योगिनीनायिकास्तोत्रम् Yogininayika Stotram

श्री उन्मत्तभैरव उवाचआस्याः स्तोत्रं प्रवक्ष्यामि सावधानावधारय ।साक्षात्सिद्धिं समाप्नोति योगिनी स्तोत्रपाठतः ॥ १॥

śrī unmattabhairava uvācaāsyāḥ stotraṃ pravakṣyāmi sāvadhānāvadhāraya |sākṣātsiddhiṃ samāpnoti yoginī stotrapāṭhataḥ || 1||

ध्यानम् ।हृदयाम्भोरुहे ध्याये सुन्दरीं नवयौवनाम् ।किङ्किणीजालमालाढ्यां त्रिपुरां पद्मलोचनाम् ।वराभयकरां धन्यां योगिनीं कामचारिणीम् ॥ २॥

dhyānam |hṛdayāmbhoruhe dhyāye sundarīṃ navayauvanām |kiṅkiṇījālamālāḍhyāṃ tripurāṃ padmalocanām |varābhayakarāṃ dhanyāṃ yoginīṃ kāmacāriṇīm || 2||

वन्दे योगिनी! योगसिद्धिधनदे! बन्धूकपुष्पोज्ज्वलेनानालङ्कृतिविग्रहे! सुरमणि श्रीदेवकन्ये प्रिये! ।दारिद्र्यं हन मे सुखं प्रियपदं वाञ्छादिसिद्धिं देहिराज्यं मित्रकलत्रपुत्रधनदे! मातः! समाधेहि मे ॥ ३॥

vande yoginī! yogasiddhidhanade! bandhūkapuṣpojjvalenānālaṅkṛtivigrahe! suramaṇi śrīdevakanye priye! |dāridryaṃ hana me sukhaṃ priyapadaṃ vāñchādisiddhiṃ dehirājyaṃ mitrakalatraputradhanade! mātaḥ! samādhehi me || 3||

तवाङ्घ्रिकमलद्वयं तरुणि देवते! दारुणंमहाभयसमाकुलं हर भजामि भूमण्डले ।कृपां कुरु ममालये सपरिवारदेवैः सहसदा भव हि भागिनी क्षम कुलापतापं मुदा ॥ ४॥

tavāṅghrikamaladvayaṃ taruṇi devate! dāruṇaṃmahābhayasamākulaṃ hara bhajāmi bhūmaṇḍale |kṛpāṃ kuru mamālaye saparivāradevaiḥ sahasadā bhava hi bhāginī kṣama kulāpatāpaṃ mudā || 4||

त्वमेका योगिनी कन्या पिङ्गला युवती रतिः ।गौरी विद्याधरी श्यामा प्रसन्ना भव सर्वदा ॥ ५॥

tvamekā yoginī kanyā piṅgalā yuvatī ratiḥ |gaurī vidyādharī śyāmā prasannā bhava sarvadā || 5||

त्वं सन्ध्या खेचरी विद्या यक्षिणी भूतिनीप्रिया ।त्वमेका पातु मां धात्री स्वर्णपात्रकराम्बुजा ॥ ६॥

tvaṃ sandhyā khecarī vidyā yakṣiṇī bhūtinīpriyā |tvamekā pātu māṃ dhātrī svarṇapātrakarāmbujā || 6||

हिरण्याक्षी विशालाक्षी चपला नागिनी जया ।प्रसन्ना भव शब्दाख्या कामिनी कामदायिनी ॥ ७॥

hiraṇyākṣī viśālākṣī capalā nāginī jayā |prasannā bhava śabdākhyā kāminī kāmadāyinī || 7||

सिद्धिदा कुलमन्त्राणां डाकिनी खेचरी भव ।नमामि वरदे देवि! योगिनीगणसेविते! ॥ ८॥

siddhidā kulamantrāṇāṃ ḍākinī khecarī bhava |namāmi varade devi! yoginīgaṇasevite! || 8||

तवाङ्घ्रियुगलं कान्ते! चन्द्रकान्तिसुमालिनी ।अमले कमले देवि! दारिद्र्यदोषभञ्जिनी ॥ ९॥

tavāṅghriyugalaṃ kānte! candrakāntisumālinī |amale kamale devi! dāridryadoṣabhañjinī || 9||

वन्दे त्वां मनसा वाचा प्रसन्ना भव सुन्दरि! ।कलिकालकृते देवि! खेचरी शतनायिके ॥ १०॥

vande tvāṃ manasā vācā prasannā bhava sundari! |kalikālakṛte devi! khecarī śatanāyike || 10||

धनसिद्धिं देहि शीघ्रं समागच्छ गृहे मम ।सिद्धिदा विधुराणां च अकालमृत्युनाशिनी ॥ ११॥

dhanasiddhiṃ dehi śīghraṃ samāgaccha gṛhe mama |siddhidā vidhurāṇāṃ ca akālamṛtyunāśinī || 11||

दशवर्षसहस्राणि स्थिरा भव कुले मम ।वाक्यसिद्धिप्रदा देवी पद्मरागसुमालिनी ॥ १२॥

daśavarṣasahasrāṇi sthirā bhava kule mama |vākyasiddhipradā devī padmarāgasumālinī || 12||

सर्वालङ्कारभूषाङ्गी प्रसन्ना भव सर्वदा ।मायाबीजात्मिका देवी वधूबीजसमाकुले ॥ १३॥

sarvālaṅkārabhūṣāṅgī prasannā bhava sarvadā |māyābījātmikā devī vadhūbījasamākule || 13||

सिद्धिद्रव्यं सदा देहि कान्ता भव ममालये ।विचित्राम्बरशोभाङ्गी नानालङ्कारवेष्टिते ॥ १४॥

siddhidravyaṃ sadā dehi kāntā bhava mamālaye |vicitrāmbaraśobhāṅgī nānālaṅkāraveṣṭite || 14||

विम्बारमणिसूर्याभे चन्द्रकान्तिप्रभोज्ज्वले ।स्मेराननाब्जे कामेशि! ममाज्ञापय दुर्लभम् ॥ १५॥

vimbāramaṇisūryābhe candrakāntiprabhojjvale |smerānanābje kāmeśi! mamājñāpaya durlabham || 15||

कामेशि! परमानन्दराजभोगप्रदायिनी ।सिद्धिदा वरदा माता भगिनी च भवप्रिया ॥ १६॥

kāmeśi! paramānandarājabhogapradāyinī |siddhidā varadā mātā bhaginī ca bhavapriyā || 16||

तवाज्ञाकिङ्करो देवि! पूजयाम्यहमादरात् ।ममाग्रे संस्थिरा भूत्वा सिद्धिदा भव सर्वदा ॥ १७॥

tavājñākiṅkaro devi! pūjayāmyahamādarāt |mamāgre saṃsthirā bhūtvā siddhidā bhava sarvadā || 17||

कौलिनी गगनस्था त्वं मम पार्श्वचरी भव ।शतवर्षसहस्राणि मायेकं रक्ष सेवकम् ॥ १८॥

kaulinī gaganasthā tvaṃ mama pārśvacarī bhava |śatavarṣasahasrāṇi māyekaṃ rakṣa sevakam || 18||

त्वामेकं जगतां देवि! सिद्धिविद्यां नमाम्यहम् ।ममाङ्गे चैव पार्श्वे त्वं कामिनी भव मे सदा ॥ १९॥

tvāmekaṃ jagatāṃ devi! siddhividyāṃ namāmyaham |mamāṅge caiva pārśve tvaṃ kāminī bhava me sadā || 19||

दशवर्षसहस्राणि सिद्धे! कमललोचनाम् ।वनिता भव मे नित्यं नित्यं देहं कुरु प्रिये ॥ २०॥

daśavarṣasahasrāṇi siddhe! kamalalocanām |vanitā bhava me nityaṃ nityaṃ dehaṃ kuru priye || 20||

एतत् स्तोत्रं पठेद् विद्वान् ध्यानाभ्याससमन्वितम ।पक्वान्नं नारिकेलं वा खण्डमिश्रं निवेदयेत् ।सिद्धिं यच्छन्ति भूतिन्यः स्तोत्रपूजाप्रभावतः ॥ २१॥

etat stotraṃ paṭhed vidvān dhyānābhyāsasamanvitama |pakvānnaṃ nārikelaṃ vā khaṇḍamiśraṃ nivedayet |siddhiṃ yacchanti bhūtinyaḥ stotrapūjāprabhāvataḥ || 21||

इति बृहद्भूतसन्धानडामरे महातन्त्रे योगिनीनायिकास्तोत्रं सम्पूर्णम् ।

iti bṛhadbhūtasandhānaḍāmare mahātantre yoginīnāyikāstotraṃ sampūrṇam |