शचीसून्वष्टकम् Shachisunvashtakam

हरिर्दृष्ट्वा गोष्ठे मुकुरगतमात्मानमतुलंस्वमाधुर्यं राधप्रियतरसखीवाप्तुमभितः ।अहो गौडे जातः प्रभुरपरगौरैकतनुभाक्शचीसूनुः किं मे नयनशरणीं यास्यति पदम् ॥ १॥

harirdṛṣṭvā goṣṭhe mukuragatamātmānamatulaṃsvamādhuryaṃ rādhapriyatarasakhīvāptumabhitaḥ |aho gauḍe jātaḥ prabhuraparagauraikatanubhākśacīsūnuḥ kiṃ me nayanaśaraṇīṃ yāsyati padam || 1||

पुरीदेवयान्तःप्रणयमधुना स्नानमधुरोमुहुर्गोविन्दोद्यद्विशदपरिचर्यार्चितपदः ।स्वरूपस्य प्राणार्बुदपरिचर्यार्चितपदःशचीसूनुः किं मे नयनसरणीं यास्यति पदम् ॥ २॥

purīdevayāntaḥpraṇayamadhunā snānamadhuromuhurgovindodyadviśadaparicaryārcitapadaḥ |svarūpasya prāṇārbudaparicaryārcitapadaḥśacīsūnuḥ kiṃ me nayanasaraṇīṃ yāsyati padam || 2||

दधानः कौपीनं तदुपरि बहिर्वस्त्रमरुणंप्रकाण्डो हेमाद्रिद्युतिभिरभितः सेविततनुः ।मुदा गायन्नुच्चैर्निजमधुरनामावलिमसौशचीसूनुः किं मे नयनसरणीं यास्यति पदम् ॥ ३॥

dadhānaḥ kaupīnaṃ tadupari bahirvastramaruṇaṃprakāṇḍo hemādridyutibhirabhitaḥ sevitatanuḥ |mudā gāyannuccairnijamadhuranāmāvalimasauśacīsūnuḥ kiṃ me nayanasaraṇīṃ yāsyati padam || 3||

अनावेद्यां पूर्वैरपि मुनिगणैर्भक्तिनिपुणैःश्रुतेर्गूढां प्रेमोज्ज्वलरसफलां भक्तिलतिकाम् ।कृपालुस्तां गौडे प्रभु अतिकृपाभिः प्रकटयन्शचीसूनुः किं मे नयनसरणीं यास्यति पदम् ॥ ४॥

anāvedyāṃ pūrvairapi munigaṇairbhaktinipuṇaiḥśrutergūḍhāṃ premojjvalarasaphalāṃ bhaktilatikām |kṛpālustāṃ gauḍe prabhu atikṛpābhiḥ prakaṭayanśacīsūnuḥ kiṃ me nayanasaraṇīṃ yāsyati padam || 4||

निजत्वे गौडीयान्जगति परिगृह्य प्रभुरिमान्हरे कृष्णेत्येवं गणनविधिना कीर्तयत भोः ।इति प्रायां शिक्षां चरणमधुपेभ्यः परिदिशन्शचीसूनुः किं मे नयनसरणीं यास्यति पदम् ॥ ५॥

nijatve gauḍīyānjagati parigṛhya prabhurimānhare kṛṣṇetyevaṃ gaṇanavidhinā kīrtayata bhoḥ |iti prāyāṃ śikṣāṃ caraṇamadhupebhyaḥ paridiśanśacīsūnuḥ kiṃ me nayanasaraṇīṃ yāsyati padam || 5||

पुरः पश्यन्नीलाचलपतिमुरुप्रेमनिवहैःक्षरन्नेत्राम्भोभिः स्नपितनिजदीर्घोज्ज्वलतनुः ।सदा तिष्ठन्देशे प्रणयिगरुडस्तम्भचरमेशचीसूनुः किं मे नयनसरणीं यास्यति पदम् ॥ ६॥

puraḥ paśyannīlācalapatimurupremanivahaiḥkṣarannetrāmbhobhiḥ snapitanijadīrghojjvalatanuḥ |sadā tiṣṭhandeśe praṇayigaruḍastambhacarameśacīsūnuḥ kiṃ me nayanasaraṇīṃ yāsyati padam || 6||

मुदा दन्तरि दृष्ट्वा द्युतिविजितबन्धूकमधरंकरं कृत्वा वामं कटिनिहितमन्यं परिलसन्।समुत्थाप्य प्रेम्णागणितपुलको नृत्यकुतुकीशचीसूनुः किं मे नयनसरणीं यास्यति पदम् ॥ ७॥

mudā dantari dṛṣṭvā dyutivijitabandhūkamadharaṃkaraṃ kṛtvā vāmaṃ kaṭinihitamanyaṃ parilasan|samutthāpya premṇāgaṇitapulako nṛtyakutukīśacīsūnuḥ kiṃ me nayanasaraṇīṃ yāsyati padam || 7||

सरोत्तीरारामे विरहविधुरो गोकुलविधोर्नदीमन्यां कुर्वन्नयनजलधाराविततिभिः ।मुहुर्मूर्च्छां गच्छन्मृतकमिव विश्वं विरचयन्शचीसूनुः किं मे नयनसरणीं यास्यति पदम् ॥ ८॥

sarottīrārāme virahavidhuro gokulavidhornadīmanyāṃ kurvannayanajaladhārāvitatibhiḥ |muhurmūrcchāṃ gacchanmṛtakamiva viśvaṃ viracayanśacīsūnuḥ kiṃ me nayanasaraṇīṃ yāsyati padam || 8||

शचीसूनोरस्याष्टकमिदमभीष्टं विरचयन्सदा दैन्योद्रेकादतिविशदबुद्धिः पठति यः ।प्रकामं चैतन्यः प्रभुरतिकृपावेशविवशःपृथुप्रेमाम्भोधौ प्रथितरसदे मज्जयति तम् ॥ ९॥

śacīsūnorasyāṣṭakamidamabhīṣṭaṃ viracayansadā dainyodrekādativiśadabuddhiḥ paṭhati yaḥ |prakāmaṃ caitanyaḥ prabhuratikṛpāveśavivaśaḥpṛthupremāmbhodhau prathitarasade majjayati tam || 9||

इति श्रीरघुनाथदासगोस्वामिविरचितस्तवावल्यांश्रीशचीसून्वष्टकं सम्पूर्णम् ।

iti śrīraghunāthadāsagosvāmiviracitastavāvalyāṃśrīśacīsūnvaṣṭakaṃ sampūrṇam |