṇyaśīlaśca sāṅkhyayogavilakṣaṇaḥ || 9|| var vicakṣaṇaḥ

तपोराशिर् महातेजो गुणत्रयविभागवित् ।कलिघ्नः कालकर्मज्ञस्तमोगुणनिवारकः ॥ १०॥ वर् कालधर्म

taporāśir mahātejo guṇatrayavibhāgavit |kalighnaḥ kālakarmajñastamoguṇanivārakaḥ || 10|| var kāladharma

भगवान्भारतीजेता शारदाह्वानपण्डितः ।धर्माधर्मविभावज्ञो लक्ष्यभेदप्रदर्शकः ॥ ११॥

bhagavānbhāratījetā śāradāhvānapaṇḍitaḥ |dharmādharmavibhāvajño lakṣyabhedapradarśakaḥ || 11||

नादबिन्दुकलाभिज्ञो योगिहृत्पद्मभास्करः ।अतीन्द्रियज्ञाननिधिर्नित्यानित्यविवेकवान् ॥ १२॥

nādabindukalābhijño yogihṛtpadmabhāskaraḥ |atīndriyajñānanidhirnityānityavivekavān || 12||

चिदानन्दश्चिन्मयात्मा परकायप्रवेशकृत् ।अमानुषचरित्राढ्यः क्षेमदायी क्षमाकरः ॥ १३॥

cidānandaścinmayātmā parakāyapraveśakṛt |amānuṣacaritrāḍhyaḥ kṣemadāyī kṣamākaraḥ || 13||

भव्यो भद्रप्रदो भूरिमहिमा विश्वरञ्जकः । वर् भवोस्वप्रकाशस्सदाधारो विश्वबन्धुश्शुभोदयः ॥ १४॥

bhavyo bhadraprado bhūrimahimā viśvarañjakaḥ | var bhavosvaprakāśassadādhāro viśvabandhuśśubhodayaḥ || 14||

विशालकीर्तिर्वागीशस्सर्वलोकहितोत्सुकः ।कैलासयात्रसम्प्राप्तचन्द्रमौलिप्रपूजकः ॥ १५॥

viśālakīrtirvāgīśassarvalokahitotsukaḥ |kailāsayātrasamprāptacandramauliprapūjakaḥ || 15||

काञ्च्यां श्रीचक्रराजाख्ययन्त्रस्थापनदीक्षितः ।श्रीचक्रात्मक ताटङ्क तोषिताम्बा मनोरथः ॥ १६॥

kāñcyāṃ śrīcakrarājākhyayantrasthāpanadīkṣitaḥ |śrīcakrātmaka tāṭaṅka toṣitāmbā manorathaḥ || 16||

ब्रह्मसूत्रोपनिषद्भाष्यादिग्रन्थकल्पकः ।चतुर्दिक्चतुराम्नायप्रतिष्ठाता महामतिः ॥ १७॥

brahmasūtropaniṣadbhāṣyādigranthakalpakaḥ |caturdikcaturāmnāyapratiṣṭhātā mahāmatiḥ || 17||

द्विसप्ततिमतोच्छेत्ता सर्वदिग्विजयप्रभुः ।काषायवसनोपेतो भस्मोद्धूळितविग्रहः ॥ १८॥

dvisaptatimatocchettā sarvadigvijayaprabhuḥ |kāṣāyavasanopeto bhasmoddhūḷitavigrahaḥ || 18||

ज्ञानात्मकैकदण्डाढ्यः कमण्डलुलसत्करः ।व्याससन्दर्शनप्रीतो भगवत्पादसंज्ञकः ॥ १९॥

jñānātmakaikadaṇḍāḍhyaḥ kamaṇḍalulasatkaraḥ |vyāsasandarśanaprīto bhagavatpādasaṃjñakaḥ || 19||

सौन्दर्यलहरीमुख्यबहुस्तोत्रविधायकः ।चतुष्षष्टिकलाभिज्ञो ब्रह्मराक्षसपोषकः ॥ २०॥

saundaryalaharīmukhyabahustotravidhāyakaḥ |catuṣṣaṣṭikalābhijño brahmarākṣasapoṣakaḥ || 20||

श्रीमन्मण्डनमिश्राख्यस्वयम्भूजयसन्नुतः ।तोटकाचार्यसम्पूज्य पद्मपादर्चिताङ्घ्रिकः ॥ २१॥

śrīmanmaṇḍanamiśrākhyasvayambhūjayasannutaḥ |toṭakācāryasampūjya padmapādarcitāṅghrikaḥ || 21||

हस्तामलयोगीन्द्र ब्रह्मज्ञानप्रदायकः ।सुरेश्वराख्यसच्छिष्य संन्यासाश्रमदायकः ॥ २२॥

hastāmalayogīndra brahmajñānapradāyakaḥ |sureśvarākhyasacchiṣya saṃnyāsāśramadāyakaḥ || 22||

निर्व्याजकरुणामूर्तिः जगत्पूज्यो जगद्गुरुः ।भेरीपटहवाद्यादिराजलक्षणलक्षितः ॥ २३॥

nirvyājakaruṇāmūrtiḥ jagatpūjyo jagadguruḥ |bherīpaṭahavādyādirājalakṣaṇalakṣitaḥ || 23||

सकृत्स्मरणसन्तुष्टः सर्वज्ञो ज्ञानदायकः ।इति श्रीमच्छङ्करार्यसर्वलोकगुरोः परम् ॥ २४॥

sakṛtsmaraṇasantuṣṭaḥ sarvajño jñānadāyakaḥ |iti śrīmacchaṅkarāryasarvalokaguroḥ param || 24||

ज्ञानात्मकैकदण्डाढ्यः कमण्डलुलसत्करः ।गुरुभूमण्डलाचार्यो भगवत्पादसंज्ञकः ॥ १९॥

jñānātmakaikadaṇḍāḍhyaḥ kamaṇḍalulasatkaraḥ |gurubhūmaṇḍalācāryo bhagavatpādasaṃjñakaḥ || 19||

व्याससन्दर्शनप्रीतः ऋष्यशृङ्गपुरेश्वरः ।सौन्दर्यलहरीमुख्यबहुस्तोत्रविधायकः ॥ २०॥

vyāsasandarśanaprītaḥ ṛṣyaśṛṅgapureśvaraḥ |saundaryalaharīmukhyabahustotravidhāyakaḥ || 20||

चतुष्षष्टिकलाभिज्ञो ब्रह्मराक्षसपोषकः ।श्रीमन्मण्डनमिश्राख्यस्वयम्भूजयसन्नुतः ॥ २१॥

catuṣṣaṣṭikalābhijño brahmarākṣasapoṣakaḥ |śrīmanmaṇḍanamiśrākhyasvayambhūjayasannutaḥ || 21||

तोटकाचार्यसम्पूज्य पद्मपादर्चिताङ्घ्रिकः ।हस्तामलयोगिन्द्र ब्रह्मज्ञानप्रदायकः ॥ २२॥

toṭakācāryasampūjya padmapādarcitāṅghrikaḥ |hastāmalayogindra brahmajñānapradāyakaḥ || 22||

सुरेश्वराख्यसच्छिष्य संन्यासाश्रमदायकः ।नृसिंहभक्तस्सद्रत्नगर्भहेरम्बपूजकः ॥ २३॥

sureśvarākhyasacchiṣya saṃnyāsāśramadāyakaḥ |nṛsiṃhabhaktassadratnagarbhaherambapūjakaḥ || 23||

व्याख्यसिंहासनाधीशो जगत्पूज्यो जगद्गुरुः ।इति श्रीमच्छङ्कराचार्यसर्वलोकगुरोः परम् ॥ २४॥

vyākhyasiṃhāsanādhīśo jagatpūjyo jagadguruḥ |iti śrīmacchaṅkarācāryasarvalokaguroḥ param || 24||

नाम्नामष्टोत्तरशतं भुक्तिमुक्तिफलप्रदम् ।त्रिसन्ध्यं यः पठेद्भक्त्या सर्वान्कामानवाप्नुयात् ॥ २५॥

nāmnāmaṣṭottaraśataṃ bhuktimuktiphalapradam |trisandhyaṃ yaḥ paṭhedbhaktyā sarvānkāmānavāpnuyāt || 25||

इति श्रीमच्छङ्कराचार्याष्टोत्तरशतनामस्तोत्रम् ॥

iti śrīmacchaṅkarācāryāṣṭottaraśatanāmastotram ||