लाकिनीसहस्रनामस्तोत्रम् Shrilakinisahasranamastotram

श्रीगणेशाय नमः ।आनन्दभैरवी उवाच ।अथ सम्भेदनार्थाय वक्ष्ये षट्पङ्कजस्य च ।महारुद्रस्य देवस्य श्री श्रीमृत्युञ्जयस्य च ॥ १॥

śrīgaṇeśāya namaḥ |ānandabhairavī uvāca |atha sambhedanārthāya vakṣye ṣaṭpaṅkajasya ca |mahārudrasya devasya śrī śrīmṛtyuñjayasya ca || 1||

लाकिनी शक्तिसहितं सहस्रनाममङ्गलम् ।अष्टोत्तरशतव्याप्तं निगूढं भव सिद्धये ॥ २॥

lākinī śaktisahitaṃ sahasranāmamaṅgalam |aṣṭottaraśatavyāptaṃ nigūḍhaṃ bhava siddhaye || 2||

धारयित्वा पठित्वा च श्रुत्वा वा नाममङ्गलम् ।शृणुष्व परमानन्द योगेन्द्र चन्द्रशेखर ॥ ३॥

dhārayitvā paṭhitvā ca śrutvā vā nāmamaṅgalam |śṛṇuṣva paramānanda yogendra candraśekhara || 3||

तवाह्लादप्रणयनात् सर्वसम्पत्तिप्राप्तये ।मणियोगसुसिद्ध्यर्थं सावधानाऽवधारय ॥ ४॥

tavāhlādapraṇayanāt sarvasampattiprāptaye |maṇiyogasusiddhyarthaṃ sāvadhānā'vadhāraya || 4||

अष्टोत्तरसहस्रनाममङ्गलस्य कहोडऋषिर्गायत्रीच्छन्दो महारुद्रमृत्युञ्जयलाकिनी सरस्वतीदेवतासर्वाभीष्टशचीपीठयोगसिद्ध्यर्थे विनियोगः ।ॐ मृत्युञ्जय रुद्रादि लाकिन्यादि सरस्वती ।मृत्युजेता महारौद्री महारुद्रसरस्वती ॥ ५॥

aṣṭottarasahasranāmamaṅgalasya kahoḍaṛṣirgāyatrīcchando mahārudramṛtyuñjayalākinī sarasvatīdevatāsarvābhīṣṭaśacīpīṭhayogasiddhyarthe viniyogaḥ |oṃ mṛtyuñjaya rudrādi lākinyādi sarasvatī |mṛtyujetā mahāraudrī mahārudrasarasvatī || 5||

महारौद्रो मृत्युहरो महामणिविभूषिता ।महादेवो महावक्त्रो महामाया महेश्वरी ॥ ६॥

mahāraudro mṛtyuharo mahāmaṇivibhūṣitā |mahādevo mahāvaktro mahāmāyā maheśvarī || 6||

महावीरो महाकालो महाचण्डेश्वरी स्नुषा ।महावातो महाभेदो वीरभद्रा महातुरा ॥ ७॥

mahāvīro mahākālo mahācaṇḍeśvarī snuṣā |mahāvāto mahābhedo vīrabhadrā mahāturā || 7||

महाचण्डेश्वरो मीनो मणिपूरप्रकाशिका ।महामत्तो महारात्रो महावीरासनस्थिता ॥ ८॥

mahācaṇḍeśvaro mīno maṇipūraprakāśikā |mahāmatto mahārātro mahāvīrāsanasthitā || 8||

मायावी मारहन्ता च मातङ्गी मङ्गलेश्वरी ।मृत्युहारी मुनिश्रेष्ठा मनोहारी मनोयवा ॥ ९॥

māyāvī mārahantā ca mātaṅgī maṅgaleśvarī |mṛtyuhārī muniśreṣṭhā manohārī manoyavā || 9||

मण्डलस्थो मनीलाङ्गो मान्या मोहनमौलिनी ।मत्तवेशो महाबाणो महाबला महालया ॥ १०॥

maṇḍalastho manīlāṅgo mānyā mohanamaulinī |mattaveśo mahābāṇo mahābalā mahālayā || 10||

मारी हारी महामारी मदिरामत्तगामिनी ।महामायाश्रयो मौनी महामाया मरुत्प्रिया ॥ ११॥

mārī hārī mahāmārī madirāmattagāminī |mahāmāyāśrayo maunī mahāmāyā marutpriyā || 11||

मुद्राशी मदिरापी च मनोयोगा महोदया ।मांसाशी मीनभक्षश्च मोहिनी मेघवाहना ॥ १२॥

mudrāśī madirāpī ca manoyogā mahodayā |māṃsāśī mīnabhakṣaśca mohinī meghavāhanā || 12||

मानभङ्गप्रियो मान्या महामान्यो महाबला ।महाबाणधरो मुख्यो महाविद्या महीर्यसी ॥ १३॥

mānabhaṅgapriyo mānyā mahāmānyo mahābalā |mahābāṇadharo mukhyo mahāvidyā mahīryasī || 13||

महाशूलधरोऽनन्तो महाबली महाकुला ।मलयाद्रिनिवासी च मतिर्मालासनप्रिया ॥ १४॥

mahāśūladharo'nanto mahābalī mahākulā |malayādrinivāsī ca matirmālāsanapriyā || 14||

मायापतिर्महारुद्रो मरुणाहतकारिणी ।मालाधारी शङ्खमाली मञ्जरी मांसभक्षिणी ॥ १५॥

māyāpatirmahārudro maruṇāhatakāriṇī |mālādhārī śaṅkhamālī mañjarī māṃsabhakṣiṇī || 15||

महालक्षणसम्पन्नो महालक्षणलक्षणा ।महाज्ञानी महावेगी मौषली मुषलप्रिया ॥ १६॥

mahālakṣaṇasampanno mahālakṣaṇalakṣaṇā |mahājñānī mahāvegī mauṣalī muṣalapriyā || 16||

महोख्यो मालिनीनाथो मन्दराद्रिनिवासिनी ।मौनीनामन्तरस्थश्च मानभङ्गा मनःस्विनी ॥ १७॥

mahokhyo mālinīnātho mandarādrinivāsinī |maunīnāmantarasthaśca mānabhaṅgā manaḥsvinī || 17||

महाविद्यापतिर्मध्यो मध्ये पर्वतवासिनी ।मदिरापो मन्दहरो मदनामदनासना ॥ १८॥

mahāvidyāpatirmadhyo madhye parvatavāsinī |madirāpo mandaharo madanāmadanāsanā || 18||

मदनस्थो मदक्षेत्रो महाहिमनिवासिनी ।महान् महात्मा माङ्गल्यो महामङ्गलधारिणी ॥ १९॥

madanastho madakṣetro mahāhimanivāsinī |mahān mahātmā māṅgalyo mahāmaṅgaladhāriṇī || 19||

महाहीनशरीरश्च मनोहरतदुद्भवा ।मायाशक्तिपतिर्मोहा महामोहनिवासिनी ॥ २०॥

mahāhīnaśarīraśca manoharatadudbhavā |māyāśaktipatirmohā mahāmohanivāsinī || 20||

महच्चितो निर्मलात्मा महतामशुचिस्थित ।मत्तकुञ्जरपृष्ठस्थो मत्तकुञ्जरगामिनी ॥ २१॥

mahaccito nirmalātmā mahatāmaśucisthita |mattakuñjarapṛṣṭhastho mattakuñjaragāminī || 21||

मकरो मरुतानन्दो माकरी मृगपूजिता ।मणीपूज्या मनोरूपी मेदमांसविभोजिनी ॥ २२॥

makaro marutānando mākarī mṛgapūjitā |maṇīpūjyā manorūpī medamāṃsavibhojinī || 22||

महाकामी महाधीरो महामहिषमर्दिनी ।महिषासुरबुद्धिस्थो महिषासुरनाशिनी ॥ २३॥

mahākāmī mahādhīro mahāmahiṣamardinī |mahiṣāsurabuddhistho mahiṣāsuranāśinī || 23||

महिषस्थो महेशस्थो मधुकैटभनाशिनी ।मधुनाथश्च मधुपो मधुमांसादिसिद्धिदा ॥ २४॥

mahiṣastho maheśastho madhukaiṭabhanāśinī |madhunāthaśca madhupo madhumāṃsādisiddhidā || 24||

महाभैरवपूज्यश्च महाभैरवपूजिता ।महाकान्ति प्रियानन्दो महाकान्तिस्थिताऽमरा ॥ २५॥

mahābhairavapūjyaśca mahābhairavapūjitā |mahākānti priyānando mahākāntisthitā'marā || 25||

मालाकोटिधरो मालो मुण्डमालाविभूषिता ।मण्डलज्ञाननिरतो मणिमण्डलवासिनी ॥ २६॥

mālākoṭidharo mālo muṇḍamālāvibhūṣitā |maṇḍalajñānanirato maṇimaṇḍalavāsinī || 26||

महाविभूतिक्रोधस्थो मिथ्यादोषसरस्वती ।मेरुस्थो मेरुनिलय मेनकानुजरूपिणि ॥ २७॥

mahāvibhūtikrodhastho mithyādoṣasarasvatī |merustho merunilaya menakānujarūpiṇi || 27||

महाशैलासन मेरुमोहिनी मेघवाहिनी ।मञ्जुघोषो मञ्जुनाथो मोहमुद्गरधारिणी ॥ २८॥

mahāśailāsana merumohinī meghavāhinī |mañjughoṣo mañjunātho mohamudgaradhāriṇī || 28||

मेढ्रस्थो मणिपीठस्थो मूलरूपा मनोहरा ।मङ्गलार्थो महायोगी मत्तमेहसमुद्भवा ॥ २९॥

meḍhrastho maṇipīṭhastho mūlarūpā manoharā |maṅgalārtho mahāyogī mattamehasamudbhavā || 29||

मतिस्थित मनोमानो मनोमाता महोन्मनी ।मन्दबुद्धिहरो मृत्युर्मृत्युहन्त्री मनःप्रिया ॥ ३०॥

matisthita manomāno manomātā mahonmanī |mandabuddhiharo mṛtyurmṛtyuhantrī manaḥpriyā || 30||

महाभक्तो महाशक्तो महाशक्तिर्मदातुरा ।मणिपुरप्रकाशश्च मणिपुरविभेदिनी ॥ ३१॥

mahābhakto mahāśakto mahāśaktirmadāturā |maṇipuraprakāśaśca maṇipuravibhedinī || 31||

मकारकूटनिलयो माना मानमनोहरी ।माक्षरो मातृकावर्णों मातृकाबीजमालिनी ॥ ३२॥

makārakūṭanilayo mānā mānamanoharī |mākṣaro mātṛkāvarṇoṃ mātṛkābījamālinī || 32||

महातेजा महारश्मिर्मन्युग स्यान् मधुप्रिया ।मधुमांससमुत्पन्नो मधुमांसविहारिणी ॥ ३३॥

mahātejā mahāraśmirmanyuga syān madhupriyā |madhumāṃsasamutpanno madhumāṃsavihāriṇī || 33||

मैथुनानन्दनिरतो मैथुनालापमोहिनी ।मुरारिप्रेमसंतुष्टो मुरारिकरसेविता ॥ ३४॥

maithunānandanirato maithunālāpamohinī |murāripremasaṃtuṣṭo murārikarasevitā || 34||

माल्यचन्दनदिग्धाङ्गो मालिनी मन्त्रजीविका ।मन्त्रजालस्थितो मन्त्री मन्त्रिणांमन्त्रसिद्धिदा ॥ ३५॥

mālyacandanadigdhāṅgo mālinī mantrajīvikā |mantrajālasthito mantrī mantriṇāṃmantrasiddhidā || 35||

मन्त्रचैतन्यकारी च मन्त्रसिद्धिप्रिया सती ।महातीर्थप्रियो मेषो महासिंहासनस्थिता ॥ ३६॥

mantracaitanyakārī ca mantrasiddhipriyā satī |mahātīrthapriyo meṣo mahāsiṃhāsanasthitā || 36||

महाक्रोधसमुत्पन्नो महती बुद्धिदायिनी ।मरणज्ञानरहितो महामरणनाशिनी ॥ ३७॥

mahākrodhasamutpanno mahatī buddhidāyinī |maraṇajñānarahito mahāmaraṇanāśinī || 37||

मरणोद्भूतहन्ता च महामुद्रान्विता मुदा ।महामोदकरो मारो मारस्था मारनाशिनी ॥ ३८॥

maraṇodbhūtahantā ca mahāmudrānvitā mudā |mahāmodakaro māro mārasthā māranāśinī || 38||

महाहेतुहरो हर्ता महापुरनिवासिनी ।महाकौलिकपालश्च महादैत्यनिवारिणी ॥ ३९॥

mahāhetuharo hartā mahāpuranivāsinī |mahākaulikapālaśca mahādaityanivāriṇī || 39||

मार्तण्डकोटिकिरणो मृतिहन्त्री मृतिस्थिता ।महाशैलोऽमलो मायी महाकालगुणोदया ॥ ४०॥

mārtaṇḍakoṭikiraṇo mṛtihantrī mṛtisthitā |mahāśailo'malo māyī mahākālaguṇodayā || 40||

महाजयो महारुद्रो महारुद्रारुणाकरा ।मनोवर्णमृजोमाख्यो मुद्रा तरुणरूपिणी ॥ ४१॥

mahājayo mahārudro mahārudrāruṇākarā |manovarṇamṛjomākhyo mudrā taruṇarūpiṇī || 41||

मुण्डमालाधरो मार्यो मार्यपुष्पमृजामनी ।मङ्गलप्रेमभावस्था महाविद्युत्प्रभाऽचला ॥ ४२॥

muṇḍamālādharo māryo māryapuṣpamṛjāmanī |maṅgalapremabhāvasthā mahāvidyutprabhā'calā || 42||

मुद्राधारी मतस्थैर्यो मतभेदप्रकारिणी ।महापुराणवेत्ता च महापौराणिकाऽमृता ॥ ४३॥

mudrādhārī matasthairyo matabhedaprakāriṇī |mahāpurāṇavettā ca mahāpaurāṇikā'mṛtā || 43||

मौनविद्यो महाविद्या महाधननिवासिनी ।मघवा माघमध्यस्था महासैन्या महोरगा ॥ ४४॥

maunavidyo mahāvidyā mahādhananivāsinī |maghavā māghamadhyasthā mahāsainyā mahoragā || 44||

महाफणिधरो मात्रा मातृका मन्त्रवासिनी ।महाविभूतिदानाढ्या मेरुवाहनवाहना ॥ ४५॥

mahāphaṇidharo mātrā mātṛkā mantravāsinī |mahāvibhūtidānāḍhyā meruvāhanavāhanā || 45||

महाह्लादो महामित्रो महामैत्रेयपूजिता ।मार्कण्डेयसिद्धिदाता मार्कण्डेयायुषिस्थिता ॥ ४६॥

mahāhlādo mahāmitro mahāmaitreyapūjitā |mārkaṇḍeyasiddhidātā mārkaṇḍeyāyuṣisthitā || 46||

मार्कण्डेयो मुहुःप्रीतो मातृकामण्डलेश्वरी ।मानसंस्थो मानदाता मनोधारणतत्परा ॥ ४७॥

mārkaṇḍeyo muhuḥprīto mātṛkāmaṇḍaleśvarī |mānasaṃstho mānadātā manodhāraṇatatparā || 47||

मयदानवचित्तस्थो मयदानवचित्रिणी ।महागुणधरानन्दो महालिङ्गविहारिणी ॥ ४८॥

mayadānavacittastho mayadānavacitriṇī |mahāguṇadharānando mahāliṅgavihāriṇī || 48||

महेश्वरस्थितो मूलो मूलविद्याकुलोदया ।मायापो मोहनोन्मादी महागुरुनिवासिनी ॥ ४९॥

maheśvarasthito mūlo mūlavidyākulodayā |māyāpo mohanonmādī mahāgurunivāsinī || 49||

महाशुक्लाम्बरधरो मलयागुरुधूपिता ।मधूपिनी मधूल्लासो माध्वीरससमाश्रया ॥ ५०॥

mahāśuklāmbaradharo malayāgurudhūpitā |madhūpinī madhūllāso mādhvīrasasamāśrayā || 50||