ऋषिस्तुतिः १ Rishistutih

भृगुर्वशिष्ठः क्रतुरङ्गिराश्च मनुः पुलस्त्यः पुलहश्च गौतमः ।रैभ्यो मरीचिश्च्यवनश्च दक्षः कुर्वन्तु सर्वे मम सुप्रभातम् ॥ १॥

bhṛgurvaśiṣṭhaḥ kraturaṅgirāśca manuḥ pulastyaḥ pulahaśca gautamaḥ |raibhyo marīciścyavanaśca dakṣaḥ kurvantu sarve mama suprabhātam || 1||

सनत्कुमारः सनकः सनन्दनः सनातनोऽप्यासुरिपिङ्गलौ च ।सप्त स्वराः सप्त रसातलानि कुर्वन्तु सर्वे मम सुप्रभातम् ॥ २॥

sanatkumāraḥ sanakaḥ sanandanaḥ sanātano'pyāsuripiṅgalau ca |sapta svarāḥ sapta rasātalāni kurvantu sarve mama suprabhātam || 2||

सप्तार्णवाः सप्त कुलाचलाश्च सप्तर्षयो द्वीपवनानि सप्त ।भूरादि कृत्वा भुवनानि सप्त कुर्वन्तु सर्वे मम सुप्रभातम् ॥ ३॥

saptārṇavāḥ sapta kulācalāśca saptarṣayo dvīpavanāni sapta |bhūrādi kṛtvā bhuvanāni sapta kurvantu sarve mama suprabhātam || 3||

इत्थं प्रभाते परमं पवित्रं पठेद् स्मरेद् वा शृणुयाच्च तद्वत् ।दुःखप्रणाशस्त्विह सुप्रभाते भवेच्च नित्यं भगवत्प्रसादात् ॥ ४॥

itthaṃ prabhāte paramaṃ pavitraṃ paṭhed smared vā śṛṇuyācca tadvat |duḥkhapraṇāśastviha suprabhāte bhavecca nityaṃ bhagavatprasādāt || 4||

इति ऋषिस्तुतिः समाप्ता ।

iti ṛṣistutiḥ samāptā |