विघ्नेशस्तोत्रम् Vighnesha Stotram

विघ्नेशं प्रणतोऽस्म्यहं शिवसुतं सिद्धीश्वरं दन्तिनंगौरीनिर्मितभासमानवपुषं श्वेतार्कमूलस्थितम् ।सर्वारम्भणपूजितं द्विपमुखं दूर्वासमिज्याप्रियंमूलाधारनिवासिनं च फणिना बद्धोदरं बुद्धिदम् ॥ १॥

vighneśaṃ praṇato'smyahaṃ śivasutaṃ siddhīśvaraṃ dantinaṃgaurīnirmitabhāsamānavapuṣaṃ śvetārkamūlasthitam |sarvārambhaṇapūjitaṃ dvipamukhaṃ dūrvāsamijyāpriyaṃmūlādhāranivāsinaṃ ca phaṇinā baddhodaraṃ buddhidam || 1||

श्वेताम्भोरुहवासिनीप्रियमनाः वेधाश्च वेदात्मकःश्रीकान्तस्स्थितिकारकः स्मरपिता क्षीराब्धिशय्याहितः ।चन्द्रालङ्कृतमस्तको गिरिजया पृक्तात्मदेहश्शिवःते लोकत्रयवन्दितास्त्रिपुरुषाः कुर्युर्महन्मङ्गलम् ॥ २॥

śvetāmbhoruhavāsinīpriyamanāḥ vedhāśca vedātmakaḥśrīkāntassthitikārakaḥ smarapitā kṣīrābdhiśayyāhitaḥ |candrālaṅkṛtamastako girijayā pṛktātmadehaśśivaḥte lokatrayavanditāstripuruṣāḥ kuryurmahanmaṅgalam || 2||

संसारार्णवतारणोद्यमरताः प्रापञ्चिकानन्दगाःज्ञानाब्धिं विभुमाश्रयन्ति चरमे नित्यं सदानन्ददम् ।आप्रत्यूषविहारिणो गगनगाः नैकाः मनोज्ञाः स्थलीःवीक्ष्यान्ते हि निशामुखे वसतरुं गच्छन्ति चन्द्रद्युतौ ॥ ३॥

saṃsārārṇavatāraṇodyamaratāḥ prāpañcikānandagāḥjñānābdhiṃ vibhumāśrayanti carame nityaṃ sadānandadam |āpratyūṣavihāriṇo gaganagāḥ naikāḥ manojñāḥ sthalīḥvīkṣyānte hi niśāmukhe vasataruṃ gacchanti candradyutau || 3||

इति विघ्नेशस्तोत्रं सम्पूर्णम् ।स्तोत्रावलिःहरि वेङ्कट साम्राज्य श्री पवनकुमारः(संशोधकविद्यार्थी, विद्युद्विभागः २००७)

iti vighneśastotraṃ sampūrṇam |stotrāvaliḥhari veṅkaṭa sāmrājya śrī pavanakumāraḥ(saṃśodhakavidyārthī, vidyudvibhāgaḥ 2007)