रामानुजवैभवस्तोत्रम् Ramanuja Vaibhava Stotram

श्रीमन्नारायणस्वामिन् शठकोपं प्रदेहि मे ।रामानुजं प्रदेहि त्वं शठकोपं मुनीश्वर ॥ १॥

śrīmannārāyaṇasvāmin śaṭhakopaṃ pradehi me |rāmānujaṃ pradehi tvaṃ śaṭhakopaṃ munīśvara || 1||

प्रदेहि मे दाशरथिं रामानुज दयानिधे ।भवाब्धौ मज्जमानं मां करुणाब्धे समुद्धर ॥ २॥

pradehi me dāśarathiṃ rāmānuja dayānidhe |bhavābdhau majjamānaṃ māṃ karuṇābdhe samuddhara || 2||

त्वमेव मे पिताः माता शरण्यश्च गुरुर्गतिः ।त्वां विनाऽन्या गतिः स्वामिन्नहि कुत्रापि विद्यते ॥ ३॥

tvameva me pitāḥ mātā śaraṇyaśca gururgatiḥ |tvāṃ vinā'nyā gatiḥ svāminnahi kutrāpi vidyate || 3||

घोरे कलियुगे ह्यस्मिन्सर्वधर्मविवर्जिते ।संसारतरणोपायो नान्यस्त्वच्चरणात्प्रभो ॥ ४॥

ghore kaliyuge hyasminsarvadharmavivarjite |saṃsārataraṇopāyo nānyastvaccaraṇātprabho || 4||

ततोऽनन्यगतिं दीनं दीनबन्धो दयार्णवः ।पाहि मां पापिनं घोरं रामानुजजगद्गुरो ॥ ५॥

tato'nanyagatiṃ dīnaṃ dīnabandho dayārṇavaḥ |pāhi māṃ pāpinaṃ ghoraṃ rāmānujajagadguro || 5||

संसारतापसन्दग्धश्शीतहेतुविवर्जितः ।रामानुजपदाम्भोजच्छायाविश्राममाश्रये ॥ ६॥

saṃsāratāpasandagdhaśśītahetuvivarjitaḥ |rāmānujapadāmbhojacchāyāviśrāmamāśraye || 6||

सर्वमङ्गलमाङ्गल्यं सर्वोपद्रवनाशनम् ।वन्दे रामानुजार्यस्य नित्यं पादाम्बुजद्वयम् ॥ ७॥

sarvamaṅgalamāṅgalyaṃ sarvopadravanāśanam |vande rāmānujāryasya nityaṃ pādāmbujadvayam || 7||

केचित्कर्मादियोगेषु विद्वांसोऽभिरता जनाः ।वयन्तु यतिराजस्य पादपद्मैकसंश्रयाः ॥ ८॥

kecitkarmādiyogeṣu vidvāṃso'bhiratā janāḥ |vayantu yatirājasya pādapadmaikasaṃśrayāḥ || 8||

भोगैश्वर्यपराः केचित्केचित्कैवल्यमीप्सवः ।वयन्तुशृङ्खलालग्ना रामानुज दयानिधे ॥ ९॥

bhogaiśvaryaparāḥ kecitkecitkaivalyamīpsavaḥ |vayantuśṛṅkhalālagnā rāmānuja dayānidhe || 9||

त्वत्पादाम्भोजमाश्रित्य निखिलोपायवर्जितः ।तरिष्यामोञ्जसा नूनं मृत्युसंसारसागरम् ॥ १०॥

tvatpādāmbhojamāśritya nikhilopāyavarjitaḥ |tariṣyāmoñjasā nūnaṃ mṛtyusaṃsārasāgaram || 10||

नमोऽस्तु सर्वार्तिविनाशहेतवेह्यनन्तपापेन्धनदावकीलिने ।निजाश्रितानां भवसिन्धुसेतवेयतीन्द्रपादाम्बुजकामधेनवे ॥ ११॥

namo'stu sarvārtivināśahetavehyanantapāpendhanadāvakīline |nijāśritānāṃ bhavasindhusetaveyatīndrapādāmbujakāmadhenave || 11||

अखिलदुरितपुञ्जध्वंसनंदेहमाजांभवजलनिधिपाते पावनं पावनानाम् ।परमपुरुषधामप्रापकं स्वाश्रितानांयतिपति पदपद्मं श्रेयसे संश्रयामि ॥ १२॥

akhiladuritapuñjadhvaṃsanaṃdehamājāṃbhavajalanidhipāte pāvanaṃ pāvanānām |paramapuruṣadhāmaprāpakaṃ svāśritānāṃyatipati padapadmaṃ śreyase saṃśrayāmi || 12||

नमामि रामानुजपादपङ्कजंवदामि रामानुजनाम निर्मलम् ।स्मरामि रामानुजदिव्यविग्रहंकरोमि रामानुजदासदासताम् ॥ १३॥

namāmi rāmānujapādapaṅkajaṃvadāmi rāmānujanāma nirmalam |smarāmi rāmānujadivyavigrahaṃkaromi rāmānujadāsadāsatām || 13||

रामानुजस्य पदपङ्कजमाश्रयामिरामानुजस्य करुणामनुसन्दधामि ।रामानुजस्य जनपादरजो वहामिरामानुजाय नम इत्यनिशं वदामि ॥ १४॥

rāmānujasya padapaṅkajamāśrayāmirāmānujasya karuṇāmanusandadhāmi |rāmānujasya janapādarajo vahāmirāmānujāya nama ityaniśaṃ vadāmi || 14||

बौद्धान्धकारपरिहारदिवाकरायश्रीवैष्णवाम्बुनिधिपूर्णनिशाकराय ।अद्वैतवादिकरियूथमृगाधिपायतस्मै नमोऽस्तु सततं यतिपुङ्गवाय ॥ १५॥

bauddhāndhakāraparihāradivākarāyaśrīvaiṣṇavāmbunidhipūrṇaniśākarāya |advaitavādikariyūthamṛgādhipāyatasmai namo'stu satataṃ yatipuṅgavāya || 15||

लोकानुद्धर्त्तुकामो धृतमनुजवपुर्भूतले योऽवतीर्णोनिर्जित्याशेषदुष्टान् कुमतिमतपरान्वैष्णवङ्कर्मतेने ।ब्रह्मेशानाद्यलभ्यं निखिलपतिपदं दत्तवांश्चाश्रितानांश्रीमान् रामानुजो नो भवभुजगमुखात्पातु नित्यं दयालुः ॥ १६॥

lokānuddharttukāmo dhṛtamanujavapurbhūtale yo'vatīrṇonirjityāśeṣaduṣṭān kumatimataparānvaiṣṇavaṅkarmatene |brahmeśānādyalabhyaṃ nikhilapatipadaṃ dattavāṃścāśritānāṃśrīmān rāmānujo no bhavabhujagamukhātpātu nityaṃ dayāluḥ || 16||

स्वपदाम्बुजसंश्रितपापहरं सकलश्रुतिसारयथार्थकरम् ।जयनादिविनाशनदण्डधरं प्रणमामि यतीश्वरमादिगुरुम् ॥ १७॥

svapadāmbujasaṃśritapāpaharaṃ sakalaśrutisārayathārthakaram |jayanādivināśanadaṇḍadharaṃ praṇamāmi yatīśvaramādigurum || 17||

प्रकटीकृतमाधवभक्तिपथं कलिपातकमोचनपुण्यकथम् ।परिभूतनिरीश्वरवादिमतं यतिराजगुरुं प्रणमामि सदा ॥ १८॥

prakaṭīkṛtamādhavabhaktipathaṃ kalipātakamocanapuṇyakatham |paribhūtanirīśvaravādimataṃ yatirājaguruṃ praṇamāmi sadā || 18||

कृमिकण्ठनरेशनिषूदकरं भवरोगविनाशनवैद्यवरम् ।शरणागतवत्सलवारिनिधिम्प्रणमामि सदायतिभूमिपतिम् ॥ १९॥

kṛmikaṇṭhanareśaniṣūdakaraṃ bhavarogavināśanavaidyavaram |śaraṇāgatavatsalavārinidhimpraṇamāmi sadāyatibhūmipatim || 19||

नमो रामानुजार्याय कल्याणगुणसिन्धवे ।कृपामात्रप्रसन्नाय दीननिर्व्याजबन्धवे ॥ २०॥

namo rāmānujāryāya kalyāṇaguṇasindhave |kṛpāmātraprasannāya dīnanirvyājabandhave || 20||

प्रथमोऽनन्तरूपश्च द्वितीयो लक्ष्मणस्तथा ।तृतीयो बलरामश्च कलौ रामानुजो मुनिः ॥ २१॥

prathamo'nantarūpaśca dvitīyo lakṣmaṇastathā |tṛtīyo balarāmaśca kalau rāmānujo muniḥ || 21||

द्वापरान्ते कलेरादौ पाखण्डप्रचुरे जने ।रामानुजेति भविता विष्णुधर्मप्रवर्त्तकः ॥ २२॥

dvāparānte kalerādau pākhaṇḍapracure jane |rāmānujeti bhavitā viṣṇudharmapravarttakaḥ || 22||

सर्वलोकसमुद्धर्त्रे कृमिकण्ठविनाशिने ।नारायणप्रतिष्ठात्रे प्रपन्नसुरसाक्षिणे ॥ २३॥

sarvalokasamuddhartre kṛmikaṇṭhavināśine |nārāyaṇapratiṣṭhātre prapannasurasākṣiṇe || 23||

त्रिदण्डहस्तं सितयज्ञसूत्रं काषायवस्त्रं लसदूर्ध्वपुण्ड्रम् ।रथाङ्गशङ्खाङ्कितबाहुमूलं रामानुजार्यं शरणं प्रपद्ये ॥ २४॥

tridaṇḍahastaṃ sitayajñasūtraṃ kāṣāyavastraṃ lasadūrdhvapuṇḍram |rathāṅgaśaṅkhāṅkitabāhumūlaṃ rāmānujāryaṃ śaraṇaṃ prapadye || 24||

इति श्रीब्रह्मसंहितायां रामानुजवैभवस्तोत्रं सम्पूर्णम् ॥

iti śrībrahmasaṃhitāyāṃ rāmānujavaibhavastotraṃ sampūrṇam ||