रामानुजाष्टोत्तरशतनामस्तोत्रम् Ramanuja Ashtottarashatanama Stotram

ॐ श्रीमते रामानुजाय नमः ॥ॐ रामानुजः पुष्कराक्षो यतीन्द्रः करुणाकरः ।कान्तिमत्यात्मजः श्रीमाँल्लीलामानुषविग्रहः ॥ १॥

oṃ śrīmate rāmānujāya namaḥ ||oṃ rāmānujaḥ puṣkarākṣo yatīndraḥ karuṇākaraḥ |kāntimatyātmajaḥ śrīmām̐llīlāmānuṣavigrahaḥ || 1||

सर्वशास्त्रार्थतत्त्वज्ञः सर्वज्ञः सज्जनप्रियः ।हारीतगोत्रतिलकः श्रीभूतपुरपालकः ॥ २॥

sarvaśāstrārthatattvajñaḥ sarvajñaḥ sajjanapriyaḥ |hārītagotratilakaḥ śrībhūtapurapālakaḥ || 2||

अनघो भक्तमन्दारः केशवानन्दवर्धनः ।काञ्चीपूर्णप्रियसखः प्रणतार्तिविनाशकः ॥ ३॥

anagho bhaktamandāraḥ keśavānandavardhanaḥ |kāñcīpūrṇapriyasakhaḥ praṇatārtivināśakaḥ || 3||

पुण्यसङ्कीर्तनः पुण्योब्रह्मराक्षसमोचकः ।यादवापादितापार्थवृक्षच्छेदकुठारकः ॥ ४॥

puṇyasaṅkīrtanaḥ puṇyobrahmarākṣasamocakaḥ |yādavāpāditāpārthavṛkṣacchedakuṭhārakaḥ || 4||

अमोघो लक्ष्मणमुनिः शारदाशोकनाशकः ।निरन्तरजनाज्ञानविमोचनविचक्षणः ॥ ५॥

amogho lakṣmaṇamuniḥ śāradāśokanāśakaḥ |nirantarajanājñānavimocanavicakṣaṇaḥ || 5||

वेदान्तद्वयसारज्ञो वरदाम्बुप्रदायकः ।पराभिप्रायतत्त्वज्ञो यामुनाङ्गुलिमोचकः ॥ ६॥

vedāntadvayasārajño varadāmbupradāyakaḥ |parābhiprāyatattvajño yāmunāṅgulimocakaḥ || 6||

देवराजकृपालब्धषड्वाक्यार्थमहोदधिः ।पूर्णार्यलब्धसन्मन्त्रः शौरिपादाब्जषट्पदः ॥ ७॥

devarājakṛpālabdhaṣaḍvākyārthamahodadhiḥ |pūrṇāryalabdhasanmantraḥ śauripādābjaṣaṭpadaḥ || 7||

त्रिदण्डधारी ब्रह्मज्ञो ब्रह्मध्यानपरायणः ।रङ्गेशकैङ्कर्यरतो विभूतिद्वयनायकः ॥ ८॥

tridaṇḍadhārī brahmajño brahmadhyānaparāyaṇaḥ |raṅgeśakaiṅkaryarato vibhūtidvayanāyakaḥ || 8||

गोष्ठीपूर्णकृपालब्धमन्त्रराजप्रकाशकः ।वररङ्गानुकम्पात्तद्राविडाम्नायपारगः ॥ ९॥

goṣṭhīpūrṇakṛpālabdhamantrarājaprakāśakaḥ |vararaṅgānukampāttadrāviḍāmnāyapāragaḥ || 9||

मालाधगयसुज्ञात द्राविडाम्नायतत्त्वधीः ।चतुस्सप्ततिशिष्याढ्यः पञ्चाचार्यपदाश्रयः ॥ १०॥

mālādhagayasujñāta drāviḍāmnāyatattvadhīḥ |catussaptatiśiṣyāḍhyaḥ pañcācāryapadāśrayaḥ || 10||

प्रपीतविषतीर्थाम्भः प्रकटीकृतवैभवः ।प्रणतार्तिहराचार्यदत्तभिक्षैकभोजनः ॥ ११॥

prapītaviṣatīrthāmbhaḥ prakaṭīkṛtavaibhavaḥ |praṇatārtiharācāryadattabhikṣaikabhojanaḥ || 11||

पवित्रीकृतकूरेश भागिनेयत्रिदण्डकः ।कूरेशदासरथ्यादिचरमार्थप्रदायकः ॥ १२॥

pavitrīkṛtakūreśa bhāgineyatridaṇḍakaḥ |kūreśadāsarathyādicaramārthapradāyakaḥ || 12||

रङ्गेशवेङ्कटेशादिप्रकटीकृतवैभवः ।देवराजार्चनरतो मूकमुक्तिप्रदायकः ॥ १३॥

raṅgeśaveṅkaṭeśādiprakaṭīkṛtavaibhavaḥ |devarājārcanarato mūkamuktipradāyakaḥ || 13||

यज्ञमूर्तिप्रतिष्ठाता मन्नाथो धरणीधरः ।वरदाचार्येसद्भक्तो यज्ञेशार्तिविनाशकः ॥ १४॥

yajñamūrtipratiṣṭhātā mannātho dharaṇīdharaḥ |varadācāryesadbhakto yajñeśārtivināśakaḥ || 14||

अनन्ताभीष्टफलदो विठ्ठलेशप्रपूजितः ।श्रीशैलपूर्णकरुणालब्धरामायणार्थकः ॥ १५॥

anantābhīṣṭaphalado viṭhṭhaleśaprapūjitaḥ |śrīśailapūrṇakaruṇālabdharāmāyaṇārthakaḥ || 15||

प्रपत्तिधर्मैकरतो गोविन्दार्यप्रियानुजः ।व्याससूत्रार्थतत्त्वज्ञो बोधायनमतानुगः ॥ १६॥

prapattidharmaikarato govindāryapriyānujaḥ |vyāsasūtrārthatattvajño bodhāyanamatānugaḥ || 16||

श्रीभाष्यादिमहाग्रन्थकारकः कलिनाशनः ।अद्वैतमतविच्छेत्ता विशिष्टाद्वैतपारगः ॥ १७॥

śrībhāṣyādimahāgranthakārakaḥ kalināśanaḥ |advaitamatavicchettā viśiṣṭādvaitapāragaḥ || 17||

कुरङ्गनगरीपूर्णमन्त्ररत्नोपदेशकः ।विनाशिताखिलमतश्शेषीकृतरमापतिः ॥ १८॥

kuraṅganagarīpūrṇamantraratnopadeśakaḥ |vināśitākhilamataśśeṣīkṛtaramāpatiḥ || 18||

पुत्रीकृतशठारातिश्शठजिदृणमोचकः ।भाषादत्तहयग्रीवो भाष्यकारो महायशाः ॥ १९॥

putrīkṛtaśaṭhārātiśśaṭhajidṛṇamocakaḥ |bhāṣādattahayagrīvo bhāṣyakāro mahāyaśāḥ || 19||

पवित्रीकृतभूभागः कूर्मनाथप्रकाशकः ।श्रीवेङ्कटाचलाधीशशङ्खचक्रप्रदायकः ॥ २०॥

pavitrīkṛtabhūbhāgaḥ kūrmanāthaprakāśakaḥ |śrīveṅkaṭācalādhīśaśaṅkhacakrapradāyakaḥ || 20||

श्रीवेङ्कटेशश्वशुरः श्रीरमासखदेशिकः ।कृपामात्रप्रसन्नार्यो गोपिकामोक्षदायकः ॥ २१॥

śrīveṅkaṭeśaśvaśuraḥ śrīramāsakhadeśikaḥ |kṛpāmātraprasannāryo gopikāmokṣadāyakaḥ || 21||

समीचीनार्यसच्छिष्यसत्कृतो वैष्णवप्रियः ।कृमिकण्ठनृपध्वंसी सर्वमन्त्रमहोदधिः ॥ २२॥

samīcīnāryasacchiṣyasatkṛto vaiṣṇavapriyaḥ |kṛmikaṇṭhanṛpadhvaṃsī sarvamantramahodadhiḥ || 22||

अङ्गीकृतान्ध्रपूर्णार्यस्सालग्रामप्रतिष्ठितः ।श्रीभक्तग्रामपूर्णाढ्य विष्णुवर्धनरक्षकः ॥ २३॥ (श्रीभक्तग्रामपूर्णेश)

aṅgīkṛtāndhrapūrṇāryassālagrāmapratiṣṭhitaḥ |śrībhaktagrāmapūrṇāḍhya viṣṇuvardhanarakṣakaḥ || 23|| (śrībhaktagrāmapūrṇeśa)

बौद्धध्वान्तसहस्रांशुःशेषरूपप्रदर्शकः ।नगरीकृतवेदाद्रिर्ढिल्लीश्वरसमर्थितः ॥ २४॥ (दिल्लीश्वर)

bauddhadhvāntasahasrāṃśuḥśeṣarūpapradarśakaḥ |nagarīkṛtavedādrirḍhillīśvarasamarthitaḥ || 24|| (dillīśvara)

नारायणप्रतिष्ठाता सम्पत्पुत्रविमोचकः ।सम्पत्कुमारजनकः साधुलोकशिखामणिः ॥ २६॥

nārāyaṇapratiṣṭhātā sampatputravimocakaḥ |sampatkumārajanakaḥ sādhulokaśikhāmaṇiḥ || 26||

सुप्रतिष्ठितगोविन्दराजः पूर्णमनोरथः ।गोदाग्रजो दिग्विजेता गोदाभीष्टप्रपूरकः ॥ २६॥

supratiṣṭhitagovindarājaḥ pūrṇamanorathaḥ |godāgrajo digvijetā godābhīṣṭaprapūrakaḥ || 26||

सर्वसंशयविच्छेत्ता विष्णुलोकप्रदायकः ।अव्याहतमहद्वर्मा यतिराजो जगद्गुरुः ॥ २७॥

sarvasaṃśayavicchettā viṣṇulokapradāyakaḥ |avyāhatamahadvarmā yatirājo jagadguruḥ || 27||

एवं रामानुजार्यस्य नाम्नामष्टोत्तरं शतम् ।यः पठेच्छृणुयाद्वापि सर्वान्कामान्समश्नुते ॥ २८॥

evaṃ rāmānujāryasya nāmnāmaṣṭottaraṃ śatam |yaḥ paṭhecchṛṇuyādvāpi sarvānkāmānsamaśnute || 28||

यदान्ध्रपूर्णेन महात्मनेदंस्तोत्रं कृतं सर्वजनावनाय ।तज्जीवभूतं भुवि वैष्णवानांबभूव रामानुजमात्तसानाम् ॥ २९॥

yadāndhrapūrṇena mahātmanedaṃstotraṃ kṛtaṃ sarvajanāvanāya |tajjīvabhūtaṃ bhuvi vaiṣṇavānāṃbabhūva rāmānujamāttasānām || 29||

इति श्रीमद्रामानुजाष्टोत्तरशतनामस्तोत्रं सम्पूर्णम् ॥

iti śrīmadrāmānujāṣṭottaraśatanāmastotraṃ sampūrṇam ||