शंकराचार्य भुजङ्गप्रयाताष्टकम् Shri Shankaracharya Bhujangaprayata Ashtakam

सपत्नीकविप्रेन्द्रभक्तिप्रकाशंनवादित्यसङ्काशमन्तर्विकाशम् ।धराभारसंहारकं देवदेवंभजे शङ्करं देशिकेन्द्रं वरेण्यम् ॥ १॥

sapatnīkaviprendrabhaktiprakāśaṃnavādityasaṅkāśamantarvikāśam |dharābhārasaṃhārakaṃ devadevaṃbhaje śaṅkaraṃ deśikendraṃ vareṇyam || 1||

श्रुतिप्रोक्तसद्धर्मरक्षावतारंमहामोहसन्दोहसन्तापहारम् ।जगद्वन्द्यपादं सदाद्वैतवादंभजे शङ्करं देशिकेन्द्रं वरेण्यम् ॥ २॥

śrutiproktasaddharmarakṣāvatāraṃmahāmohasandohasantāpahāram |jagadvandyapādaṃ sadādvaitavādaṃbhaje śaṅkaraṃ deśikendraṃ vareṇyam || 2||

त्रितापाग्निदग्धाकुलान् जीवसङ्घान्कृपासारधाराभिसंप्लावयन्तम् ।क्षमामण्डनं मण्डनाचार्यपूज्यंभजे शङ्करं देशिकेन्द्रं वरेण्यम् ॥ ३॥

tritāpāgnidagdhākulān jīvasaṅghānkṛpāsāradhārābhisaṃplāvayantam |kṣamāmaṇḍanaṃ maṇḍanācāryapūjyaṃbhaje śaṅkaraṃ deśikendraṃ vareṇyam || 3||

जगन्मङ्गलं ज्ञानविज्ञानतृप्तंगुणातीतमद्वैततत्त्वप्रदीप्तम् ।प्रसन्नं प्रकृष्टं शरण्यं गरिष्ठंभजे शङ्करं देशिकेन्द्रं वरेण्यम् ॥ ४॥

jaganmaṅgalaṃ jñānavijñānatṛptaṃguṇātītamadvaitatattvapradīptam |prasannaṃ prakṛṣṭaṃ śaraṇyaṃ gariṣṭhaṃbhaje śaṅkaraṃ deśikendraṃ vareṇyam || 4||

महावाक्यपीयूषदाने प्रदक्षंविनेयाभिसन्तापनाशे सुदक्षम् ।प्रसन्नाम्बुजाक्षं सदा मे समक्षंभजे शङ्करं देशिकेन्द्रं वरेण्यम् ॥ ५॥

mahāvākyapīyūṣadāne pradakṣaṃvineyābhisantāpanāśe sudakṣam |prasannāmbujākṣaṃ sadā me samakṣaṃbhaje śaṅkaraṃ deśikendraṃ vareṇyam || 5||

प्रपन्नार्त्तहृद्ध्वान्तनाशे प्रदान्तंप्रसन्नाभिसौम्यातिसौम्यं प्रशान्तम् ।चिदानन्दसन्मात्रमूर्तिं सुकान्तंभजे शङ्करं देशिकेन्द्रं वरेण्यम् ॥ ६॥

prapannārttahṛddhvāntanāśe pradāntaṃprasannābhisaumyātisaumyaṃ praśāntam |cidānandasanmātramūrtiṃ sukāntaṃbhaje śaṅkaraṃ deśikendraṃ vareṇyam || 6||

श्रुतेर्भाष्यभासा समुद्भासयन्तंविपक्षान् स्वपक्षान् सदा कारयन्तम् ।स्वशिष्यान् सुयोग्यान् मुदा वोचयन्तंभजे शङ्करं देशिकेन्द्रं वरेण्यम् ॥ ७॥

śruterbhāṣyabhāsā samudbhāsayantaṃvipakṣān svapakṣān sadā kārayantam |svaśiṣyān suyogyān mudā vocayantaṃbhaje śaṅkaraṃ deśikendraṃ vareṇyam || 7||

चतुर्वेदरूपान् स्वरूपान् स्वशिष्यान्सुरेशाब्जपादादिसंज्ञान् वरिष्ठान् ।चतुर्दिक्षु संस्थापयन्तं शरण्यंभजे शङ्करं देशिकेन्द्रं वरेण्यम् ॥ ८॥

caturvedarūpān svarūpān svaśiṣyānsureśābjapādādisaṃjñān variṣṭhān |caturdikṣu saṃsthāpayantaṃ śaraṇyaṃbhaje śaṅkaraṃ deśikendraṃ vareṇyam || 8||

श्रीशङ्कराष्टकं पुण्यं हृषीकेशप्रकल्पितम् ।राजतां देशिकेन्द्रस्य कोमले चरणाम्बुजे ॥ ९॥

śrīśaṅkarāṣṭakaṃ puṇyaṃ hṛṣīkeśaprakalpitam |rājatāṃ deśikendrasya komale caraṇāmbuje || 9||

इति श्रीजगन्नाथाश्रमपूज्यपादशिष्य श्रीहृषीकेशाश्रमविरचितं श्रीशङ्कराचार्यभुजङ्गप्रयाताष्टकं सम्पूर्णम् ।

iti śrījagannāthāśramapūjyapādaśiṣya śrīhṛṣīkeśāśramaviracitaṃ śrīśaṅkarācāryabhujaṅgaprayātāṣṭakaṃ sampūrṇam |